განსხეულებულ ეშმაკზე ალბათ ყველას პუტინი გახსენდებათ — მათი შეირაღებაც სწორედ ასეთია და არამხოლოდ ძალით, არამედ სახელებითაც კი. რუსეთის პრეზიტენმა, ვლადიმერ პუტინმა ბედნიერმა გვამცნო, რომ რაკეტა, სახელად "სატანა 2" საბრძოლო მდგომარეობაში წლის ბოლომდე მოვა.
Independent-ის მიერ გავრცელებული ინფორმაციის თანახმად, კონტინენტთაშორისი ბალისტიკური რაკეტა სარმატი, რომელსაც ზედმეტსახელად სატანად მოიხსენიებენ, 10 ბირთვული ქობინის გადატანას შეძლებს. თუ რუსებს დავუჯერებთ, რაკეტას ევროპამდე მისაღწევად წუთები დასჭირდება, ხოლო თუ გავითვალისწინებთ, რომ მისი სიჩქარე 5 მახი იქნება, ანუ ბგერის სიჩქარეზე ხუთჯერ მეტი, მაშინ მას თეთრ სახლამდე მისაღწევად დაახლოებით 2 საათი დასჭირდება, ამ დროში ის 12500 კილომეტრის დაფარვას შეძლებს.
"რისკებისა და პოტენციური საფრთხეების გათვალისწინებით ჩვენ განვაგრძობთ ჩვენი შეირაღების გაძლიერებას შემართებითა და პროფესიონალიზმით, როგორც ნამდვილი გმირები" — განაცხადა პუტინმა.
პუტინის თქმით, რაკეტა საბრძოლო მზადყოფნაში 2022 წლის მიწურულს იქნება.
მას შემდეგ, რაც რუსეთი უკრაინაში შეიჭრა, დასავლეთის არაერთმა ქვეყანამ და მათ შორის ამერიკამ უკრაინის დასახმარებლად უამრავი იარაღი გამოჰყო. კრემლს ეს ყველაფერი აღიზიანებს და პუტინი ცდილობს ძალის დემონსტრირებით დააშინოს სხვებიც. მეტიც, მას სურს, რომ გავლენა ჰქონდეს იმ ქვეყნებზეც, რომლებსაც NATO-ში გაერთიანება სურთ, თუმცა ის რომ რუსეთს ატომური იარაღი აქვს, რომელიც დედამიწის ნებისმიერ კონტინენტს სწვდება, ახალი ამბავი ნამდვილად არ არის, მსგავსი რაკეტები რუსეთს აქამდეც ჰქონდა და რაც მთავარია, უკეთესი და უფრო ხარისხიანი კონტინენტთაშორისი რაკეტები ამერიკასაც აქვს, ამიტომ მათი მუქარის არავის ეშინია.
