რობოტიკა, მანქანური დასწავლა და ავტონომიური მართვის ტექნოლოგიები მსოფლიოს მასშტაბით სულ უფრო და უფრო პოპულარული ხდება. ამ მხრივ პიტსბურგში განსაკუთრებული აქტივობა შეიმჩნევა, რაც ახალ რეგიონალურ შესაძლებლობებს აჩენს.
Pittsburgh Robotics-ის აღმასრულებელი დირექტორის, ჯოელ რიდის თქმით, პიტსბურგში რობოტიკის განვითარებასთან ერთად გაჩნდა ბიზნესების ახალი ქსელები. ამასთანავე, ქალაქში თავს იყრიან მეცნიერთა ისეთი ჯგუფები, რომლებიც ინდუსტრიის განვითარებისთვის აქტიურად მუშაობენ.
ქსელში უკვე 140 ორგანიზაციაა გაერთიანებული, აქედან 90 კომერციულ რობოტექნიკაზეა ორიენტირებული. კომპანიათა უმეტესობა ძალიან ახალგაზრდაა და მათი დიდი ნაწილი 2016 წელს დაარსდა. ეს რეგიონალური ქსელი დიდ სარგებელს ნახულობს პიტსბურგში არსებული Carnegie Mellon University-ის მუშაობითაც. მათ რობოტიკის კვლევებში დიდი ისტორია აქვთ.
ინჟინრები თვლიან, რომ რობოტიკის განვითარება კაცობრიობისთვის სასიცოცხლოდ მნიშნელოვანია. Advanced Construction Robotics-ის ტექნოლოგიური დანაყოფის უფროსის, ჯერემი სიროკის აზრით, სამომავლოდ რობოტები ჩაანაცვლებენ ადამიანს ყველა ისეთ სამუშაოზე, სადაც მათი ძალა და მოქნილობა გადამწყვეტი ფაქტორი იქნება. ასეთი შეიძლება იყოს მშენებლობები, რომელთა შესრულებაც სწრაფად და უშეცდომოთაა საჭირო.
რობოტებისადმი ინტერესი ყოველდღიურად იზრდება. გასათვალისწინებელია ის ფაქტიც, რომ ამერიკის მთავრობა ინფრასტრუქტრულ პროექტებში 1.2 ტრილიონი დოლარის დახარჯვას გეგმავს. მკლევრები ფიქრობენ, რომ ეს რობოტიკისთვის კარგი შესაძლებლობა იქნება.
აღსანიშნია, რომ ამ წლის დასწყისში პიტსბურგს ჯო ბაიდენიც ესტუმრა და ქალაქში არსებულ ინფრასტრუქტურაზეც ისაუბრა.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