Google ადამიანის დონის ხელოვნური ინტელექტის შექმნას უახლოვდება

ხელოვნური ინტელექტის შექმნას ადამიანების მომავლისთვის უდიდესი მნიშვნელობა აქვს, თუმცა ტექნოლოგიები ჯერ იმ დონეზე განვითარებული არ არის, რომ მას თავისუფლად ვუწოდოთ მოაზროვნე "არსება". სწორედ ამიტომ, ინჟინრებისა და პროგრამისტების წინ ამჟამად ზოგადი ხელოვნური ინტელექტის (artificial general intelligence) შექმნის დავალება დგას. მკლევრები ზოგადი ხელოვნური ინტელექტის კონცეპტზე დიდ იმედებს ამყარებენ. ეს იქნება ისეთი შესაძლებლობების მქონე ხელოვნური ინტელექტი, რომელიც sci-fi ფილმებში გვინახავს, თუმცა, რაღა თქმა უნდა, ჩვენ წინააღმდეგ არ გაილაშქრებს. AGI იქმენა იმისთვის, რომ მან თავის თავში გააერთიანოს ყველა ხელოვნური ინტელექტი და შეძლოს ის ყველაფერი, რაც სხვადასხვა ნეირონულ ქსელებს ინდივიდუალურად შეუძლიათ.

გასულ კვირას TheNextWeb-მა საკმაოდ პესიმისტური სტატია გამოაქვეყნა, სადაც მათი ჟურნალისტი, ტრისტან გრინი აღნიშნავდა, რომ AGI-ს შექმნა თითქმის შეუძლებელია და მას ჩვენ ვერც მოვესწრებით. ამას Google-ის DeepMind-ის წამყვანი მკვლევარი, დოქტორი Nando de Freitas საკუთარი ტვიტერის მეშვეობით გამოეხმაურა.

Nando De Freitas თვლის, რომ ყველაფერი პირიქითაა და "თამაში დასრულებულია". მისი არით, ჩვენი ისეთი სისწრაფით ვზრდით ხელოვნური ინტელექტის შესაძლებლობებს, რომ ზოგადი Ai-ს შექმნა უბრალოდ დროის საკითხია.

გრინის სტატია მეინსტრიმულ მიდგომას ეფუძნება — ბოლო რამდენიმე ათწლეულში ხელოვნური ინტელექტის შესაძლებლობები კოლოსალურად გაიზარდა, თუმცა ეს არ არის საკმარისი იმისათვის, რომ ჩვენ ადამიანის დონის ხელოვნური ინტელექტი უახლოეს მომავალში ვიხილოთ.

როგორც უკვე ვთქვით, აღმოჩნდა, რომ ნანდო დე ფრეიტას ასე არ ფიქრობს და ის მარტო არაა, მას ეთანხმება OpenAI-ის უფროსი მეცნიერი, ილია სუტსკევერიც.

"მასშტაბირებასთან დაკავშირებული პრობლემების აღმოფხვრა მიგვიყვანს ზოგად ხელოვნურ ინტელექტამდე" — ვკითხულობთ ნანდო დე ფრეიტასის ტვიტში.

DeepMind-მა ცოტა ხნის წინ ახალი ხელოვნური ინტელექტი, Gato წარადგინა, რომელსაც 600-ზე მეტი სხვადასხვა დავალების შესრულება შეუძლია — თუ გავითვალისწინებთ ფრეიტასის სიტყვებსაც, შეიძლება ვიფიქროთ, რომ Google ზოგადი ხელოვნური ინტელექტის შექმნას ნელ-ნელა უახლოვდება