როგორ დავეხმაროთ ახალგაზრდებს კარიერული გადაწყვეტილებების მიღებაში?

ადამიანი ბუნებით ცნობისმოყვარეა. ის გამუდმებით ეძებს ახალ გამოცდილებას, თავსატეხს, ცდილობს, გადაჭრას ახალ-ახალი პრობლემები და ა.შ., რის შედეგადაც ის ხდება კონკრეტული დარგის პროფესიონალი და უვითარდება ისეთი უნარები და კომპეტენციები, რომელიც ხელს უწყობს გარემოსთან ადაპტაციასა და შინაგანი წონასწორობის დამყარებაში

ახალგაზრდებს უშრეტი ცნობისმოყვარეობა და ინტერესი ამოძრავებთ, ესაუბრეთ თქვენს შვილს პროფესიებზე რომელიც აინტერესებს, განიხილეთ მასთან ერთად ესა თუ ის მიმართულება არა როგორც მშობელმა, არამედ როგორც მეგობარმა. თქვენ შეგიძლიათ დაეხმაროთ მათ სხვადასხვა პროფესიის კვლევაში ან გარკვეული სამუშაოს შესასრულებლად საჭირო უნარებისა და კვალიფიკაციის შესახებ ინფორმაციის მოძიებაში და დადებითად იმოქმედოთ თქვენი შვილის არჩევანზე

დაისახეთ კარირული გეგმები

თქვენს შვილს მოუწევს გადაწყვეტილებების მიღება სხვადასხვა ასაკში. მნიშვნელოვანია პატარაობიდანვე დაუსვათ მათ შეკითხვები კარიერულ გზასთან დაკავშირებით, შეეკითხეთ სამუშაოებზე, რომლებსაც სხვა ადამიანები ასრულებენ. ეს შეიძლება იყოს ვინმე ნათესავი ან უცნობი ადამიანები, რომლებსაც ისინი ქუჩაში ხვდებიან, ვინმე, ვისაც ხედავენ ტელევიზორში ან ჟურნალებში. თქვენ ასევე შეგიძლიათ იმსჯელოთ სამუშაოების ტიპებზე, რომლებიც შეიძლება შეესაბამებოდეს მათ ინტერესებს, უნარებს ან მისწრაფებებს.

მოუსმინეთ თქვენს შვილს

იმისათვის, რომ დაეხმაროთ თქვენს შვილს კარიერის დაგეგმვაში, მნიშვნელოვანია, რომ თქვენ:

• გულდასმით მოუსმინოთ, არ განსაჯოთ
• იყოთ ღია იდეებისთვის და წაახალისოთ, გამოიკვლიონ თავიანთი ყველა ვარიანტი
• გახსოვდეთ, რომ თქვენი შვილის არჩევანი და გადაწყვეტილებები უნდა ეფუძნებოდეს მის მისწრაფებებსა და შესაძლებლობებს და არა იმას, თუ რას ფიქრობთ თქვენ, რომ უნდა აკეთებდეს თქვენი შვილი
• გახსოვდეთ, რომ ყველას არ აქვს მკაფიო წარმოდგენა, რისი გაკეთება სურს, ამიტომ თქვენი შვილის კარიერული მოსაზრებები შეიძლება შეიცვალოს ასაკის მატებასთან ერთად

დაეხმარეთ შვილს კარიერის დაგეგმვაში

მას შემდეგ, რაც თქვენს შვილს ექნება გარკვეული წარმოდგენები იმის შესახებ, თუ რისი გაკეთება სურს, წაახალისეთ იგი, ჩაატაროს გარკვეული კვლევა. თქვენ შეგიძლიათ დაეხმაროთ მათ იმის გარკვევაში, თუ რა არის საჭირო კონკრეტულ კარიერაში მუშაობისთვის.

გარდა იმისა, რომ დაეხმარებით მათ გადაწყვიტონ მომავალში გადასადგმელი ნაბიჯები, თქვენ ასევე დაეხმარებით მათ განავითარონ გადაწყვეტილების მიღების უნარები, რომლებიც მნიშვნელოვანია ზრდასრულ ცხოვრებაში. მათ უნდა განიხილონ სხვადასხვა ვარიანტების დადებითი და უარყოფითი მხარეები, მიიღონ გადაწყვეტილება ხელმისაწვდომი ინფორმაციის საფუძველზე - შემდეგ დაიწყონ გეგმის გახორციელებაზე ზრუნვა.

