მოგესალმები სამსახურის მაძიებელთა სამყაროში!
ძიების პროცესი ზოგჯერ ძალიან სტრესულია. განსაკუთრებით მაშინ, როდესაც entry-level ვაკანსიების უმეტესობაშიც კი ვხვდებით ისეთ მიდგომებს, როგორებიცაა: “აუცილებელია სამუშაო გამოცდილება”, “გამოცდილების ქონა ჩაითვლება უპირატესად” და ა.შ.
ამ სტრესს თავი რომ აარიდო, მნიშვნელოვანია გქონდეს მარტივი და კარგად გამართული CV. ეს პირველი ნაბიჯი არ გეგონოს - პირველი ნახტომია, როდესაც პოტენციური დამსაქმებელი გაიგებს შენს შესახებ, ამიტომ მნიშვნელოვანია მოახდინო კარგი შთაბეჭდილება, მაშინაც კი თუ არ გაქვს სამუშაო გამოცდილება. ამ საფეხურების გავლის შემდეგ, შეგიძლია აპლიკაცია დამსაქმებელს დაუფიქრებლად გაუგზავნო. უბრალოდ მიყევი შემდეგ რჩევებს:
აირჩიე დახვეწილი დიზაინის template
ძალიან მნიშვნელოვანია, რომ CV-ის template არ იყოს ზედმეტად ჭრელი, გადავსებული არასაჭირო ფიგურებით და ტექსტი შეუფერხებლად იკითხებოდეს.
გაითვალისწინე, რეკრუტერები შერჩევის პროცესში არაერთ CV-ის ნახულობენ, მნიშვნელოვანია შენი გამოცდილება და უნარები ძალიან მოკლედ იყოს გადმოცემული და შეიცავდეს მხოლოდ ყველაზე საჭირო ინფორმაციას, რომელიც მარტივად აღქმადი და წაკითხვადი იქნება. იცოდე, რომ რეკრუტერები CV-ების გადარჩევის პროცესში ძალიან იშვიათად გადადიან მეორე გვერდზე, ამიტომ მნიშვნელოვანია ყველაფერი ერთ გვერდზე დაატიო.
არასდროს გაგზავნო ერთი და იგივე CV სხვადასხვა კომპანიაში
CV-ის შედგენისას ყველაზე მნიშვნელოვანია, მასში არსებული ინფორმაცია ერგებოდეს ვაკანსიის ტექსტს, რაც ხაზს გაუსვამს შენს დაკვირვებულობას და რეალურ ინტერესს კონკრეტულ კომპანიაში დასაქმებასთან დაკავშირებით.
მიყევი ქრონოლოგიას
ყველაზე ხშირად დაშვებული შეცდომები სწორედ ქრონოლოგიას ეხება. ძალიან მნიშვნელოვანია განათლების და გამოცდილებების მითითების დროს თარიღები ქრონოლოგიურად დალაგდეს. თავდაპირველად აღნიშნეთ თქვენი ახლანდელი სწავლის ან საქმიანობის ადგილი და მიყევით თარიღების მიხედვით უახლესიდან ყველაზე ძველამდე.
გარდა ამისა, დაალაგეთ თქვენი ტექნიკური და ფუნქციური უნარები ცალ-ცალკე, რითაც დამსაქმებელს დაეხმარებით სწორად გამიჯნოს საჭირო უნარები ერთანეთისგან.
არსებობს წარმოდგენა, რომ ვებ-გვერდის აწყობა მხოლოდ ტექნიკური განათლების მქონე ადამიანს შეუძლია ისწავლოს. არადა, რაც დრო გადის საპირისპიროს ვხედავთ. სულ უფრო მეტი, სხვადასხვა პროფესიის ადამიანი სწავლობს პროგრამირებას, სხვადასხვა სირთულის აპლიკაციებს ქმნის და თავად აწყობს ვებ-საიტებს - შეისწავლე Front-end ვებ დეველოპმენტი, ვებ-გვერდების აწყობა 0-დან და დაეუფლე მსოფლიოში ყველაზე მაღალანაზღაურებად პროფესიებს საერთაშორისო აკადემიაში
დაამატე საკონტაქტო ინფორმაცია
იმის მიუხედავად, დამსაქმებელმა შენი CV მეილით მიიღო თუ არა, აუცილებელია საკონტაქტო ინფორმაციის მითითება, როგორიცაა: მობილურის ნომერი და ელექტრონული ფოსტის მისამართი.
თუ ფოტოს დართვას გადაწყვეტ, ის მეტად პროფესიული ხასიათის უნდა იყოს და არა სელფი ან წვეულებაზე გადაღებული ფოტო. არასწორად შერჩეული ფოტოს შემთხვევაში, მეტი შანსია, რომ დამსაქმებელმა არ აღგიქვას სერიოზულ კანდიდატად.
არ გაავსო CV ზედმეტი ინფორმაციით
გაითვალსწინე, რომ CV-ში შენი დაბადების თარიღი, ადგილი, სკოლის სახელი და სხვა არაფრისმთქმელი ინფორმაცია არ შეიტანო. ეს ინფორმაცია რეკრუტერების აზრით უბრალოდ უსარგებლოა და არც CV-ის ფორმატს ერგება.
Ბოლო და ყველაზე მთავარი:
- არ მოიტყუო: CV-ის შედგენისას სწორედ სიმართლის დაწერაში მდგომარეობს. დაიმახსოვრე, რომ შენი ტყუილი რეკრუტერმა შესაძლოა მარტივად ამოიცნოს და ამით არამხოლოდ იმ სამსახურში, არამედ ბევრ სხვა ადგილას მუშაობის დაწყების შანსი გაუშვა ხელიდან.
- იყავი თავდაჯერებული: აუცილებელია გჯეროდეს, რომ შენი კანდიდატურა მოცემული ვაკანსიისთვის იდეალურია და მზად ხარ გაუმკლავდე ნებისმიერ გამოწვევას. იმ შემთხვევაშიც კი, თუ რაიმე ტერმინოლოგია შენთვის უცნობია, არ შეშინდე – ტექნოლოგიური განვითარების ეპოქაში არაფერია ისეთი, რისი დაგუგლვაც არ შეიძლება. ამიტომ რეზიუმეს გაგზავნამდე დარწმუნდი, რომ ვაკანსიის აღწერაში შენთვის ყველა დეტალი გასაგებია და ირწმუნე, რომ ამ პოზიციისთვის საუკეთესო კანდიდატურა ხარ.
ვფიქრობ, ეს რჩევები დაგეხმარება შეადგინო შენი CV პროფესიონალურად, რომელსაც დამსაქმებლებთან ყოველგვარი ყოყმანის გარეშე გაგზავნი. ასე, რომ წარმატებებს გისურვებთ!
შემოგვიერთდით სტეპერების დიდ ოჯახში!
IT Academy Step ლიდერი IT სფეროში, ახლა უკვე 100+ ფილიალით!
+995 577 538 549 ქ.თელავი, ნადიკვრის#23
+995 (32) 215-55-51 ქ.თბილისი, ყაზბეგის34/34ბ
გამოიწერეთ ჩვენი გვერდი სოციალურ ქსელებში
