თუ პატარა საძინებლისთვის იდეებს ეძებთ, აქ მოყვანილი მშვენიერი დიზაინერული მაგალითებით დაგეხმარებით, ეს მაგალითები მცირე ზომის სივრცეებს განსაკუთრებით მოუხდება...
გთავაზობთ პატარა საძინებლებთან დაკავშირებულ იდეებს, რომლებიც დაგეხმარებათ მოიშოროთ დარდი რომელიც შესაძლოა პატარა კვადრატულობის გამო გქონდეთ, ჩვენ ვიცით თუ რამდენად პრობლემური შეიძლება იყოს ყველაფრის ერთ პატარა საძინებელში ჩატენვა, ამის ფონზე ვისწავლეთ რაღაც ხერხები და ტრიუკები რომლებსაც აქ გაგიზიარებთ.
გახადეთ უფრო მასშტაბური პატარა საძინებელი სკანდინავიური სტილით შთაგონებული ფერებით
თუ პატარა საძინებლებისთვის სწრაფი გადაწყვეტილებები გჭირდებათ, საღებავი ისაა რაც ამ შემთხვევაში დაგეხმარებათ. პატარა საძინებლისთვის ფერების შეცვლას შეუძლია დიდი როლის გავლენის მოხდენა იმაზე თუ როგორ აღვიქვამთ მის ზომას. ნათელ ოთახში უფრო ფერმკრთალი ფერების არჩევის შემთხვევაში ოთახი მომენტალურად უფრო დიდად გამოჩნდება. ასევე შეგიძლიათ იატაკი ღია ფერში გადაწყვიტოთ, რაც ოთახს ძალიან ჰაეროვან შესახედაობას მისცემს.
„სკანდინავიურ სტილში გადაწყვეტილი წყნარი და მშვიდი ინტერიერი ჯერ კიდევ დიდი ხნის განმავლობაში ისარგებლებს პოპულარობით, ის იდეალურია პატარა სივრცის მქონე საძინებლისთვის. თეთრ ფერს აქვს უნარი გაზარდოს ნებისმიერი სივრცე. საძინებელში გამოყენების შემთხვევაში ის დაგეხმარებათ დაისვენოთ დამღლელი დღის ფონზე. გამოიყენეთ თეთრი ფერი კედელზე აქცენტის შესაქმნელად და შეათავსეთ ის მოდურ მშრალ პასტელის ფერებთან, რაც სრულად რბილ და კეთილგანწყობილ სივრცეს შექმნის“, გვირჩევს სიუ კიმი, Valspar-ის ფერების მთავარი დიზაინერი.
შეარჩიეთ ძლიერი ჩრდილები პატარა საძინებლის მომხიბვლელობისათვის
მდიდარ ფერებს შეუძლიათ პატარა საძინებელი ოთახი ძალიან მოდურ ადგილად აქციონ, შექმნან თბილი და მყუდრო ატმოსფერო საწოლის თავის მაგიდის სანათით განათების შემთხვევაში, დღის შუქზე კი ასეთი ოთახი ელეგანტური და მოხდენილია. ბალდახინებით საწოლის გამოყენების შემთხვევაში კი საინტერესო ატმოსფერო იქმნება, შეიძლება გაგიკვირდეთ კიდევაც, მაგრამ ბალდახინები ძალიან კარგად აფორმებენ პატარა ოთახს, იმდენად რამდენადაც მათი გამოყენების შემთხვევაში იქმნება სიმაღლის შეგრძნება და ერთგვარი ცალკე სივრცე არსებულ ოთახში.
„იყავით გაბედულები და მიიღეთ სარისკო გადაწყვეტილებები, მუქი და მდიდარი ჩრდილების გამოყენებით მცირე ზომის ოთახებშიც კი. შეუხამეთ ჩრდილები ნათელ აქსესუარებს და ბევრ შუქს, რაც ოთახს აბსოლუტურად მომხიბვლელს და მოდურს გახდის,“ აცხადებს კასია ვიქტოროვიჩი.
შექმენით ტექსტურა პატარა ოთახში შპალერის გამოყენებით
ძალიან ეფექტურ (და ნაკლებად პოპულარულ) იდეას პატარა საძინებელში საექსპერიმენტოდ შპალერი წარმოადგენს. ამ შემთხვევაში დიზაინის შემთხვევაში უფრო დახვეწილი, ფერებით ნაკლებად გაჯერებული ნიმუშის შერჩევაა აუცილებელი, ვიდრე შპალერის რომელსაც უფრო მდიდარი და ვიზუალურად გადატვირთული გამოსახულება ექმნება, იმდენად რამდენადაც ამ უკანასკნელის შემთხვევაში ოთახი უფრო მცირედ გამოჩნდება.
