დარგის ექსპერტების სამუშაო ბაზრის ანგარიშების პროგნოზის მიხედვით, უკვე 2025 წელს დასაქმებულთა 70%-სთვის საჭირო იქნება დღეისთვის არსებული უნარების განახლება, რაც გამოწვეულია თანამედროვე ტექნოლოგიების მასიური დანერგვით.
თქვენ ინტერესდებით სამუშაო პოზიციების მომავალი ევოლუციით? გიფიქრიათ პროფესიის შეცვლაზე და ტექნოლოგიურ სფეროში გადმოსვლაზე? გაინტერესებთ შეუძლია თუ არა თქვენს არსებულ კარიერას IT სფეროში წარმატების მიღწევაში დაგეხმაროთ?
კარიერის შეცვლა შეიძლება წარმოუდგენლად რთული ჩანდეს. განსაკუთრებით მაშინ, თუ 5 და 10 წლის განმავლობაში არატექნოლოგიურ ინდუსტრიაში მოღვაწეობდით, რომლის ინტერესიც დაკარგეთ...
ტექნოლოგიურ სფეროში უამრავი პოზიცია არსებობს, სადაც მუშაობა თქვენი კარიერის განმავლობაში შეძენილი უნარების საშუალებით შეგიძლიათ. რაც ნიშნავს, რომ არ არის საჭირო ყველაფერი ნულიდან დაიწყოთ. საკმარისია შეიძინოთ რამდენიმე ტექნოლოგიური უნარი, რათა მოახდინოთ მარტივი გადასვლა იმ სფეროში, რომელიც გაინტერესებთ.
არ აქვს მნიშვნელობა რა პროფესია გქონდათ წარსულში, იყავით ექთანი, ადმინისტრაციული ასისტენტი, ინჟინერი თუ ბანკირი - თქვენ გაქვთ უნარები, რომლებიც ძალიან ღირებულიაა, IT სფეროს გარეთ არსებული უამრავი პროფესია წარმოადგენს საუკეთესო საფუძველს ტექნოლოგიების ინდუსტრიაში დასასაქმებლად
ფინანსები - მონაცემთა ანალიტიკოსი
თუ გაქვთ გამოცდილება ფინანსებში, მაშინ მონაცემთა ანალიტიკოსის პროფესია თქვენთვის საუკეთესო არჩევანია. იგი გულისხმობს მონაცემთა შეგროვებას და მათ იდეად გადაქცევას, რომლის საფუძველზეც ბიზნესი იმუშავებს. მონაცემთა ანალიტიკა წარმოადგენს შესანიშნავ სფეროს ნებისმიერისთვის, ვინც მიჩვეულია რიცხვებთან მუშაობას, ტრენდების ანალიზსა და ინტერპრეტაციას.
არ აქვს მნიშვნელობა ფინანსების რომელი ნაწილიდან მოდიხართ, იქნება ეს საინვესტიციო მრჩეველი, სესხების ოფიცერი თუ სხვა - თქვენი გამოცდილება მოგანიჭებთ უპირატესობას სხვა კანდიდატებთან შედარებით. უბრალოდ დარწმუნდით, რომ ხაზს გაუსვამთ თქვენს ანალიტიკურ და მონაცემებთან მუშაობის უნარებს.
საცალო ვაჭრობა - მომხმარებელთა მხარდაჭერა (customer support)
ერთი რამ, რასაც საცალო ვაჭრობისას სწავლობთ, არის თუ როგორ გაუმკლავდეთ, ხშირ შემთხვევაში გაბრაზებულ, დაბნეულ ან იმედგაცრუებულებ მომხმარებლებს. და ალბათ უკვე შეგიყვარდათ ის გრძნობაც, რომელსაც ასეთი რთული გამოცდილების წარმატებად ქცევა განიჭებთ.
აი, სადამდე მივყავართ ადამიანებთან ურთიერთობის უნარებს: თქვენ ხართ საუკეთესო კანდიდატი მომხმარებელთა მხარდამჭერის პოზიციაზე (ე.წ. „ტექნიკური მხარდამჭერი“). სამუშაო დღეების გატარება მოგიწევთ იმ მომხმარებლების დახმარებაში, რომლებიც აწყდებიან სხვადასხვა პრობლემას ან აქვთ კითხვები თქვენი პროდუქტის შესახებ. მათთვის კი თქვენ საუკეთესო გადაწყვეტილებების მოძებნა მოგიწევთ.
