რა არის წარმატება? გამართლება და იღბლიანი შემთხევევა, თუ თავდაუზოგავი შრომის ნაყოფი? ძნელია მოუძებნო ერთი ცალსახა ახსნა,რადგან წარმატება მიიღწევა თავდაუზოგავი შრომის შედეგად და ასევე ზოგ შემთხევევაში იღბალი, გამართლება განაპირობებს ხოლმე ადამიანის მომავალს. მიუხედავად ამისა, ღირებული წინსვლის მისაღწევად თავდაუზოგავი შრომაა საჭირო - ”წარმატების საიდუმლო მარტივია: გარკვეული დროის განმავლობაში იშრომე, მოთმინებით და თავდაუზოგავად იღვაწე, შენი წარმატების განუხრელად გჯეროდეს და უკან არასოდეს დაიხიო”.
იყოს წარმატებული ყველა ადამიანისთვის სასურველი და საოცნებოა. თითოეული თავისი ცხოვრების გზაზე ცდილობს შეასრულოს საკუთარი მისია და გააკეთოს ეს მაქსიმალურად ეფექტიანად. ზოგი საკუთარ შეცდომებზე სწავლობს, ზოგიც სხვის შეცდომებზე. მიზნების მისაღწევად ყველას აქვს ინდივიდუალური მიდგომა, თუმცა შესაძლოა არსებობდეს მსგავსი ხელისშემშლელი გარემო ფაქტორები, რომლებიც გვაბრკოლებენ მიზნამდე მისასვლელ გზაზე.
თუ გსურს განვითარდე და განავითარო შენი ცოდნა და უნარები, მაგრამ არ იცი საიდან დაიწყოთ, ჩვენი კურსი დაგეხმარება ამის გარკვევაში. სწორედ ამიტომ, უფრო ეფექტური სწავლებისთვის, პროგრამა დაყოფილია ნაწილებად და ცოდნას, რეალური პრაქტიკიდან მიიღებ. რას შეისწავლი
საინტერესო აღმოჩენის გასაკეთებლად, განვიხილოთ მოზარდის ამბავი, რომელსაც მუსიკა ძალიან უყვარდა. ის ჯერ 7 წლის იყო და თავისი პირველი კონცერტისთვის ემზადებოდა ფორტეპიანოში. შერჩეული საკონცერტო პიესა მოითხოვდა ტემპს და დაკვირვებას. მასწავლებელმა ის საკონცერტო დარბაზში ჩაიყვანა და გენერალური რეპეტიცია მოუწყო. გვერდით მიუჯდა, გაამხნევა, ხელი გაუსწორა, დაწყება ანიშნა და დაიწყო თვლა. ასევე, უთხრა, რომ შედარებით ნელი ტემპით დაეკრა, რათა შეცდომები აერიდებინა თავიდან. მასწავლებელი ითვლიდა და გზადაგზა ახსენებდა მოსწავლეს პედალს, ეუბნებოდა რომ არ აჩქარებულიყო, არ აღელვებულიყო, ხელი დაეჭირა თავისუფლად და მის თვლას მიჰყოლოდა. რამოდენიმე დაშვებული შეცდომის შემდეგ მასწავლებელმა აუღელვებლად ათასჯერ მაინც გაამეორებინა მოსწავლეს პიესა. ამჯერად შესრულებამდე შეუქმნა განწყობა, კიდევ ერთხელ აუხსნა წესები, დაწყება ანიშნა და დაიწყო ისევ თვლა. ასე გავიდა გენერალური რეპეტიციისთვის განკუთვნილი არაერთი საათი, მოსწავლეს კი არ შეეძლო პიესის უშეცდომოდ დაკვრა. ის უბრალოდ ამას ვერ ასრულებდა.