აღჭურვეთ ოთახი საწოლით რომელზეც მოდის დატვირთვა
პატარა სივრცის შემთხვევაში, აუცილებელია რომ თქვენი ავეჯიც მასთან შესაბამისობაში მოვიდეს და ამიტომ, თუ თქვენ შეძლებთ შეარჩიოთ რამე რაც თქვენს სათავსოს გაარმაგებს, აუცილებლად ასე მოიქეცით. შესაძლოა ყველაზე კარგი გზა ეფექტურად აითვისოთ პატარა საძინებელი, ისეთი საწოლის შერჩევაშია, რომელსაც სათავსო აქვს. ბოლოს და ბოლოს, საწოლის ქვეშ არსებულ სივრცეს არანაირი ფუნქცია არ გააჩნია, ამიტომ, რატომ არ უნდა დატვირთოთ ის?
ან თავად შექმენით სათავსო საწოლის ქვეშ
იმ შემთხვევაში თუ არ გსურთ ახალი საწოლის ყიდვა, შეგიძლიათ მოძებნოთ უჯრები რომლებსაც უკვე არსებული საწოლის ქვეშ შეუძლიათ მოთავსება და მოძრაობა. ეს მართლაც რომ საუკეთესო გზაა საწოლის ქვეშ არსებული სივრცის ბოლომდე ათვისებისათვის და ძალიან კარგი ადგილი პირსახოცების, თეთრეულების ან ფეხსაცმლის შესანახად. ბაზარზე უამრავი უჯრის პოვნა შეგიძლიათ, თუმცა, თუ თქვენთვის მოსაწონს ვერ პოულობთ, მათი მომზადება თავად შეგიძლიათ.
შეარჩიეთ მოდური გარდერობი პატარა სივრცის შესაბამისად
რა უფრო მოსახერხებელია მცირე საძინებლის შემთხვევაში - ღია სათავსო რელსებით ტანსაცმლისთვის თუ ტრადიციული გარდერობი, თუმცა, ასევე მცირე ზომის. ეს ყველაფერი დამოკიდებულია იმაზე თუ როგორი სივრცის შექმნა გსურთ თქვენს საძინებელში.
უფრო თავისუფალი გარემოს შესაქმნელად, შეგიძლიათ ღია სათავსოს გზა აირჩიოთ, ამ შემთხვევაში სხვადასხვა ზომის და კონფიგურაციის სათავსოს შერჩევა შეგიძლიათ, და თქვენი ოთახის შესაბამისად მოარგოთ შერჩეული ვარიანტი. ტანსაცმლის ჩამოსაკიდი რელსები არ ნიშნავს რომ თქვენი საძინებელი არეული იქნება - შეუხამეთ სასიამოვნო ძვირფასეულობა და ქუდები და თქვენ ბუდუარი გექნებათ!
თუმცა, თუ უბრალოდ არ მოგწონთ ტანსაცმლის გამოსაჩენ ადგილას ყოფნა, დაზოგეთ ადგილი ისეთი გარდერობის შერჩევით რომელსაც სრიალა კარები აქვთ (რომლებიც გაღებისას გარეთ არ მოიმართებიან). ასეთ შემთხვევაში გირჩევთ თეთრი ფერის ან სარკეებიანი ზედაპირის შერჩევას, რაც თქვენს სივრცეს უფრო ფართო შესახედაობას მისცემს. უამრავი თხელი გარდერობის პოვნა შეგიძლიათ და თუ შერჩევისას სარკით სრულად დაფარულ ვარიანტს იპოვით, ესეიგი სწორ გზაზე ხართ.
შეარჩიეთ მრავალფუნქციური, გასაშლელ/დასაკეცი მაგიდა
პატარა ოთახი და მაგიდა ერთმანეთს არ ეწინააღმდეგება. თუ საქმის კეთება სიმშვიდეში გსურთ, საძინებელი შეიძლება გამოგადგეთ, ან თუნდაც თუ საზიარო ბინა გაქვთ, ამ სივრცეში შეიძლება კომპაქტური მაგიდის იდეა განიხილოთ. კიდევ უკეთესია თუ მაგიდას გაშლის უნარი აქვს, რაც მოგცემთ საშუალებას არ გადატვირთოთ პატარა სივრცე დამატებით ავეჯით.
