ფრილანსინგი საშუალებას აძლევს პროფესიონალებს თუნდაც საქართველოდან შესთავაზონ თავიანთი სერვისები დამკვეთებს მთელს მსოფლიოში, ტრადიციული ოფისების და საზღვრების შეზღუდვის გარეშე. ახლა როცა შენ ამ ბლოგს კითხულობ, მილიონობით ე.წ. “თავისუფალი გრაფიკის” ვაკანსიაა ხელმისაწვდომი სხვადასხვა უნარების მქონე ადამიანებისთვის – დაწყებული ვებ დეველოპმენტით და გრაფიკული დიზაინით, დამთავრებული ქოფირაითერით.
ფრილანსინგს აქვს თავისი პლატფორმები, სადაც უნდა გაიაროთ პროფილის რეგისტრაციაა და იაქტიუროთ, ხშირად რეგისტრაციისთვის საჭიროა მხოლოდ თქვენი ელ-ფოსტა ან Apple ID ანგარიში
ამის შემდეგ დაამატებთ თქვენს პირად დეტალებს და სამუშაო ისტორიას. ძალიან მნიშვნელოვანია განსაზღვროთ, რომელ სფეროში აპირებთ მუშაობას. პირველი შეცდომა, რომელსაც ფრილანსერები უშვებენ, სწორედ ეს არის – “მე ვარ გრაფიკული დიზაინერი, რომელიც ასევე დაკავებულია სანთებელების შეგროვებით”… პროფილი რაც შეიძლება მეტი სიზუსტით უნდა იყოს შედგენილი, რადგან დამკვეთები გადაწყვეტილების მიღბის პროცესში აფასებენ თქვენს პროფილში მითითებულ ინფორმაცია, რამდენად შეესაბამება მათ მიერ გამოცხადებულ ვაკანსიას.
Upwork ძალიან კარგი freelancing პლატფორმაა, მრავალი წელია წარმატებით აკავშირებს დამკვეთებს და ფრილანსერებს მთელი მსოფლიოდან.
პლატფორმა გთავაზობთ სამუშოს ფართო არჩევანს დაწყებული, ვებ დიზაინიდან და პროგრამული უზრუნველყოფის შემუშავებიდან დამსრულებული მომხმარებელთა მომსახურებამდე და ბუღალტრულ აღრიცხვამდე.
დამკვეთებს და ფრილანსერებს დაკავშირების რამდენიმე საშუალება აქვთ – დამკვეთები აქვეყნებენ სამუშაოს და ფრილანსერები აკეთებენ შეთავაზებას გამოქვეყნებულ სამუშაოზე, ან დამკვეთებს შეუძლიათ წინასწარ განსაზღვრული სერვისის შეძენა ფრილანსერების პროექტის კატალოგიდან.
უნდა გაითვალისწინოთ, რომ Upwork -ი თქვენი შესრულებული სამუშაოდან გარკვეულ პროცენტს იტოვებს, რაც უფრო მეტს მუშაობთ, მით უფრო ნაკლებს იხდით. მაგალითად, საკომისიო იწყება 20%-დან 500 აშშ დოლარის პირველი გადასახადისთვის და თანდათან მცირდება, როცა მეტ ფულს გამოიმუშვებთ.
თანხის გატანის რამდენიმე ვარიანტი არსებობს, მათ შორის პირდაპირი გადარიცხვა, და PayPal.
Fiverr არის პლატფორმა, რომელიც აკავშირებს ფრილანსერებს ბიზნესის მფლობელებთან, რომლებიც ეძებენ სერვისებს/პროფესიონალებს სხვადასხვა პროექტების მიმართულებით, მათ შორის ვებგვერდის დიზაინის შექმნა, თარგმანი ან ხმოვანი ტექსტების ჩაწერა და ა.შ.
პლატფორმა საკმაოდ მარტივი გამოსაყენებელია. გაითვალისწინეთ, რომ ვებგვერდზე ფრილანსერებს უწოდებენ გამყიდველებს, მათ სერვისებს – Gigs-ებს, ხოლო ბიზნესის მფლობელებს – მყიდველებს.
ფრილანსერებს შეუძლიათ დარეგისტრირდნენ უფასოდ, განათავსონ თავიანთი სერვისები შესაბამისი ფასებით. მყიდველებს შეუძლიათ უბრალოდ დაათვალიერონ სხვადასხვა კატეგორიები შესაძენად.
