უკანასკნელი ცნობებით, Google-ის ხელოვნური ინტელექტით შემქნილი Play Store-ის უსაფრთხოების ინოვაციურმა სისტემამ ბლოკი დაადო თითქმის ერთ მილიონ პოლიტიკის დამრღვევ აპლიკაციას.
Google-მა განმარტა, თუ რა ზომებს მიმართავენ ისინი ანდროიდის მილიარდობით მომხმარებლის და მსოფლიოს უმსხვილესი მობილური პლატფორმისთვის მილიონობით აპლიკაციის შემქმენელი დეველოპერების უსაფრთხოების დასაცავად.
2020 წელს, ჩვენ გავიღეთ მსხვერპლი თავისუფლების შეზღუდვით, რათა დაგვეცვა არამხოლოდ საკუთარი თავი, არამედ ჩვენს ირგვლივ გარშემომყოფებიც. სამწუხაროდ, დამნაშავეები სარგებლობდნენ იმით, რომ უფრო მეტი ადამიანი მოიხმარდა ჭკვიან მოწყობილობებს სამსახურეობრივი, თუ გასართობი დანიშნულებებისთვის, სასიცოცხლოდ მნიშვნელოვანი დახმარების და ინფორმაციის მოპოვების მიზნით.
განახლდა უსაფრთხოების პოლიტიკა, რომელიც სამ ახალ წესდებას მოიცავდა ახალი გამოწვევების გადასაჭრელად
- COVID-19 აპლიკაციების მოთხოვნები: Google–მა, COVID-19 აპლიკაციებისთვის, საზოგადოების უსაფრთხოების, ინფორმაციის მთლიანობისა და კონფიდენციალურობის უზრუნველყოფის მიზნით დანერგა სპეციფიკური მოთხოვნები. აპლიკაციები, რომლებიც უზრუნველყოფს კრიტიკულ ინფორმაციას, მაგალითად, ტესტირების შესახებ, უნდა იყოს დამტკიცებული ოფიციალური სამთავრობო უწყებების ან ჯანდაცვის ორგანიზაციების მიერ და აკმაყოფილებდეს მომხმარებლის მონაცემთა კონფიდენციალურობის მაღალ სტანდარტს.
- ახალი ამბების პოლიტიკა: Google-მა შემოიღო მინიმალური მოთხოვნები, რომლებიც აპლიკაციებმა უნდა დააკმაყოფილონ იმისთვის, რომ დეველოპერებმა განაცხადონ თავიანთი პროექტი, როგორც „ახალი ამბების“ აპლიკაცია Google Play-ზე, რაც ემსახურება როგორც სიახლის გამოქვეყნების გამჭვირვალეობას და ასევე დეზინფორმაციის წინააღმდეგ ბრძოლას.
- საარჩევნო მხარდაჭერა: შეიქმნა რამდენიმე გუნდი და დაიწყო ახალი პროცესები Google Play-ს მასშტაბით, დამატებითი მხარდაჭერის უზრუნველსაყოფად და მნიშვნელოვანი არჩევნების გარშემო ცვალებად ლანდშაფტთან ადაპტაციის მიზნით.
ნუ დარჩებით დროის შესაბამისი თეორიული და პრაქტიკული უნარების გარეშე
→ დარეგისტრირდი ახლავე!
Google აცხადებს, რომ 2020 წელს ჭკვიანი ტექნოლოგიების დახმარებით შეძლო 100 მილიარდი დაინსტალირებული აპლიკაციის სკანირება მავნე პროგრამული უზრუნველყოფის გამოვლენის მიზნით.
კრიშ ვიტალდევარა, Google Play-ში უსაფრთხოების განყოფილების ხელმძღვანელმა დაპოსტა:
„ჩვენი მთავარი ძალისხმევა მავნე აპლიკაციების იდენტიფიკაციის და შემცირებისკენ იყო მიმართული, ხოლო დეველოპერები განვითარდნენ ახალი დამაზიანებელი ქცევებისა და ბოროტმოქმედების ფორმების გადაჭრის მიზნით. ჩვენი მანქანით-სწავლების გამოვლენის შესაძლებლობებითა და აპლიაკციების გაძლიერებული მიმოხილვის პროცესებით შევძელით, რომ Google Play-ში არ გამოქვეყნებულიყო 926 ათასი პოლიტიკის დამრღვევი აპლიკაცია.
ჩვენ ასევე ავკრძალეთ 119 ათასი მავნე და სპამის შემქმნელი ანგარიშები. გარდა ამისა, ჩვენ მნიშვნელოვნად გავზარდეთ ჩვენი ყურადღება SDK-ის აღსრულების მიმართ, რადგან აღმოვაჩინეთ, რომ ამ დარღვევებმა დიდი გავლენა მოახდინა უსაფრთხოებაზე და მომხმარებლის მონაცემების კონფიდენციალურობის მიმართ.”
Google-ში ამბობენ, რომ მათ ასევე გააუმჯობესეს თავისი პროცესები ისეთი შემთხვევებისთვის, როდესაც დეველოპერების მიმართ საჭიროა სააღსრულებო მოქმედება, რაც ხელს უწყობს ნდობის ამაღლებას. ახლა უფრო მეტი ინფორმაციაა ხელმისაწვდომი იმის შესახებ, თუ რატომ იქნა მიღებული გარკვეული ზომები, რაც Google-ის მტკიცებით, საჩივრების "მნიშვნელოვნად შემცირებას" და დეველოპერების კმაყოფილების გაზარდას ხელი შეუწყო.
Google-ის განცხადებით, მომდევნო წლის განმავლობაში Android დეველოპერებს შეუძლიათ ჰქონდეთ მოლოდინი კომუნიკაციის სიჩქარისა და ხარისხის შემდგომი გაუმჯობესების კუთხით, გარდა ამისა, მეტი ინიციატივა იქნება წამოწყებული დეველოპერების უფრო მაღალი ხარისხით ჩართულობისთვის.
Google-ის მიერ გატარებული მკაცრი პოლიტიკის მიუხედავად, დაახლოებით 29 პროცენტი მავნე აპლიკაციები მაინც გამოიყენება.
ხელოვნური ინტელექტი, სულ უფრო მასშტაბურად გამოიყენება მსოფლიოში, ამიტომ 2022 წლისთვის მოსალოდნელია, რომ მხოლოდ დაბალი კლასის სმარტფონებს ექნებათ დავირუსების საფრთხე
დაეუფლე მოთხოვნად და საუკეთესოდ ანაზღაურებად პროფესიებს
IT Academy Step ლიდერი IT სფეროში , ახლა უკვე 100 ფილიალით!