ახალგაზრდები დაინტერესებული არიან ტექნოლოგიებით, მაგრამ არ იციან როგორ ან სად დაიწყონ სწავლა, ჩვენსკვალიფიციურ სპეციალისტებთან, საერთაშორისო აკადემიაში, მოზარდებს შეუძლიათ პროგრამირების შესწავლა!
გაყიდვების მენეჯერი - პროექტ მენეჯერი
ყველაზე მთავარი გამოცდილება, რაც პროექტ მენეჯერს სჭირდება, არის მენეჯმენტის უნარი როგორც ადამიანების, ასევე მთლიანი პროექტის სამუშაო პროცესის მართვაში. სწორედ ამიტომაა, რომ გაყიდვების მენეჯერები წარმოადგენენ საუკეთესო კანდიდატებს პროექტ მენეჯერის პოზიციაზე.
თქვენ დაგჭირდებათ, რომ მოახდინოთ შიდა და გარე რესურსების კოორდინირება, დეტალური გეგმების შედგენა და მათი პროგრესის მართვა, სამუშაოს შესრულების გაზომვა, ნებისმიერი ცვლილების მართვა პროექტის განვითარების მასშტაბების შესაბამისად და სხვა. ხაზი გაუსვით ასეთ გამოცდილებას თქვენს რეზიუმეებში.
რედაქტორის ასისტენტი/ქოფირაითერი/ჟურნალისტი - კონტენტ მარკეტერი ან ციფრული მარკეტერი
თუ გიმუშავიათ მედიაში ან სხვა საგამომცემლო პოზიციებზე, ალბათ თქვენი კარიერა მუდმივად მიმზიდველი წერილობითი კონტენტის შექმნაში გაატარეთ. ამ უნარების გადატანა კონტენტ მარკეტინგში ძალიან მარტივია.
დიდი ალბათობით, თქვენი კარიერის რაღაც ნაწილი სოციალურ მედიასა და ონლაინ რეკლამებთან თანამშრომლობაში გაატარეთ, ვინაიდან ციფრულ მარკეტინგში უფრო და უფრო მეტი კომპანია ერთვება. გააერთიანეთ სოციალური მედიის ცოდნა წერის მრავალწლიან გამოცდილებასთან და თქვენ შეგეძლებათ, რომ დაიწყოთ კარიერა კონტენტ და/ან ციფრულ მარკეტინგში.
გრაფიკული დიზაინერი ან არქიტექტორი - ვიზუალური ან ვებ დიზაინერი
კარგი დიზაინი, კარგი დიზაინია. არ აქვს მნიშვნელობა ეს ლამაზი დიზაინი ცათამბჯენების ფორმაშია წარმოდგენილი თუ ვებსაიტებისა და ვებაპლიკაციების. პრინციპები ძალიან ერთგვაროვანია.
აიღეთ არქიტექტურის გამოცდილება, მიუმატეთ ტექნიკური უნარები და ბუმ! - თქვენ მარტივად შეძლებთ გადახვიდეთ ვებ და/ან ვიზუალურ დიზაინში.
ინჟინერი - ვებ დეველოპერი
ინჟინრები აგვარებენ პრობლემებს იქამდე, ვიდრე ისინი ჩნდებიან. ისინი არიან გამჭრიახი, სრულად ხედავენ უფრო დიდ სურათს და პროგნოზირებენ პროექტის ყველა შედეგს/შესაძლებლობას.
ვებსაიტებისა და აპლიკაციების დეველოპერები ზუსტად ამას აკეთებენ. ვებსაიტის ან აპლიკაციის აწყობა ნიშნავს შექმნა user-friendly ინტერფეისი დასაწყისიდანვე. ოდესმე გქონიათ შეხება ისეთ აპლიკაციასთან, რომელმაც იმდენად მოგიშალათ ნერვები, რომ აღარასდროს გაგიხსნიათ იგი? შეისწავლე ციფრული უნარები და იყავი გამოსავალი.
თქვენს რეზიუმესა და გასაუბრების დროს ყურადღება გაამახვილეთ იმ პრობლემებზე, რომლებიც მათ წარმოქმნამდე გადაგიჭრიათ და დაელოდეთ დამსაქმებლების თვალების გაბრწყინებას!