განთავისუფლდი ბანალური საგანმანათლებლო სისტემისგან, დაიწყე ინტერიერის დიზაინის შესწავლა სრულიად ახალი მეთოდებით, მოერგე ბაზრის თანამედროვემოთხოვნებსდა გახდი წარმატებული!
გახადეთ უფრო კომფორტული პატარა საძინებლები შესაბამისი დასაჯდომი ავეჯის საშუალებით
პატარა საძინებლისთვის და დიზაინის შესაბამისად სავარძლის შერჩევა შესაძლოა რთული ამბავი იყოს; იმ შემთხვევაში თუ სავარძელი ზედმეტად პატარაა ის შესაძლოა არაკომფორტული იყოს; თუ ზედმეტად დიდია, ოთახში პრაქტიკულად სხვა არაფრისთვის ადგილი არ დაგრჩებათ. ამ პრობლემის გადასაწყვეტად ერთი გზა იმაში მდგომარეობს რომ ტაბურეტი შეარჩიოთ - ზომაში პატარა, მაგრამ ძალიან კომფორტული და სახასიათო. სხვა გზა ისაა რომ უფრო დიდი სკამი შეარჩიოთ, იმის გათვალისწინებით რომ ასეთ შემთხვევაში სხვა ტიპის ავეჯი ოთახში ნაკლებად იქნება.
ხასიათის შესაქმნელად დაამატეთ ოთახს აქსესუარები
პატარა საძინებლის ამ იდეის ხასიათის განსაზღვრა მნიშვნელოვნად შეუძლია. პატარა სივრცეს თავისი პლუსები აქვს; ერთ-ერთი ასეთი უპირატესობა იმაში მდგომარეობს რომ ამ შემთხვევაში დეტალებს და აქცენტებს მეტი მნიშვნელობა ენიჭებათ, იმდენად რამდენადაც დიდ ოთახში შესაძლოა ისინი სივრცეში ჩაიკარგონ. საგულდულოდ შერჩეულ ტექსტილს და იატაკის გაფორმებას შეუძლია ოთახს ხასიათი მისცეს და უფრო მეტიც, ეგზოტიკურიც კი გახადოს ის. საძინებლის დეტალებზე აქცენტის გასასმელად თქვენ ასევე შეგიძლიათ სარკეები დაიხმაროთ - ამავდროულად, არ არის აუცილებელი დიდი სარკეები იყოს. პატარა სარკესაც კი შეუძლია შექმნას ილუზია თითქოს სივრცე უფრო დიდია, განსაკუთრებით მაშინ როდესაც მასთან სხვა სარკეების შეთავსება ხდება.
დააფინეთ გამორჩეული თეთრეული პატარა საძინებელში
ზოგიერთი საძინებელი იმდენად პატარაა რომ საწოლის მიღმა ადგილი შესაძლოა საერთოდ არაფრისთვის დაგრჩეთ. ასეთ შემთხვევებში თეთრეული და საწოლის გადასაფარებელი მნიშვნელოვან როლს ასრულებენ იმდენად რამდენადაც მათ შეუძლიათ მყუდრო და მომხიბვლელი სივრცის შექმნა. დახვეწილ თეთრ და ხარისხიან საწოლის თეთრეულის შეუძლია შუქის არეკვლით გაახალისოს პატარა ოთახი როგორც ვიზუალური თვალსაზრისით, ასევე შეგრძნების დონეზე. დამატებით ეშხის შესაქმნელად, შეგიძლიათ გამოიყენოთ თეთრი ზეწარი, რაც უფრო სარელაქსაციო გარემოს შექმნის, ასეთი ხერხით საწოლი უფრო მეტად კომფორტულ, მდიდრულ და მთლიანობაში უფრო ბოჰემურ ხასიათს შეიძენს
გამოიყენეთ ვიზუალური ტრიუკები რომ პატარა საძინებელი უფრო დიდად გამოჩნდეს
დაამტკიცეთ რომ შეგიძლიათ ოთახის დიზაინი ისე შეცვალოთ რომ ის უფრო მაღალ სივრცედ გამოჩნდეს... თუ თქვენი ოთახი პატარაა და ამავდროულად დაბალი ჭერი გაქვთ (ეს ორი ხშირად ერთმანეთს ერწყმის), შეგიძლიათ კედლის ქვედა ნაწილი უფრო მუქ ფერებში გადაწყვიტოთ ვიდრე კედლის ზედა ნაწილი, ასეთ შემთხვევაში ოთახი უფრო დიდი გამოჩნდება. ამ ყველაფერს დაამატეთ ვერტიკალური პანელები ან ნაკლებად შესამჩნევი ვერტიკალური ზოლები და შედეგად მიიღებთ ეფექტს რომელიც უფრო დიდი სივრცის შთაბეჭდილებას ტოვებს.
