როგორ დავიწყოთ მუშაობა IT ინდუსტრიაში?

განსაზღვრეთ, თუ რატომ გინდათ ინფორმაციულ ტექნოლოგიებში მუშაობა

პირველ რიგში, აუცილებლად უნდა განსაზღვროთ, თუ რატომ გინდათ IT კარიერა. შეიძლება ინფორმაციული ტექნოლოგიების მიმართ დიდი ინტერესი გაქვთ, ან უფრო მაღალი შემოსავალი გინდათ. IT-ში გადასვლა ასევე შეიძლება, რადგან გსურთ ხალხის დახმარება, პრობლემების გადაჭრა, თქვენი კრეატიული მხარის წარმოჩენა და სხვა. ეს იმ კითხვების მცირე ჩამონათვალია, რომლებიც საკუთარ თავს ახალი პროფესიის არჩევისას უნდა დაუსვათ.

შეარჩიეთ პროფესია, რომელიც თქვენს ინტერესებს ყველაზე მეტად ერგება

აუცილებელია განსაზღვროთ, თუ რომელი პროფესია შეგეფერებათ ყველაზე მეტად. ამ პროცესს ბევრი ძებნა სჭირდება. წაიკითხეთ IT სამსახურების აღწერები და გაესაუბრეთ ინდუსტრიის პროფესიონალებს. ამასთან ერთად, თქვენ შეგიძლიათ Youtube-ზე უყუროთ თქვენთვის საინტერესო პროფესიის მქონე ადამიანების ყოველდღიურ ვლოგებს.

პროფესიებზე მეტის გასაგებად ასევე კარგი საშუალებაა LinkedIn-ის გამოყენება. დაუკავშირდით ინდუსტრიის პროფესიონალებს. მათი ისტორიების მოსმენით უკეთ გაიგებთ, თუ როგორ შეძლეს ამჟამინდელ პოზიციაზე მოხვედრა და რა გზის გავლა შეიძლება დაგჭირდეთ თქვენ.

გყავდეთ მენტორი

თქვენთვის სასურველი კარიერის მენტორთან დაკავშირება კარგი საშუალებაა ახალ ინდუსტრიაში გადასასვლელად. მენტორი გასწავლით, თუ რა გააკეთოთ იმისათვის, რომ თქვენს საოცნებო კარიერის შექმნა დაიწყოთ. მენტორი ასევე დაგეხმარებათ სწორი ადამიანების მოძიებასა და სწორი მიზნების დასახვაში.

მოძებნეთ საჭირო კურსები და ტრენინგები

დამოუკიდებლად სწავლის გარდა, საჭირო ცოდნის მისაღებად კურსებისა და ტრენინგების გავლა დაგეხმარებათ ცოდნის გამტკიცებასა და გაუმჯობესებაში.

გაავარჯიშეთ თქვენი უნარები

პერსონალურ კომპიუტერზე დატესტეთ თქვენი ახალი ცოდნა. სასურველი კარიერის მიხედვით, თქვენ შეგიძლიათ შექმნათ თქვენი ვებ-საიტი, კომპიუტერული პროგრამა ან მონაცემთა ბაზა. IT-ში მუშაობისთვის უმნიშვნელოვანესია შეცდომებზე ცოდნის დაგროვება. ამისათვის კი შეგიძლიათ გამოიყენოთ ის მოწყობილობები, რომლებიც უკვე გაქვთ სახლში.

მიიღეთ გამოცდილება

დასაწყისში არ არის აუცილებელი, რომ სრულ განაკვეთზე დაიწყოთ მუშაობა. ცოდნის დაგროვება არის შესაძლებელი მოხალისეობით, ნახევარ განაკვეთური სამუშაოებითა და სტაჟირებებით. დაუკავშირდით თქვენთვის საინტერესო კომპანიებს. მათ შეიძლება სჭირდებოდეთ დამწყებები, რომლებსაც კომპანიაში უკეთ შეასწავლიან პროფესიას.

ჩამოწერეთ ის უნარები, რომლებსაც ჯერ არ ფლობთ

IT ინდუსტრიაში პირველი ნაბიჯების გადადგმის შედეგად, თქვენ დაგიგროვდებათ დიდი ცოდნა. თუმცა, აუცილებელია, რომ განვითარების ეტაპზე მუდმივად ადევნოთ თვალი თქვენს შესაძლებლობებს და იმუშაოთ ისეთ უნარებზე, რომლებსაც არ ფლობთ, ან ნაწილობრივ ფლობთ.

შექმენით კარგი რეზიუმე

შეისწავლეთ თქვენთვის სასურველი სამსახურების აღწერები და ამის მიხედვით შექმენით ახალი რეზიუმე. ფოკუსირდით პროფესიისთვის საჭირო უნარებსა და გამოცდილებაზე. წაიკითხეთ ბლოგები რეზიუმეების შექმნაზე და გაიგეთ, თუ როგორ მიიქციოთ დამქირავებლების ყურადღება.

გაიცანით თქვენთვის საინტერესო სფეროს პროფესიონალები

IT ინდუსტრიის პროფესიონალებთან ინტერვიუებისა და IT მენტორების გარდა, აუცილებელია, რომ გაზარდოთ IT სანაცნობო წრე. ამისათვის იარეთ შეხვედრებსა და კონფერენციებზე.

ამასთან ერთად, LinkedIn-ი საუკეთესო საშუალებაა ციფრული ნეთვორქინგისთვის. შექმენით LinkedIn-ის პროფილი და დაუკავშირდით იმ ადამიანებს, რომლებიც IT შეკრებებზე გაიცანით.

ინდუსტრიაში საჭირო ადამიანებთან მეგობრებით წინ ახალი შესაძლებლობები გადაგეშლებათ. LinkedIn-ის 2016 წლის გამოკითხვის მიხედვით, სამსახურის დაწყების მსურველთან 85% ამას სწორედაც ნეთვორქინგის საშუალებით ახერხებენ.

ახალი კარიერის დაწყება გრძელი და რთული პროცესია. ამიტომაც, გახსოვდეთ, რომ მას დრო და მოთმინება სჭირდება. ისწავლეთ თქვენი რიტმის შესაბამისად, რადგან ერთ დღეში IT პროფესიონალი არავინ გამხდარა.

თუ კარიერის შეცვლაზე ფიქრობთ და IT ინდუსტრია გაინტერესებთ, სტეპში საშემოდგომო მიღება დაწყებულია კურსების შესახებ ინფორმაციისთვის

მოითხოვეთ კონსულტაცია