“Do IT in Georgia” საქართველოს ინოვაციების და ტექნოლოგიების სააგენტოს (GITA) პროექტია, რომელიც მიზნად ისახავს ინფორმაციულ ტექნოლოგიებში დამწყები სპეციალისტების მომზადებას ადგილობრივ და საერთაშორისო ბაზარზე ყველაზე მოთხოვნად მიმართულებებში: პროგრამირება, დიზაინი და მართვა.
პროექტის ფარგლებში სრული დაფინანსებით შეგიძლიათ გაიაროთ IT აკადემია STEP-ის ტრენინგ-კურსები:
• Front-End Web პროგრამირება
• პროგრამირება Python-ის გამოყენებით
• Back-End პროგრამირება C#, ASP.NET
• ილუსტრატორის მასტერ კურსი
• ფოტოშოპის მასტერ კურსი
• სარეკლამო და ბრენდის ვიზუალის დიზაინი*
• AFTER EFFECTS-ის მასტერ კურსი
• UI/UX დიზაინი
• IT პროექტების მართვა - AGILE
(*სარეკლამო და ბრენდის ვიზუალის დიზაინის კურსი ფინანსდება ნაწილობრივ)
დამატებითი ბენეფიტები:
პროექტის განმავლობაში სტუდენტები შეასრულებენ შუალედურ და ფინალურ დავალებებს, რაც დაეხმარებათ თანამედროვე პორტფოლიოს შედგენაში. მონაწილეობას მიიღებენ აკადემიის მიერ ორგანიზებულ დასაქმების ფორუმში. STEP-ი გადასცემთ უფასო ვაუჩერს, რომლითაც შეძლებენ არჩეული მიმართულებით მოიპოვონ საერთაშორისო სერტიფიკატი. სტუდენტებს ექნებათ წვდომა STEP-ის დამატებით, ონლაინ ასინქრონულ ტრენინგებზე, რომლებიც კარიერულ განვითარებაში დაეხმარებათ.
კურსზე მოსახვედრად აუცილებელია დარეგისტრირდეთ ვებ-პორტალზე: doit.gov.ge და აირჩიოთ სასურველი ტრენინგ-კურსები (არაუმეტეს 5 კურსისა), დაალაგოთ პრიორიტეტების მიხედვით, ჩააბაროთ შესაბამისი გამოცდა და გამოცდის შედეგებით მოხვდეთ საუკეთესო რეიტინგის მქონე სტუდენტთა შორის.
პროექტში მონაწილეობა შეუძლიათ საქართველოს მოქალაქეებს 16 წლიდან.
პროექტი ხორციელდება საქართველოს ინოვაციების და ტექნოლოგიების სააგენტო (GITA) საქართველოს მთავრობისა და საერთაშორისო დონორი ორგანიზაციების მხარდაჭერით.
IT აკადემია Step-ის პრეზენტაცია შეგიძლიათ იხილოთ ბმულზე: https://itstep.info/presentationdoit
ინფორმაცია DoITinGeorgia-სთან დაკავშირებით იხილეთ აქ: https://doit.gov.ge/