როდესაც მყიდველი ყიდულობს სერვისს (gigs), სისტემა ავტომატურად არიცხავს მათ ანგარიშზე შესაბამის თანხას. შემდეგ სისტემა აიღებს საკომისიოს და გაუგზავნის ფრილანსერებს შეთავაზებული ფასის 80%-ს.
პლატფორმა თანხის გატანის რამდენიმე გზას გვთავაზობს, როგორიცაა სადებეტო ბარათი, PayPal და საბანკო გადარიცხვა.
პლატფორმაზე არ არსებობს საათობრივი ტარიფები, მხოლოდ პროექტზე დაფუძნებული ფასი, რომელსაც ფრილანსერი ადგენს.
არსებობს წარმოდგენა, რომ ვებ-გვერდის აწყობა მხოლოდ ტექნიკური განათლების მქონე ადამიანს შეუძლია ისწავლოს. არადა, რაც დრო გადის საპირისპიროს ვხედავთ. სულ უფრო მეტი, სხვადასხვა პროფესიის ადამიანი სწავლობს პროგრამირებას, სხვადასხვა სირთულის აპლიკაციებს ქმნის და თავად აწყობს ვებ-საიტებს - შეისწავლე Front-end ვებ დეველოპმენტი, ვებ-გვერდების აწყობა 0-დან და დაეუფლე მსოფლიოში ყველაზე მაღალანაზღაურებად პროფესიებს საერთაშორისო აკადემიაში
Toptal აკავშირებს მაღალკვალიფიციურ ფრილანსერებს და ინდუსტრიის ექსპერტებს კომპანიებთან. Toptal-ში აღმოაჩენთ ყველა ტიპის ფრილანსერს, დაწყებული ვებ დეველოპერებიდან და ვებ დიზაინერებიდან დამთავრებული ფინანსური კონსულტანტებით და პროდუქტის მენეჯერებით.
Toptal-ში, ფრილანსერად რეგისტრაცია საკმაოდ რთული პროცესია და შედგება ხუთი ეტაპისგან, რომელიც მოიცავს როგორც პროფესიული უნარ ჩვევების შეფასებას ასევე ინგლისური ენის შეფასებას. სტატისტიკის მიხედვით, პლატფორმაზე რეგისტრაციას, მსურველთა მხოლოდ 3% გადის.
ყველა ეტაპის გავლის შემდეგ, თქვენ გექნებათ წვდომა სხვადასხვა ვაკანსიაზე ტოპ დამკვეთების და კომპანიებისგან, როგორიცაა Motorola და Airbnb. თუმცა, წარუმატებლობის შემთხვევაში თქვენ მოგიწევთ მოცდა რამდენიმე თვე რათა თავიდან სცადოთ რეგისტრაცია.
Toptal–ს აქვს სერვისი დროის თვალყურის დევნებისთვის და ინვოისებისთვის, სახელწოდებით TopTracker. ამ სერვისით, ფრილანსერებს აქვთ საშუალება მიიღონ კუთვნილი თანხა Payoneer-ის, Paypal-ის ან პირდაპირი ადგილობრივი საბანკო გადარიცხვით
Freelancer-ად რეგისტრაცია არ არის რთული, ზემოთ ჩამოთვლილი პლატფორმების გარდა, ბაზარზე არსებობს კიდევ უამრავი პლატფორმა. საიტების უმეტესობა მოითხოვს მხოლოდ ანგარიშის რეგისტრაციას და პროფილის შექმნას, თუმცა, არ დაგავიწყდეთ კარგად გადაამოწმოთ რა პრინციპით მუშაობს თითოეული პლატფორმა და თანხის გატანის რა მეთოდებს გთავაზობთ, ასევე ყურადღება უნდა მიაქციოთ მომსახურების საკომისიოს.
შენ უკვე გაქვს საკმარისი ინფორმაცია იმისთვის, რომ მოთხოვნებს სწორად უპასუხო დასაქმედე ისეთ პოზიციებზე, როგორიცაა ვებ დეველოპერი, სოციალური მედიის მენეჯერი, ფინანსურ კონსულტანტი, პროექტის მენეჯერი ან თარჯიმანი – ახლა უკვე დროა Step აკადემიის მთავარ გვერდზე დაბრუნდე, ჩვენს სასწავლო კურსებს გადახედო და დაეუფლო აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლა უკვე 100+ ფილიალით!
+995 577 538 549 ქ.თელავი, ნადიკვრის#23
+995 (32) 215-55-51 ქ.თბილისი, ყაზბეგის34/34ბ
გამოიწერეთ ჩვენი გვერდი სოციალურ ქსელებში
