სამყარო უსწრაფესად ვითარდება. ტექნოლოგიურ სფეროში სულ უფრო ხშირად ვხვდებით ისეთ გარღვევებსა და მიღწევებს, რომლებმაც შესაძლოა, ჩვენი ცხოვრება რადიკალურად შეცვალონ.
ერთ-ერთი ასეთი სიახლე, რომელმაც ინტერნეტის მასშტაბით ყველა დააინტერესა, მეტავერსია. მეტავერსის, ანუ ვირტუალური სამყაროს შესახებ საუბრები მას შემდეგ გამძაფრდა, რაც Facebook-მა სახელი შეიცვალა, Meta-დ გადაკეთდა და განაცხადა, რომ მეტავერსი იქნება სოციალური ურთიერთობისა და ზოგადად ინტერნეტის მომავალი.
ვირტუალური რეალობის სათვალეებსა და სხვა აპარატურას მალე მივეჩვევით და მათგან მიღებულ სიამოვნებასაც შევიგრძნობთ, თუმცა არ უნდა დაგვავიწყდეს, რომ ნებისმიერ მედალს აქვს მეორე მხარეც. ვირტუალური რეალობის სამყაროების მატებასთან ერთად გაიზრდება უსაფრთხოების რისკებიც. ჩვენ ვალდებულები ვართ დავიწყოთ ახალი ციფრული რეალობის შენება, თუმცა ეს უსაფრთხოების ყველა ნორმის დაცვით უნდა მოხდეს.
მეტავერსში შესაძლო თაღლითობას საკმაოდ მრავალფეროვანი სახე ექნება და ჩვენ ეს უნდა ვიცოდეთ. კლასიკური ფიშერული ლინკის მაგივრად, შესაძლოა ჩვენ ვნახოთ ისეთი ავატარი, რომელიც ჩვენს თანამშრომელს იქნება მიმსგავსებული. ანალიტიკოსები ვარაუდობენ, რომ ავატარებით თაღლითობა მეტავერსში გავრცელებული იქნება. თუ მსგავსი შემთხვევებისგან თავს თავიდანვე არ დავიცავთ, შესაძლოა ამან დიდი პრობლემების წინაშე დაგვაყენოს.
ტექნოლოგიური განვითარება ძალიან სწრაფად მიმდინარეობს და სასიცოცხლოდ მნიშვნელოვანია, რომ ამ სიჩქარეში ბევრი შეცდომა არ გაგვეპაროს. ვირტუალურ რეალობაში ქონებით ვაჭრობა მსოფლიოსთვის ახალი არ არის, 1990-იან წლებში dot-com დომეინების სახელების უდიდესი ბაზარი განჩდა, რაშიც მსხვილი ბროკერებიც მონაწილეობდნენ.
World Wide Web-მა სამყარო ნამდვილად შეცვალა, თუმცა მას თან ბევრი პრობლემაც ახლდა. საიტების რაოდენობის უსწრაფეს ზრდასთან ერთად, იზრდებოდა ბანკების, სამთავრობო საიტებისა და დიდი კომპანიების ცრუ ვებ-გვერდების რაოდენობაც.
როგორც უკვე ვთქვით, იდენტობის მოპარვა მეტავერსის ყველაზე დიდი გამოწვევა იქნება. წლების განმავლობაში თაღლითები თავს ხან პრინცებად გვასაღებდნენ, რომლებიც მზად იყვნენ ჩვენთვის მილიონი ეჩუქებინათ, ხან უბრალოდ ლატარიაში მოგებული მილიარდის აღებას გვთხოვდნენ.
ახლა წარმოიდგინეთ როგორი იქნება სქემები მეტავერსში. ჩვენ არ მივიღებთ ფიშერულ მეილს “ჩვენი” ბანკისგან. შესაძლოა, ვირტუალურ რეალობაში ჩვენ უბრალოდ ცრუ საბანკო ფილიალში შევიდეთ, სადაც თაღლითები ჩვენ პირად და საბარათე ინფორმაციას მიითვისებენ. ან, შესაძლოა თაღლითმა ჩვენი CEO-ს მსგავსი ავატარი მოირგოს და დავირუსებულ ვირტუალურ საკონფერენციო დარბაზში მიგვიწვიოს.
სწორედ ამიტომ იდენტობის დაცვა მეტავერსის უპირველესი ამოცანა იქნება, რამდენად გამოგვივა ეს, ამას მხოლოდ დრო გვიჩვენებს.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
