გასული წლის აპრილში, როდესაც Apple-ს ყოფილმა თანამშრომელმა და Humane Inc თანადამფუძნებელმა იმრან ჩაუდრიმ TED Talk-ზე საკუთარი სტარტაპ კომპანიის პირველ პროდუქტად AI პროექტორი წარადგინა, იდეა საკმაოდ დაუჯერებლად და არამიმზიდველად ჟღერდა, თუმცა, რამოდენიმე დღის წინ Humane-მ ოფიციალურად ჩაუშვა წარმოებაში AI პინი - OpenAI ბაზაზე დაფუძნებული მოწყობილობა
„უეკრანო, უჩინარი და მგრძნობიარე“, – ასე ახასიათებს Humane Inc-ის დამფუძნებელი ახალ პროდუქტს, რომლის შორეული მიზანი მობილური ტელეფონის ჩანაცვლებაა!
გაჯეტი, რომელიც აპლიკაციების ნაცვლად დიდი ენის მოდელებთან მოახდენს ინტერაქციას. სმარტფონისგან განსხვავებით, მას არც საწყისი ეკრანი ექნება, არც უამრავი პარამეტრი თუ ექაუნთები სამართავად. პინის იდეა ბევრად მარტივია, უბრალოდ შეგიძლიათ, ისაუბროთ ან შეეხოთ მოწყობილობას, უთხრათ, რისი გაკეთება გსურთ ან რისი ცოდნა და იგი პასუხებს ავტომატურად მოგაწვდით. თუ გასულ წელს ჩეტბოტებში მრავალი ფუნქცია ვიხილეთ, რომელიც მარტივ ტექსტურ ბრძანებას ექვემდებარებოდა, Humane-იც ახლა სწორედ ამის ჩაშენებას აპირებს გაჯეტში.
AI pin ტანისამოსის ზედაპირს მაგნიტის საშუალებით ერგება, მისი ღირებულება 699 დოლარია, თუმცა საწყის ფასს Humane წევრობისთვის ემატება ყოველთვიური გადასახადი 24 დოლარის სახით. მოწყობილობის მიწოდება 2024 წლიდან იწყება, ხოლო წინასწარი შეკვეთები უკვე დაწყებულია
AI პინი Snapdragon-ის პროცესორზე მუშაობს, თუმცა უცნობია კონკრეტულად რომელზე. იმართება ხმის, კამერის, ჟესტების და პატარა ჩაშენებული პროექტორის კომბინაციის საშუალებით. თავად პინი დაახლოებით 34 გრამს იწონის, ხოლო "ელემენტის ბუსტერი" კიდევ 20 გრამს ამატებს. ჩაშენებული კამერა 13 მეგაპიქსელიან ფოტოებს იღებს და მომავალში, პროგრამული უზრუნველყოფის განახლების შემდეგ ვიდეოს გადაღებასაც შეძლებს
როგორც ხედავ, ტექნოლოგიური სამყარო საინტერესო თავგადასავლებს გპირდება. სწორედ ახლა არის კარგი დრო, დაეუფლო მომავლის პროფესიას და წარმატებით განვითარდე კარიერულად. ამ მიზნისკენ გადადგმული პირველი ნაბიჯი შესაბამისი ცოდნის შეძენაა, რაც დღეს ძალიან მარტივია.
თუკი Front-end Development-ის შესწავლა გსურს, IT აკადემია სტეპში შენთვის ძალიან საინტერესო კურსი დაგხვდება, რომელიც განსაკუთვნილია მათთვის, ვისაც სურს, Web Development 0-დან ისწავლოს. გარდა ამისა, სწავლება პრაქტიკაზე არის დაფუძნებული, რაც მოიცავს დავალებებსა და ინდივიდუალურ ფინალურ პროექტს. ეს კი მოგცემს შესაძლებლობას, დახვეწო და განივითარო შესაბამისი უნარები და დააგროვო პრაქტიკული გამოცდილება - დაეუფლე ახალ პროფესიას, დაიწყე სწავლა კვალიფიციურ სპეციალისტებთან, საერთაშორისო აკადემიაში!
