ყოველდღიურ ცხოვრებაში, როგორც თქვენი იდენტობა ქმნის თქვენს უნიკალურობას, ისევე მუშაობს ბრენდის იდენტობაც, ეს არის განსაკუთრებული ნაზავი, რომელშიც მონაწილეობს ყველა და ყველაფერი, იქნება ეს ფერები, სურნელი და გარემო თუ თანამშრომლების ჩაცმულობა, ხმის ტემბრი და კომუნიკაციის სტილი, ყველა დეტალი ბრენდის იმ იდენტობის ნაწილია რომელიც გამოარჩევს თქვენს კომპანიას კონკურენტებისგან
და მაინც, რა არის ბრენდის იდენტობა? რატომ აქვს განსაკუთრებული კავშირი დიზაინთან? როგორ იქმნება ის ეფექტური სტილი რომელსაც გაყავს ბიზნესს ახალ მასშტაბებზე
რა არის ბრენდის იდენტობა?
ძლიერი ბრენდი საკუთარი ნაწარმის მიღმა ბევრი სხვადასხვა ელემენტის ერთობლიობაა, რომელსაც კომპანია მომხმარებლისთვის ქმნის რათა სწორად წარმოაჩინოს საკუთარი იდეოლოგია და ხაზი.
ცოტა უფრო ჩავუღრმავდეთ.
წარმოვიდგინოთ რომ ახალი სკოლის მოსწავლე გახდით. ცოტა მოუქნელ და მორცხვ ბავშვს, გინდათ რომ კლასელებმა მაგარ ტიპად აღგიქვან, საუკეთესო წუთებში მაგიდასთან მიგიწვიონ. მაგრამ არ შეგიძლიათ აიძულოთ სხვა ადამიანები რომ თქვენზე კარგი შთაბეჭდილება ჰქონდეთ. იმისთვის რომ ეს იმიჯი შექმნათ საჭიროა დრო, კარგად ჩაცმა, სწორი კომუნიკაცია და ყოველდღიურად გარკვეული ძალისხმევის ჩადება.
ბრენდის იდენტობა არის ის, რაც გხდით იმ წამსვე ცნობადს გარკვეული მომხმარებლებისთვის. რომელიც ყველაფერს რასაც თქვენგან მიიღებს დააკავშირებს თქვენს პროდუქტთან ან სერვისთან, დაიწყება კავშირის ჩამოყალიბება თქვენსა და მომხმარებლებს შორის, გაჩნდება ლოიალური მომხმარებლის ჯგუფი და გაიზრდება მოთხოვნა, რასაც აუცილებლად მოყვება წარმატება და ფინანსურ წინ სვლა
როგორ განვავითაროთ ძლიერი ბრენდის იდენტობა
უპირველეს ყოვლისა - იცოდე ვინ ხარ
სანამ გაარკვევთ, რა ხელშესახები ელემენტებისგან გსურთ შექმნათ ბრენდის იდენტობა, უნდა იცოდეთ ვინ ხართ, როგორც ბრენდი.
ვინ ხარ როგორც ბრენდი, შედგება რამდენიმე ძირითადი ელემენტისგან:
-
თქვენი მისია (რა არის თქვენი „რატომ?“)
-
თქვენი ღირებულებები (რა შეხედულებები ამოძრავებს თქვენს კომპანიას?)
-
თქვენი ბრენდის ინდივიდუალური თავისებურება (თქვენი ბრენდი რომ იყოს ადამიანი, როგორი პიროვნება იქნებოდა?)
-
თქვენი უნიკალური პოზიციონირება (როგორ განასხვავებთ თავს კონკურენტებისგან?)
• თქვენი ბრენდის ხმა (თქვენი ბრენდი რომ ყოფილიყო ადამიანი, როგორ იკომუნიცირებდა?)
ეს ელემენტები არის ის, რაც განსაზღვრავს თქვენს ბრენდს და სანამ დაიწყებთ ბრენდის იდენტობის შექმნას, მნიშვნელოვანია გქონდეთ თითოეულ ამ ელემენტზე მკაფიო პასუხი.
თუ გიჭირთ იმის გარკვევა, თუ ვინ ხართ, არ იდარდოთ. ზოგჯერ უბრალოდ მარტივი "ბრეინსტორმინგი" გჭირდებათ, რომელიც დაგეხმარებათ გაიგოთ, თუ ვინ ხართ, როგორც ბრენდი
კითხეთ საკუთარ თავს:
• რატომ დაიწყეთ ეს ბიზნესი?
