ვირტუალურ სამყაროსა თუ რეალურ ცხოვრებაში, ყველა ადამიანსა და ავატარს პირადი სივრცე აქვს, რომლის უხეშად დარღვევა ან შევიწროვება გარკვეულ დისკომფორტთან ასოცირდება.
მეტავერსი არის ინტერნეტის განვითარების წარმოსახვითი მომავალი, 3D ვირტუალური სივრცეების გაერთიანება, სადაც ერთმანეთის პარალელურად რამდენიმე ციფრული სამყარო არსებობს და მომხმარებლებს შეუძლიათ, სასურველ წარმოსახვით სამყაროში იცხოვრონ.
ლამაზ და წარმოსახვით სამყაროში ცხოვრება კი ზოგიერთი ადამიანისთვის რეალურ ცხოვრებაზე საინტერესო და მიმზიდველია, თუმცა სამწუხაროდ სხვა ადამიანის მიერ ჩვენი პირადი სივრცის უხეშად დარღვევით არც ვირტუალურ რელობაში ვართ დაზღვეულნი.
,,პერსონალური საზღვრების მეშვეობით ავატარები ერთმანეთს მხოლოდ დადგენილ საზღვრებამდე მიუახლოვდებიან. ეს ნაბიჯი თითოეული ავატარის პირადი სივრცის დაცვას ემსახურება’’ - განაცხადა ონლაინ თამაშის ,,Horizon Worlds’’-ის ვიცე პრეზიდენტმა ვაივეკ შარმმა.
ვირტუალურ რეალობაში, პერსონალური საზღვრების დაწესების შესახებ ინფორმაცია გავრცელდა 2022 წლის 4 თებერვალს და როგორც Horizon Worlds-ის ვიცე პრეზიდენტი აცხადებს ის დამკვიდრდება და გაგრძელდება Horizon Worlds-სა და Horizon Venues-ს ყველა სივრცეში.
განცხადება ამერიკულმა ყოველდღიურმა გაზეთმა , USA Today-მ გაავრცელა.
მეტავერსის თამაშებში Horizon Worlds-სა და Horizon Venues-ს ყველა სივრცეში ავატარებს ერთმანეთთან მიახლოება მხოლოდ ერთი მეტრისა და 20 სმ-ით დაშორებულ მანძილზე შეეძლებათ.
მეტავერსი რეალური სამყაროსა და კომპიუტერული თამაშების ერთგვარი შერწყმაა. მომხმარებლები ირჩევენ თავიანთ ავატარს, რომელსაც ნებისმიერ სახის გარეგნობა შეიძლება ჰქონდეს, იქნება ეს რეალურთან მიმსგავსებული თუ წარმოსახვითი.
მეტავერსში შესასვლელად მხოლოდ VR სათვალე/ჩაფხუტი დაგჭირდებათ, შესულს კი ერთ სივრცეში დაგხვდებათ ერთმანეთთან დაკავშირებული სამგანზომილებიანი ციფრული გარემო, სადაც თითქმის ყველაფრის გაკეთება არის შესაძლებელი.
მეტავერსში პირადი საზღვრების დაწესების შესახებ გადაწყვეტილება მას შემდეგ იქნა მიღებული, რაც ერთ-ერთმა ავატარამა მისი არასასიამოვნო გამოცდილების შესახებ საჯაროდ ისაუბრა.
"მაშინვე დავინახე, რომ მე ვიყავი ერთადერთი ქალი ავატარი. კაცები ჩემი გარშემო იკრიბებოდნენ და ჩუმად მიყურებდნენ. ერთ ერთი მათგანი მომიახლოვდა და რაღაც მითხრა. ვირტუალურ რეალობაში ავატარის ხმა ისე ჟღერს თითქოს ამას რეალურად ვინმე გეუბნება, რამაც ძალიან დამთრგუნა და შემაშინა", - აღნიშნა ქალბატონმა ოლსონმა Tech Tent-ს პოდკასტში.
აღსანიშნავია რომ ვირტუალური რეალობის ონლაინ თამაში Horizon Worlds-ი შეფასებულია როგორც ვიდეო თამაში ინტეგრირებული თამაშის შექმნის სისტემით, რომელიც შემუშავებული და გამოქვეყნებულია Meta Platform-ის მიერ და მასში ნებისმიერ მსურველს შეუძლია შექმნას თავისი სამყარო.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