კონკურენტი მოწყობილობისგან განსხვავებით, human ai pin ყოველთვის არ მოგისმენთ, საჭირო დროს მისი ამუშავება ხელით მოგიწევთ, მის მთავარ ამოცანას პროგრამული უზრუნველყოფის საშუალებით AI მოდელებთან დაკავშირება წარმოადგენს, რომელსაც კომპანია AI Mic-ს ეძახის. Humane-ის პრესრელიზში ნახსენებია Microsoft და OpenAI, ხოლო წინა მოხსენებებში ნათქვამი იყო, რომ პინი ძირითადად GPT-4-ის ბაზაზე მუშაობდა. Humane ამბობს, რომ ChatGPT-ზე წვდომა რეალურად მოწყობილობის ერთ-ერთი ძირითადი ფუნქციაა. მისი ოპერაციული სისტემა, სახელწოდებით Cosmos შექმნილია იმისთვის, რომ თქვენი მოთხოვნები ავტომატურად მიმართოს სწორი ინსტრუმენტებისკენ, ვიდრე მოგთხოვოთ აპების ჩამოტვირთვა და მათი მართვა.
ამ მოწყობილობით იცვლება ხმოვანი შეტყობინებებისა და ზარების გამოცდილება. საინტერესოა Catch Me Up-ის ფუნქციაც, რომელიც თქვენი ელ.ფოსტის გადავსებულ ყუთს შეგიჯამებთ და 2-3 წამში დაგიორგანიზებთ. ხოლო, თუ საკვებს კამერასთან ახლოს მიიტანთ, მასზე დეტალურ ინფორმაციებსაც მოგაწვდით, თარგმანს კი 39 ენაზე რეალურ დროში შემოგთავაზებთ. როგორც ჩანს, მოწყობილობის ერთ-ერთი ძირითადი დანიშნულება ტარებადი LLM-ზე მომუშავე საძიებო სისტემის შეთავაზებაცაა. მომავალში კი ნავიგაციისა და შოპინგის ფუნქციები დაგვემატება
Humane პინის საშუალებით ცდილობს, რომ ჩამოაშოროს ტექნოლოგიას ეკრანები და შეგვიმციროს გამოსხივება, ასევე დაამენეჯმენტოს სამართავი ანგარიშები. იდეა იმაში მდგომარეობს, რომ თქვენ შეგიძლიათ უბრალოდ ისაუბროთ ან შეეხოთ პინს, თქვათ, რისი გაგება ან გაკეთება გსურთ და ეს ავტომატურად მოხდება. მოწყობილობის ერთერთი დანიშნულება მოხერხებული საძიებო სისტემაა რომელიც LLM-ზე მუშაობს. კომპანიამ Wired-ს განუცხადა, რომ აპირებს დეველოპერებს მისცეს საშუალება, რათა შექმნან საკუთარი ცხოვრების რითმი ამ მოწყობილობაში
Human ai pin მოწყობილობის პრეზენტაციას არ ჩაუვლია კურიოზის გარეშე, პირველივე ვიდეოში ხელოვნურმა ინტელექტმა თანადამფუძნებლის იმრან ჩაუდრის კითხვებს სწორად ვერ უპასუხა. ის კი ერთბაშად იმდენ რამეს გვპირდებოდა, რომ ეს შეცდომა არ აპატიეს და ინტერნეტ სივრცეში სახალისოდ გაავრცელეს — ai pin ვიდეოში არასწორად პასუხობს, რომ მზის დაბნელება 2024 წლის აპრილში ავსტრალიიდან გამოჩნდება, როცა რეალურად ამას ჩრდილოეთ ამერიკის ზოგიერთი ნაწილიდან დაინახავენ. ხოლო, როცა ნუშში ცილის შემცველობა ჰკითხეს, AI Pin-მა არასწორად მიუთითა 15 გრამი, რაც, სავარაუდოდ, ნახევარი ჭიქა ნუში უნდა იყოს და არა ის ოდენობა, რაც ჩაუდრის უჭირავს ხელში — USDA-ს მიხედვით, მხოლოდ 0.25 გრამ ცილას შეიცავს.
როგორც ჩანს, Humane AI პინს გაცილებით დიდი პროექტის საწყის ეტაპად განიხილავს, რაც ალბათ სწორია. ძირითადი მოდელების გაუმჯობესებასთან ერთად ისიც უფრო დაიხვეწება!
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლა უკვე 100+ფილიალით!
+995 577 538-549 ქ.თელავი,ნადიკვრის#23
+995 (32) 215-55-51 ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