• რა არის რწმენა და ღირებულებები, რომლებიც მნიშვნელოვანია თქვენთვის, როგორც კომპანიისთვის?
• რას აკეთებთ სხვებზე უკეთ?
• რა გხდის განსაკუთრებულს?
• სამი სიტყვით რომ შეგეძლოთ ბრენდის აღწერა, რა იქნებოდა ისინი?
• რა სამი სიტყვით ისურვებდით მომხმარებელს აღეწერეთ როგორც ბრენდი?
დიზაინი: ბრენდის იდენტობის საფუძველი
ისევე როგორც 40 წლის წინ Adidas-მა შექმნა წარმატებული და ფიზიკურად ძლიერი პიროვნების იმიჯი რომელიც დღემდე მუშაობს, სწორი დიზაინი არის ის, რაც ააშენებს ნებისმიერი კომპანიის ბრენდის იდენტობას მრავალი წლით
დიზაინის ისეთი ელემენტები როგორიც არის: ლოგო, შეფუთვა, ვებ დიზაინი, სოციალური მედიის გრაფიკა, სავიზიტო ბარათები და თანამშრომლების უნიფორმა - ეს არის ის ხელშესახები ელემენტები რომლის საშუალებითაც ხდება თქვენი ბრენდის აღქმა.
სხვა სიტყვებით რომ ვთქვათ, სწორად გაკეთებული დიზაინი უდრის ბრენდის იდენტობის სწორ განსაზღვრას და წარმატებულ ბიზნესს.
თქვენი ბრენდის დიზაინის განვითარება
სანამ დაიწყებთ თქვენი დიზაინის აქტივების შექმნას, აუცილებელია დაიწყოთ ნულიდან და დააფიქსიროთ დიზაინის სტრუქტურის საფუძვლები, ანუ საფირმო სტილის ძირითადი შემადგენელი ნაწილები.
ეს ელემენტებია:
ტიპოგრაფია
ტიპოგრაფია ეხება შრიფტის ტიპს, რომელსაც ირჩევთ თქვენი ბრენდინგის მასალებისთვის. განსაკუთრებით მნიშვნელოვანია ლოგოს შრიფტებისა და ბრენდის შრიფტების გონივრულად შერჩევა.
არსებობს ტიპოგრაფიის ოთხი ძირითადი ტიპი:
-
სერიფ შრიფტებს (როგორიცაა Times New Roman ან Garamond) ყოველ ასოს ბოლოზე ერთგვარი ღუზა აქვს (ან სხვანაირად პატარა ტერფი). ეს კლასიკური ტიპოგრაფია შესანიშნავია თუ გსურთ თქვენი ბრენდი სანდო, ტრადიციული და ცოტა კონსერვატიული გამოჩნდეს.
-
სენ სერიფ შრიფტები (როგორიცაა Helvetica ან Franklin Gothic) არის ასოები, რომლებსაც აქვთ გლუვი კიდეები და სერიფ შრიფტებისგან განსხვავებით არ გააჩნიათ ღუზები ფეხებზე. სენ სერიფ შრიფტები უფრო გლუვ, თანამედროვე შეგრძნებას აძლევს ბრენდებს.
• დამწერლობის ტიპოგრაფია (Script typography) ასახავს კურსირებულ ხელწერას . ეს შრიფტები (როგორიცაა Allura ან Pacifico) შეიძლება იყოს შესანიშნავი საშუალება თქვენი ბრენდისთვის ძვირადღირებული ან ფემინური შეგრძნების დასამატებლად.
• დისპლეის შრიფტები (Display fonts) ეს ცალკე ლიგაა. თითოეულ მათგანს აქვს სპეციალიზებული ელემენტი, იქნება ეს ასოების უჩვეულო ფორმა, კონტურები, ჩრდილები ან უფრო მხატვრული/ხელით დახატული კიდეები (მაგალითად Metallica გამაღიავებელი შრიფტით). თუ გსურთ გააკეთოთ თამამი განაცხადი და შექმნათ ბრენდის იდენტობა რომელსაც ხალხი მალე არ დაივიწყებს, დისპლეის შრიფტები საუკეთესო არჩევანია.