უშედეგო მეცადინეობის შემდეგ მასწავლებელი ძალიან აღელდა, რადგან კონცერტი მომდევნო დღეს იყო, მოსწავლეს კი არ შეეძლო პიესის შესრულება. იგი ადგა და სცენიდან ჩავიდა. რამოდენიმე წუთი ფიქრის შემდეგ, მასწავლებელი წინა რიგში სკამზე დაჯდა და მოსწავლეს შემოსძახა: „აბა, მიდი და შეუბერე დამოუკიდებლად!“ მოსწავლემ იგრძნო, რომ მარტო იყო, დარბაზი მხოლოდ მისი იყო და შეეძლო თავისუფლად გაეშალა ფრთები, რადგან ამის ნებართვა უკვე ჰქონდა მასწავლებლისგან. მან დაკვრა დაიწყო და პირველივე ნოტიდან იგრძნობოდა პიესის ჰარმონიულობა, სიზუსტე და ნოტების სირბილე. არცერთი შეცდომა, არანაირი აღელვება, არავითარი შეყოვნება. რეპეტიცია წარმატებით დასრულდა. მასწავლებლის მღელვარებაც დასრულდა. ასევე წარმატებით ჩაიარა პირველმა და სხვა დანარჩენმა კონცერტებმაც.
წარმატების მიღწევაში ზოგჯერ ხელს გვიშლის ზედმეტი შეზღუდვები და ჩარჩოები, რომლებიც არ გვაძლევს იმის უფლებას, რომ ფრთები გავშალოთ, გამოვავლინოთ ჩვენი უნარები და მივიდეთ დასახულ მიზნამდე. ზოგჯერ ეს შეზღუდვები განპირობებულია ზედმეტი მზრუნველობით ან გადაჭარბებული კონტროლით, რომელიც თრგუნავს ჩვენში გამბედაობას. ამიტომ, უნდა დავფიქრდეთ, რა გარემო ფაქტორები ზღუდავენ ჩვენს თავისუფლებას და ვეცადოთ, რომ მაქსიმალურად მოვიხსნათ ის შიში და კომპლექსები, რომლებიც აფერხებენ ჩვენს წინსვლას.
5 ფაქტორი რომელიც ხელს გვიშლის წარმატების მიღწევაში
- შიში - არ შემიძლია
- სიზარმაცე - დავიღალე, მეტი არ შემიძლია
- ნებისყოფის არ არსებობა - მოთმენა არ შემიძლია
- გაფანტულობა - ფოკუსირება არ შემიძლია
- კომპლექსები - გავთავისუფლდე არ შემიძლია
წარმატება თავისით არავისთან მოდის. ამაზე თავად ჩვენ უნდა ვიზრუნოთ და უნდა შევიქმნათ ისეთი გარემო, სადაც საკუთარი შესაძლებლობების მაქსიმუმს გამოვიყენებთ, სადაც არ შეგვეშინდება ჩვენი კრეატიულობის და მიზანდასახულობის. ყველა ადამიანს გვაქვს საკუთარი „სცენა“, რომლისკენაც გზას უნდა მივაგნოთ და ბოლოს, ისღა დაგვრჩენია, რომ დაველოდოთ აპლოდისმენტებს.
განთავისუფლდი ბანალური საგანმანათლებლო სისტემისგან, დაიწყე პროგრამირების შესწავლა სრულიად ახალი მეთოდებით, მოერგე ბაზრის თანამედროვე მოთხოვნებს და გახდი წარმატებული!
მათვის, ვისაც სურს ხარისხიანი სწავლა და მუშაობის დაწყება
ჩვენი კურსები გათვლილია მათზე ვინც პირველ ნაბიჯებს დგამს IT სფეროში. თქვენ არ დაგჭირდებათ სპეციალური ცოდნა სწავლის დასაწყებად. ჩვენ მოგცემთ კარგ ბაზას და გაგივითარებთ აუცილებელ უნარებს, რათა დაიწყოთ მუშაობა სპეციალობით, IT აკადემია STEP თანამშრომლობს ადგილობრივ და საერთაშორისო კომპანიებთან. ჩვენ რეგულარულად ვაახლებთ და ვაქვეყნებთ ვაკანსიებს ჩვენი პარტნიორებისგან და ვაძლევთ სტუდენტებს დასაქმების შესაძლებლობებს.
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Step ლიდერი IT სფეროში,ახლაუკვე100+ფილიალით!
+995 577 538-549 ქ.თელავი,ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
გამოიწერეთ ჩვენი გვერდი სოციალურ ქსელებში