გინდა იცოდე, როგორ ცვლის ხელოვნების სამყაროს - NFT?
ციფრული ხელოვნება, როგორც „ნამდვილი“ ხელოვნება - დიდი ხნის განმავლობაში არ იყო აღიარებული. მხატვრობა, მოქანდაკეობა და სხვა ინსტალაციები მიიჩნეოდა „ნამდვილ - ტრადიციულ“ ხელოვნებად, მაშინ, როდესაც ციფრული ხელოვნება დაბალი საფეხურის წარმომადგენელი იყო. თუმცა, როგორც კლასიკური არტისტები, ასევე ციფრული ხელოვნების მიმდევრებიც დიდ დროსა და ენერგიას ხარჯავდნენ იმაში, რომ თავიანთი შემოქმედება და უნარები სრულყოფაში მოეყვანათ.
მრავალი წლის განმავლობაში, ციფრული მხატვრები ვერ იღებდნენ შესაბამის, სათანადო ანაზღაურებას, თავიანთი გაწეული შრომის სანაცვლოდ. ისინი წარმოადგენდნენ ფრილანსერებს, რომლებსაც უწევდათ დროის სხვადასხვა მონაკვეთში შეკვეთების მოძიება და ყოველთვის უძნელდებათ ანაზღაურების მიღება საკუთარი ხელოვნებიდან.
იმის მიზეზი, თუ რატომ არის რთული ციფრული ნამუშევრის უნიკალურად ქცევა, არის ის, რომ ძალიან მარტივია ავტორის მიერ მისი შექმნის შემდეგ, გამოსახულების დაკოპირება და ინტერნეტში გავრცელება, რაც ართულებს იმის გარჩევას, თუ რომელია პირველწყარო - ორიგინალი.
მე შემიძლია დაგისახელოთ უამრავი მხატვრის ნამუშევარი ტრადიციული ხელოვნებიდან, რომლის ბევრი კოპიაც შეგვიძლია ვიპოვოთ ინტერნეტში ძებნის შედეგად. მაგრამ ვიცით, რომ ორიგინალი ნამუშევარი გამოფენილი იქნება რომელიღაც მუზეუმში ან, თუნდაც, ვინმე კოლექციონერის სახლში.
როგორ შეგვიძლია ვაქციოთ ციფრული ხელოვნების ნიმუში
უნიკალურ ღირებულებად - NFTs
გასული საუკუნის განმავლობაში კოლექციონერების ბაზარი მასობრივად გაიზარდა, რომლის საერთო ღირებულებამ ასობით მილიონ დოლარს გადააჭარბა. კრიპტო კოლექციონერები, ბიტკოინის წარმოქმნის ადრეულ პერიოდში, მივიდნენ იმ დასკვნამდე, რომ ჩაეშვათ პროექტი ColoredCoins. 2012 წელს უკვე colored coins გამოიყენებოდა სხვადასხვა აქტივის წარმოსადგენად ბლოქჩეინზე. მიუხედავად იმისა, რომ პროექტმა დიდი პოპულარობა ვერ მოიპოვა, იგი გახდა NFT-ის დასაბამის საწყისი.
კრიპტო საზოგადოებამ დაიწყო იმაზე ფიქრი, რომ ციფრული აქტივების ბლოქჩეინზე შენახვას შესაძლოა სამომავლოდ დიდი პოტენციალი ჰქონოდა. 2014 წელს ბიტკოინის ბლოქჩეინის საფუძველზე, შეიქმნა ფინანსური პლატფორმა, სახელად Counnterparty, რომელმაც საფუძველი ჩაუყარა „თანამედროვე“ NFT-ის წარმოქმნას.
2016-ში ჩაეშვა პირველი NFT პროექტი, სახელად Rare Pepe - Homer Pepe გაიყიდა 205 ETH ($320.000) რომელიც პიტერ კელმა შეიძინა.
ამის შემდეგ იყო მცდელობები სხვადასხვა პროექტის ჩაშვებისა, თუმცა მათ პოპულარობა ვერ მოიპოვეს. ახალი ტალღა დაიწყო მას შემდეგ, რაც დამკვიდრდა ERC-721 ტოკენ სტანდარტი.
ERC-721-მა ბიძგი მისცა ისეთი პროექტების ჩაშვებას, როგორიცაა Cryptokitties, რომლებმაც პოპულარობა გვიან - 2017 წლებში მოიპოვეს. Cryptokitties არის თამაში, რომელიც დაფუძნებულია ETH-ზე და მოთამაშეებს აძლევს საშუალებას შეაგროვონ, გამოიმუშაონ და გაცვალონ ციფრული, საყვარელი ფისოები. Crypytokitties-თან ერთად (რამდენიმე თვის შემდეგ) ჩაეშვა პროექტი Cryptopunks.
NFT შედგება Non-Fungible Token-სგან და წარმოგვიდგენს სრულიად ახალ სამყაროს! და რატომ ღირს Cryptokittie 1 მილიონი დოლარი? რადგან იგი ხელოვნების უნიკალური ნიმუშია! დღესდღეობით ბაზარზე NFTs მაღალი მოთხოვნა, ზრდის მის ღირებულებას.
NFT წარმოადგენს Non-Fungible ტოკენს, რომელიც თავის მხრივ, გულისხმობს მის უნიკალურობასა და გვაძლევს უფლებას, რომ ვთქვათ - ის ჩაუნაცვლებელია! 2021 წელს თვით Christies აუქციონიც კი ჩაერთო NFT-ის გაყიდვებში.
NFT წარმოადგენს ნივთზე საკუთრების უფლების მოპოვებას. მაგალითად, ნებისმიერ დროს, მე შემიძლია დავაკოპირო ნებისმიერი ფოტო NFT მარკეტიდან ჩემს კომპიუტერში, მაგრამ ის ყოველთვის სხვის მფლობელობაში იქნება ETH ბლოქჩეინზე.
არტისტმა Beeple-მ თავისი ნამუშევრების კოლექცია გაყიდა Nifty Gateway-ზე 3.5 მილიონ დოლარად. ხოლო მოგვიანებით, 2020-2021 წლებში, Christies აუქციონის დახმარებით 69 მილიონად.
Digital art NFT წარმოადგენს იმავე ღირებულებას, როგორც სხვა ნებისმიერი ტრადიციული ხელოვნების ნიმუში - ნახატი, სკულპტურა და ა.შ. NFT-მ შეძლო და ციფრულ მხატვრობას მიანიჭა ღირებულება, საკუთრების უფლება და უნიკალურობა. ეს ყველაფერი კი, ტრადიციულ ხელოვნებას, მნიშვნელობას სულაც არ უკარგავს.