გამოიყენეთ გამჭრიახობა სივრცესთან მიმართებაში და დაამონტაჟეთ დასაჯდომი ფანჯარასთან
დასაჯდომი ფანჯარასთან შესანიშნავი დანამატია თქვენი საძინებლისთვის. ასეთი ხერხი გაძლევთ საშუალებას გქონდეთ დასაჯდომი იქ სადაც სივრცე დაიკარგებოდა, ამავდროულად ის გაძლევთ საშუალებას მის ქვეშ დაფარული სათავსო მოათავსოთ.
გამოიყენეთ თაროები მცირე ზომის მაგიდების როლში
თუ თქვენი საძინებელი მართლაც ძალიან მცირეა და საწოლთან დასადგამი პატარა მაგიდებისთვის ადგილი არ გაქვთ, შეგიძლიათ ეს იდეა გამოიყენოთ და კედლებზე თაროები დაამონტაჟოთ. შეგიძლიათ ორი ან სამი თარო დაამონტაჟოთ და ასეთი ხერხის გამოყენებით შექმნათ იმდენი სივრცე რამდენიც საძინებელში პატარა მაგიდის შემთხვევაში გექნებოდათ.
თავად შექმენით გარდერობი რომელშიც შესვლა და სივრცის დაზოგვა შეგეძლებათ
გინატრიათ გარდერობზე რომელშიც შესვლას შეძლებდით? რა თქმა უნდა, ყველას უოცნებია. შეგვიძლია Carrie Bradshaw-ს ერთი ან ორი პარაგრაფი მივუძღვნათ, მაგრამ მოდით უბრალოდ პირდაპირ საქმეზე გადავიდეთ - თქვენ შეგიძლიათ ყველანაირი სტილის გარდერობში თქვენ საძინებლის ზომის მიუხედავად შეხვიდეთ, IKEA-ს ეს შესანიშნავი ხერხი ერთ-ერთი საუკეთესო იდეაა რაც კი აქამდე გვინახავს. ეს შესანიშნავი ხერხი გვაჩვენებს თუ რამდენად გონიერად შეგიძლიათ გამოიყენოთ თქვენი სივრცე - იყიდეთ სწორი სათავსო და უბრალოდ დაფარეთ ის სუპერ ლამაზი ფარდით.
მაქსიმუმამდე მიიყვანეთ პატარა საძინებლის სიმყუდროვე
Size does matter, თუმცა პატარა არ ნიშნავს ცუდს, მცირე კვადრატულობის საძინებელს აქვს მყუდროების უნარი, ამიტომ, რატომ არ შეიძლება ეს მყუდროება სიხარულით მივიღოთ?! დარწმუნდით რომ ასეთ შემთხვევაში გაქვთ ბევრი რბილი ავეჯი, მინიმუმამდე დაყვანილი დიდი ზომის ავეჯი და რა თქმა უნდა, ბევრი ზღაპრული განათება.
გააფორმეთ ჭერი შპალერით
ხშირად ჭერს არ ვაქცევთ სათანადო ყურადღებას, ამ ტრადიციას გვინდა ბოლო მოვუღოთ და გაჩვენოთ თუ რამდენად კარგად შეიძლება გამოიყურებოდეს შპალერებიანი ჭერი პატარა საძინებელში. კედელზე არსებული შპალერის ჭერამდე გაგრძელებით ოთახის სივრცის რეალური ზომა შეიძლება დაიკარგოს და ამით ოთახი ბევრად დიდი გამოჩნდეს. ასეთი სივრცეში ჭერი უფრო მაღალი შეიძლება გეგონოთ ვიდრე ის სინამდვილეშია.
ყველაფერი ერთ ფერში გადაწყვიტეთ
ისევ და ისევ, ჭერის შესახებ ვისაუბროთ. თუ მთელი ოთახის შპალერით მორთვის იდეა გიჟურად გეჩვენებათ, გეტყვით რომ კედლების ერთ ფერში შეღებვას მსგავსი, ოთახის უფრო ფართოდ გამოჩენის ეფექტი აქვს.
