Apple-მა 2024 წლის 10 სექტემბერს წარმოადგინა ახალი iPhone 16 სერია, რომელიც მოიცავს iPhone 16, iPhone 16 Plus, iPhone 16 Pro და iPhone 16 Pro Max მოდელებს. ეს სმარტფონები პირველია, რომლებიც სპეციალურად Apple Intelligence-ზეა მორგებული.
გაყიდვაში მოდელები სწორედ დღეიდან ჩაეშვა მსოფლიოს მასშტაბით.
საქართველოში კი გაყიდვები 27 სექტემბრიდან ლიმიტირებულად დაიწყება!
მთავარი სიახლეები
A18 ჩიპი
Apple-ის ახალი A18 ჩიპი 30%-ით სწრაფი პროცესორითა და 40%-ით მძლავრი გრაფიკით გამოირჩევა. ეს ჩიპი მხარს უჭერს Apple-ის ახალ ხელოვნურ ინტელექტს, რაც iOS 18-ის ახალ ფუნქციებს აძლიერებს.
მაგალითად, Visual Intelligence საშუალებას მოგცემთ, მიიღოთ ინფორმაცია რესტორნის შესახებ უბრალოდ მისი შენობის გადაღებით, ან შეიტყოთ მეტი ობიექტის შესახებ მხოლოდ მასზე კამერის მიმართვით.
ახალი ღილაკები
• Action Button - მრავალფუნქციური ღილაკი, რომელსაც სხვადასხვა დანიშნულება შეგიძლიათ მიანიჭოთ (მაგ: ფანარი, კამერა, Shazam).
• Camera Control - კამერის სწრაფად გახსნისა და მართვისთვის.
გაუმჯობესებული კამერა
• 48 მეგაპიქსელიანი მთავარი კამერა 2x ოპტიკური ზუმით
• ახალი 12MP ულტრა ფართოკუთხიანი კამერა უკეთესი დაბალი განათების პირობებში გადაღებისთვის
ბატარეა
ახალ მოდელებში ბატარეა 2 საათით დიდხანს ძლებს, ვიდრე iPhone 15-ში.
USB-C პორტი
Apple-მა ბოლოს და ბოლოს გადაწყვიტა Lightning პორტის USB-C-თი ჩანაცვლება.
Wi-Fi და Bluetooth
უფრო სწრაფი Wi-Fi 7 და Bluetooth 5.3 მხარდაჭერა.
ფერები
iPhone 16 ხელმისაწვდომია 5 ფერში: ულტრამარინი, ცისფერი, ვარდისფერი, თეთრი და შავი.
ფასი
• iPhone 16: $799-დან
• iPhone 16 Plus: $899-დან