არჩეული ტიპოგრაფია ბევრს იტყვის თქვენს ბრენდზე, ამიტომ გონივრულად აირჩიეთ ისინი.
ფერების პალიტრა
შემდეგი არის ფერი. ადამიანებს ფსიქოლოგიური კავშირები აქვთ სხვადასხვა ფერებთან და ბრენდინგის ფერების და ლოგოს ფერების სტრატეგიულად გამოყენება სერიოზული პოზიტიურ გავლენა ახდენს ბრენდის აღქმაზე აუდიტორიის მიერ. თუ ფერების განსაზღვრა თქვენი ძლიერი მხარეა დროა შეუდგეთ მოგზაურობას გრაფიკული დიზაინის სამყაროში. აღმოაჩინეთ თქვენი კრეატიულობა, დატოვეთ კვალი და გახდით მსოფლიოს ინსპირაცია თქვენი არტისტული ხედვით.
აი, მაგალითად რისი გაკეთება შეუძლია ცისარტყელას ფერებს თქვენი ბრენდის იდენტობისთვის:
-
წითელი: წითელი ვნებისა და მღელვარების ფერია. ეს შესანიშნავი არჩევანია, თუ თქვენი ბრენდის იდენტობა ხმამაღალი, ახალგაზრდული და აქტიურია.
-
ნარინჯისფერი: ნარინჯისფერი კიდევ ერთი მაღალი ენერგიის ფერია და შესანიშნავია, თუ გსურთ გამოიყურებოდეთ მეგობრულად და მხიარულად. ის წითელთან შედარებით ნაკლებად გამოიყენება, თუმცა საშუალებას მოგცემთ გამოირჩეოდეთ სხვისგან.
-
ყვითელი: ყვითელი მზის და ბედნიერების ფერია. ის კარგი არჩევანია მხიარული ატმოსფეროს შესაქმნელად, ბრენდის მხიარულად და ხელმისაწვდომად პრეზენტირებისთვის.
-
მწვანე: წარმოუდგენლად მრავალმხრივი ფერი, ის შეიძლება გამოყენებულ იქნას თითქმის ნებისმიერი ბრენდისთვის. თუმცა, კულტურულად, როდესაც ადამიანები ხედავენ მას, ისინი ფიქრობენ ორ რამეზე: ფულზე ან ბუნებაზე. თუ თქვენი ბრენდი დაკავშირებულია რომელიმე მათგანთან, მწვანე განსაკუთრებით კარგი არჩევანია.
-
• ლურჯი: ყველაზე უნივერსალური ფერია სპექტრში. ის დაგეხმარებათ, თქვენი ბრენდი უფრო სტაბილური და სანდო გამოჩნდეს, ასე რომ, თუ მიზანი ფართო აუდიტორიის ყურადღებაა და მათი დარწმუნება რომ გენდონ, მაშინ ლურჯი კარგი არჩევანია.
-
• იასამნისფერი: იასამნისფერი სამეფო ფერია, თუ აპირებთ თქვენს ბრენდს მდიდრული იდენტობა ჰქონდეს ეს უსაფრთხო არჩევანია.
-
ვარდისფერი კულტურულად ქალურობასთან არის გაიგივებული. თუ თქვენი სამიზნე ჯგუფი ქალებია, მაშინ ვარდისფერი უსათუოდ უნდა იყოს ბრენდის იდენტობის განმსაზღვრელი. ის ასევე შესანიშნავი ფერია რბილი ან მდიდრული იდენტობის მქონე ბრენდებისთვის.
-
ყავისფერი: ალბათ ყველაზე ნაკლებად არჩეული ფერი ბრენდინგში, მაგრამ ეს შეიძლება თქვენს სასარგებლოდ გამოიყენოთ! როცა რაღაც განსხვავებულის გაკეთება გინდათ, ეს გეხმარება გამოირჩეოდე სხვებისგან. ყავისფერი დაგეხმარებათ თქვენი ბრენდის იდენტობა გამოიყურებოდეს როგორც უხეში ან მამაკაცური.
-
შავი: თუ გსურთ თანამედროვედ და დახვეწილად გამოიყურებოდეს ბრენდის, არაფერია ისეთი კლასიკური და ეფექტური, როგორც შავი ფერი.