შემოუშვით ბევრი ბუნებრივი შუქი ნახევრად გამჭვირვალე ფარდების დახმარებით
ბუნებრივი შუქი მნიშვნელოვან როლს თამაშობს ოთახის უფრო დიდ და ამავდროულად, უფრო ნათელ სივრცედ გამოჩენის მხრივ. ამიტომ, დარწმუნდით რომ შუქისგან მაქსიმუმს იღებთ და ფანჯრებს სწორად იყენებთ. თავი აარიდეთ ზედმეტად ბნელ და მძიმე ფარდებს, შეარჩიეთ ნახევრად გამჭვირვალე ფარდები და პრივატულობისთვის შეათავსეთ ისინი ჩასამუქებელ ჟალუზთან .
კიდევ ერთი ხერხი ფარდების ფანჯრის ზემოთ დაკიდება და იატაკის ბოლომდე მიყვანაშია, რაც უფრო მაღალი ჭერის და უფრო დიდი ფანჯრის შთაბეჭდილებას შექმნის.
შეარჩიეთ დაბალი ავეჯი
თუ ისეთი მცირე ზომის საძინებელს აწყობთ სადაც დაბალი ჭერია, ან სიტყვაზე თუ ეს ოთახი სხვენშია, მაშინ დაბალი ავეჯის შერჩევით შეგიძლიათ ოთახი ნაკლებად გადატვირთული გამოაჩინოთ. დაბალი საწოლები ამჟამად მოდაშია, გარეგნულადაც შესანიშნავად გამოიყურებიან და ბოჰემური სტილის საძინებელს ქმნიან.
დაკიდებული თაროები საწოლის ზემოთ
დაკიდებულ თაროებს საოცრებების გაკეთება შეუძლიათ პატარა საძინებლებში იმდენად რამდენადაც დამატებით სივრცეს ქმნიან და ამავდროულად საერთოდ არ იკავებენ ადგილს იატაკზე. ძალიან მოგვწონს საწოლის ზემოთ საწოლის ფიცრის მაგივრად ერთი ან ორი თაროს დაკიდების იდეა. შეავსეთ თაროები წიგნებით, ჩარჩოებით, განათებებით ან მცენარეულობით, რაც სივრცეში დამატებით ტექსტურას და საინტერესო ვიზუალს შექმნის.
როგორ მოაწყოთ პატარა საძინებელი?
საუკეთესო გზა საძინებლის მოსაწყობად მარტივ დაგეგმვაში მდგომარეობს. ლოგიკური გზა საწოლის განსათასავებლად, მისი ოთახის კედელთან მიბჯენაშია, ან ყველაზე დიდ კედელთან, ან იმასთან რომელიც ოთახში შესვლისას თვალში გხვდებათ. თუ საკმარისი სივრცე გაქვთ საწოლი ოთახის ცენტრში მოათავსეთ, რათა ორივე გვერდთან სასიარულო სივრცე გქონდათ, ასეთი ხერხით თქვენ ოთახს არ გაყოფთ და ამავდროულად, სივრცე სასიამოვნო სტილში იქნება გადაწყვეტილი.
რაც შეეხება შესანახ საგნებს, თუ კედლებში ჩაღრმავებები გაქვთ, გამოიყენეთ და შიგ ავეჯი განათავსებთ. თუ არა, მაშინ უბრალოდ დააბალანსეთ სივრცე, ამის მიღწევა უფრო დიდი ზომის ავეჯის საწოლის საპირიპისპირო მხარეს განთავსებით შეგიძლიათ.
რომელია ყველაზე ლამაზი ფერები პატარა საძინებლის შემთხვევაში?
საუკეთესო ფერები პატარა საძინებლების შემთხვევაში, ან თუნდაც ნებისმიერი ტიპის პატარა ოთახის შემთხვევაში, ნათელი ფერებია, იმდენად რამდენადაც ისინი ირეკლავენ შუქს არსებულ სივრცეში. თეთრი კედლები ყოველთვის კარგ არჩევანს წარმოადგენენ, დამატებით ფერის შემოტანა კი აქსესუარების და საწოლის თეთრეულის შემთხვევაში შეგიძლიათ.
ამის მიუხედავად, უნდა ითქვას რომ პატარა საძინებელში შესაძლოა უფრო მუქი ფერების პალიტრაც გამოგადგეთ, რაც უფრო მყუდრო გარემოს შექმნის და ოთახის პატარა პროპორციებს მოხდენილად გამოაჩენს.
დაეუფლე აქტუალურ პროფესიებს - შემოგვიერთდითსტეპერებისდიდოჯახში!
IT Academy StepლიდერიITსფეროში,ახლაუკვე100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