მცირე ბიზნესის მფლობელი - პროდუქტ მენეჯერი
პროდუქტ მენეჯერები ფიქრობენ სტრატეგიულად იმისათვის, რომ წინასწარ განჭვრიტონ პოტენციური შესაძლებლობები და პატერნები, რათა მათმა შემდგომმა სვლებმა საუკეთესო შედეგი გამოიღოს. ისინი ასევე საჭიროებენ, რომ იყვნენ ძალიან ორგანიზებული, რათა შეძლონ ინფორმაციის დამუშავება როგორც პროდუქტის, ასევე მათი კონკურენტების შესახებ.
თუ თქვენ მცირე ბიზნესის მფლობელი ხართ - მაშინ თქვენ ეს უნარები გაქვთ! თქვენ უკვე გაქვთ დიდი გამოცდილება სტრატეგიულ აზროვნებაში, ბაზრისა და კონკურენტების შესახებ ინფორმაციის მოგროვებასა და ორგანიზებულობაში.
ეს უნარები ძალიან მნიშვნელოვანია პროდუქტ მენეჯერებისთვის, რომლებიც პასუხისმგებელი არიან კომპანიის პროდუქტისა და სერვისის ხედვასა და სტრატეგიაზე.
მასწავლებელი - ინსტრუქციული დიზაინერი/ონლაინ სასწავლო პროგრამების დიზაინერი
მასწავლებლები მუდმივად ქმნიან სასწავლო პროგრამებს. საუკეთესო პედაგოგებს უწევთ შექმნან პროგრამა, რომელიც არის არა მხოლოდ ინფორმაციული, არამედ დამაჯერებელი და საინტერესო.
სწორედ ესაა, რასაც სასწავლო პროგრამის დიზაინერი აკეთებს. მაშინ, როდესაც ამდენი სკოლა გადადის ონლაინ სწავლებაზე, ყოფილ პედაგოგებს მარტივად შეუძლიათ დაგეგმონ სასწავლო პროგრამა, რომელიც იქნება საინტერესო და ინფორმაციული.
მედდა, დამხმარე - ვებ დეველოპმენტის გუნდის ლიდერი
ვებ დეველოპმენტის თიმ ლიდერები (ზოგჯერ მას სენიორ ვებ დეველოპერებსაც უწოდებენ) ეხმარებიან და ხელმძღვანელობენ დეველოპერების გუნდს, რომლებიც ზოგადად უფრო რთულ აპლიკაციებსა და ვებსაიტებზე მუშაობენ. რა თქმა უნდა, ისინი საჭიროებენ, რომ ჰქონდეთ დეველოპერული უნარები, მაგრამ უფრო მნიშვნელოვანია, რომ მათ შეეძლოთ ერთდროულად მრავალი საქმის შესრულება და მათი სწორი დახარისხება.
სწორედ ამიტომაა, რომ ნებისმიერი, ვისაც ექთნის გამოცდილება აქვს, კონკურენტებზე ერთი საფეხურით მაღლა დგას. მედდები ატარებენ დღეებს ემოციური პაციენტების, გადაღლილი ექიმებისა და გაღიზიანებული კოლეგების მართვაში. ისინი გაწაფული არიან ერთდროულად რამდენიმე ამოცანისა და გადაუდებელი საქმის შესრულებაში ისე, რომ თან სიმშვიდეს ინარჩუნებენ. ისინი არიან საუკეთესო კანდიდატები გუნდის ლიდერობისთვის.
ადმინისტრაციული ასისტენტი - სოციალური მედიის კოორდინატორი/ციფრული მარკეტინგის ასისტენტი
სოციალური მედიის კოორდინატორები და/ან ციფრული მარკეტინგის ასისტენტები არიან საუკეთესო კომუნიკატორები. ისინი ასევე არიან ძალიან ორგანიზებული კონტენტის შექმნაში, გამოქვეყნებასა და რეკლამირებაში.
ადმინისტრაციული ასისტენტი ქმნის ურთიერთობებს, უზრუნველყოფს ორგანიზაციას, დაგეგმვასა და შეუფერხებელ მუშაობას. ხედავთ პარალელებს? ვიცი, რომ ხედავთ! ადმინისტრატორები არიან საუკეთესო კანდიდატები ამ პროფესიებისთვის.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Stepლიდერი IT სფეროში, ახლა უკვე 100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