ფორმა/მოხაზულობა
როცა საქმე დიზაინს ეხება, აუცილებელია ასევე იფიქროთ ფორმაზე და მოხაზულობაზე. ეს ერთი შეხედვით შეუმჩნეველი ელემენტი სასურველ უკუკავშირს მოგცემთ კლიენტების მხრიდან. ეს ელემენტია მაგალითად წრიული ლოგო, რბილი კუთხეებით რომელიც სულ სხვა რეაქციას გამოიწვევს, ვიდრე ლოგო მკვეთრი კუთხეებით და კვადრატული ფორმებით.
-
აი, მაგალითად როგორ შეუძლია სხვადასხვა ფორმას ჩამოაყალიბოს თქვენი ბრენდის იდენტობა:
-
• მრგვალი ფორმები, როგორიცაა წრეები, ოვალები და ელიფსები, არის თბილი და კომფორტული. ბრენდებს, რომლებიც მრგვალ ფორმებს იყენებენ, შეუძლიათ შექმნან განცდა ერთიანობის და სიყვარულის . მომრგვალებული კიდეები ასევე ფემინურად შეიძლება ჩაითვალოს.
-
• სწორი კუთხეები, როგორიცაა კვადრატები, მართკუთხედები და სამკუთხედები, ძალასა და ქმედითობაზე მიუთითებს. მკაცრი ხაზები ქმნის სტაბილურობისა და სანდოობის განცდას, მაგრამ მათი გამოყენებისას ფრთხილად უნდა იყოთ. თუ ფორმები არ არის დაბალანსებული რაიმე სახალისო, მაგალითად, დინამიკური ფერებით, მაშინ თქვენს ბრენდთან იდენტიფიცირება კლიენტებს შესაძლოა გაუჭირდეთ.
-
სწორ ხაზებს ასევე თავისი მნიშვნელობა გააჩნიათ: ვერტიკალური ხაზები მიუთითებს მამაკაცურობასა და სიმტკიცეზე, ხოლო ჰორიზონტალური ხაზები სიმშვიდეზე და მყუდრო ემოციებზე.
თუ თვლი, რომ სათქმელის ვიზუალურად გადმოცემა შენთვის საინტერესოა, მაშინ დარეგისტრირდი ჩვენს კურსზე- დაიწყე შესწავლა სრულიად ახალი მეთოდებით, მოერგე ბაზრის თანამედროვე მოთხოვნებს და გახდი წარმატებული!
→დარეგისტრირდი მარტივად
ბრენდის იდენტობის დიზაინის შემუშავება
მას შემდეგ რაც თქვენი ბრენდის სტრუქტურულ ელემენტებზე ჩამოყალიბდით, დრო დადგა დიზაინს მიხედოთ, რათა გააცოცხლოთ ბრენდის იდენტობა და თარგმნოთ ვინ ხართ, როგორც ბრენდი. საფირმო სტილი ბევრი ელემენტით შეიძლება იყოს გამოხატული, ეს თქვენ ბიზნესის სპეციფიკაზეა დამოკიდებული. მაგალითად, რესტორანმა დიდი ყურადღება მენიუსა და ფიზიკურ სივრცეზე ფიქრს უნდა დაუთმოს. ხოლო, ციფრული მარკეტინგის სააგენტომ ვებსაიტზე და სოციალური მედიის გვერდებზე უნდა გაამახვილოს ყურადღება .
ბრენდის იდენტობის საერთო ელემენტებს წარმოადგენს:
ლოგო
ლოგოს დიზაინი თქვენი ბრენდის იდენტობის ქვაკუთხედია. დიზაინერთან ლოგოზე მუშაობისას, მთავარი მოთხოვნები უნდა იყოს:
-
ნათლად უნდა გადმოსცემდეს ვინ ხართ და რა ფასეულობები გაქვთ როგორც ბრენდს;
-
ვიზუალურად მიმზიდველი უნდა იყოს - მარტივი, მკაფიო და ზედმეტი დეტალების გარეშე.
-
კლასიკური, არა ტრენდული. რადგან ტრენდული ლოგო მოდიდან 6 თვეში შესაძლოა გადავიდეს.
-
უპასუხებს თქვენი ინდუსტრიის სტანდარტებს — და თუ გადახრაა ამ სტანდარტიდან მაშინ ეს მიზანმიმართულად კეთდება;
-
დაუვიწყარ შთაბეჭდილებას ტოვებს თქვენს აუდიტორიაზე.