არ დაკარგოთ დრო! გამოიყენეთ ის უკეთესი მომავლის შესაქმნელად

→ დარეგისტრირდი ახლავე!

როგორ დავაინტერესოთ მოზარდი სამომავლო პროფესიით?

იმისათვის, რომ დაეხმაროთ თქვენს შვილს იფიქროს სხვადასხვა არჩევანზე, შეგიძლიათ წაახალისოთ შემდეგნაირად:

• ესაუბრეთ სამომავლო გეგმებზე
• სთხოვეთ გააკეთოს სხვადასხვა პროფესიის კვლევა
• სთხოვეთ გაეცნოს განათლების, დასაქმებისა და ტრენინგების სფეროში არსებულ სიახლეებს
• სთხოვეთ მოიძიოს ინფორმაცია საინტერესო ტრენინგების, კოლეჯებისა და უნივერსიტეტების მიღების მოთხოვნების შესახებ, ასევე, რა არის საჭირო სამუშაოსთვის, რომლითაც დაინტერესებულია
• დააცადეთ განივითაროს თავიანთი უნარები კლუბებში და აქტივობებში მონაწილეობით, როგორც სკოლის შიგნით, ისე მის ფარგლებს გარეთ - ეს დაეხმარება კურსებზე ან სამუშაო პოზიციებზე განაცხადის შეტანისას
• ეცადეთ ზაფხულში დასაქმდეს, ეზიაროს ფიზიკურ სამუშაო გამოცდილებას
• დაესწროს უკლებლივ ყველა კარიერულ ღონისძიებას, რომლებსაც მათი სკოლა აწყობს

მნიშვნელოვანი სფეროები დღეს და მომავალში 

წარმატებული კარიერული არჩევანის გასაკეთებლად, სასურველია თქვენც გესმოდეთ დასაქმების მიმდინარე და მომავალი შესაძლებლობების შესახებ, ასევე, ერკვეოდეთ ტექნოლოგიებში, რადგან სულ უფრო მეტი ახალი პროფესია იბადება და ახალი ვაკანსია ჩნდება მეცნიერებაში, ტექნოლოგიაში, ინჟინერიასა და მათემატიკაში (STEM).

მომავლის ტრენდია:

• მცირე ბიზნეს და ფინანსური მომსახურება (მათ შორის, ბუღალტერია, კორპორატიული აღდგენა, ფინანსური ანალიტიკოსები)
• საინფორმაციო და საკომუნიკაციო ტექნოლოგიები (ICT) (განსაკუთრებით პროგრამული უზრუნველყოფის განვითარების უნარები, მონაცემთა ბაზის შემუშავება, სისტემების არქიტექტურა და ინტერნეტის სპეციალისტის უნარები) - პროგრამირება - პროფესია სკოლის პარალელურად
• აგრო-სასურსათო სექტორი (მათ შორის, ლაბორანტები, კვების მეცნიერები, ბიოტექნიკა, დანადგარებთან მომუშავეები)
• ქსელები, მოწინავე წარმოება და ინჟინერია (IT მხარდაჭერა, CAD უნარები, CNC დანადგარებთან მომუშავეები, მექანიკური და ელექტრო ინჟინერიის უნარები, მათ შორის ტექნიკოსის დონეზე) - IT მხარდაჭერა
• განახლებადი ენერგიები და გადამუშავება
• ჯანმრთელობისა და სასიცოცხლო მეცნიერებები (ბიოტექნოლოგია, ფარმაცევტული პროდუქტები, ბიოსამედიცინო ტექნოლოგიები, სასიცოცხლო გამოყენებითი ტექნოლოგიები, კვების პროდუქტები და ბიოსამედიცინო მოწყობილობები)
• შემოქმედებითი და ციფრული მედია - კომპიუტერული გრაფიკა და დიზაინი
• სასტუმროები და კვების ბიზნესი (ტურიზმი)
• საცალო ვაჭრობა

ახალგაზრდება უნდა დაიწყონ სწავლის პარალელურად მუშაობა, რაც ხელს შეუწყობს, როგორც დამოუკიდებლად ცხოვრების დაწყებას ისე სამუშაო გამოცდილების მიღებასა და შრომით ბაზარზე თავის დამკვიდრებას. ცხადია იმისთვის, რომ ეს ეკონომიკისთვის შეთავსებადი იყოს, აუცილებელია სოლიდარული საგადასახადო სისტემაზე გადასვლა, საითაც საქართველო მიისწრაფვის

დაეუფლე აქტუალურ პროფესიებს - მოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ

https://www.facebook.com/itstep.ge