Soft Skill-ები, იგივე მოქნილი უნარები არის ის თვისებები და ინტერპერსონალური უნარები, რომლებიც ადამიანს გააჩნიათ და სხვა ადამიანებთან ურთიერთობის დამყარებაში ეხმარება.
მოქნილი უნარები მოიცავს ჩვენს ხასიათს, დამოკიდებულებებს, მოქნილობას, მოტივაციას და მანერებს. სწორედ ამიტომ, ისინი მნიშვნელოვანია, როგორც პირადი ცხოვრების წარმართვაში, არამედ კარიერულ წინსვლაში.
ჰარვარდის უნივერსიტეტის კვლევის მიხედვით, სამსახურში წარმატების 85%-ი, სწორედაც, რომ კარგად განვითარებულ მოქნილ უნარებზე არის დამოკიდებული, მხოლოდ 15%-ი ტექნიკურ უნარებსა და ცოდნაზე.
ადამიანები, რომლებიც მოქნილი და მყარი უნარებს ფლობენ, უფრო მოთხოვნადები არიან შრომით ბაზარზე. მაგალითად, ხშირად, დამქირავებელი უპირატესობას ანიჭებს ისეთ ადამიანს, რომელსაც სამუშაოს დროულად შესრულება შეუძლია, აქვს კომუნიკაციის ძლიერი უნარი და კარგად ესმის კომპანიის სერვისები და პროდუქტები.
ამავდროულად, კომპანიის ლიდერები ისეთი ადამიანები არიან, რომლებიც მოქნილ უნარებს ყველაზე ეფექტურად იყენებენ. ლიდერებს მოეთხოვებათ, რომ ჰქონდეთ გამართულად კომუნიკაციის უნარი, შეეძლოთ თანამშრომლების მოსმენა და მათი აზრის გათვალისწინება, წარმატებულად წარმართავდნენ მოლაპარაკებებს, ფოკუსირდებოდნენ მიზნებსა და სამუშაო პროცესზე.
მოქნილი უნარები განსაკუთრებით ტექ პროფესიონალებისთვის არის მნიშვნელოვანი. ტექნოლოგიური ინდუსტრია მსოფლიოში ერთ-ერთი ყველაზე სწრაფად ზრდადი ინდუსტრიაა. ამიტომაც, მოთხოვნა ტექ პროფესიონალზე ძალიან მაღალია.
Forbes-ის მიხედვით, 2031 წლამდე:
- მოთხოვნა მონაცემთა მეცნიერებზე გაიზრდება 36%-ით
- მოთხოვნა კიბერუსაფრთხოების სპეციალისტებზე გაიზრდება 35%-ით
- მოთხოვნა ვებ დეველოპერებზე გაიზრდება 30%-ით
ხშირად მიაჩნიათ, რომ ტექ ინდუსტრიისთვის მნიშვნელოვანია მხოლოდ მყარი უნარების, ანუ სპეციალური ტექნიკური უნარებისა და ცოდნის ქონა. თუმცა, ნებისმიერ სამუშაო გარემოში, სწორედ მოქნილი უნარები განასხვავებს ერთმანეთისგან - თანამშრომელსა და გუნდის მნიშვნელოვან წევრს.
ყველაზე მნიშვნელოვანი უნარები ტექ პროფესიონალებისთვის:
1. კომუნიკაციისა უნარი:
წარმატებულ ტექ პროფესიონალს კარგი კომუნიკაცია უნდა ჰქონდეს, როგორც გუნდის, ასევე კომპანიის სხვა წევრებთან.
ხშირად ადამიანები, ვისთანაც გიწევთ კომუნიკაცია ტექ პროფესიონალები არ არიან - ამიტომაც, მნიშვნელოვანი ინფორმაციის გაზიარება არატექნიკური ტერმინებითაც უნდა შეგეძლოთ.
ვერბალური და წერილობითი კომუნიკაციის უნარების გაუმჯობესება შეგიძლიათ შეხვედრებზე, მეილებით ან ბლოგის დაწერითაც კი.
2. დროის მენეჯმენტის უნარი:
ტექნოლოგიური ინდუსტრიები მცირე დედლაინებში მუშაობენ. ამიტომ მნიშვნელოვანია, რომ ტემპს ფეხი აუწყოთ. განსაკუთრებით გუნდში მუშაობისას, რადგან დროის არასწორი მენეჯმენტით შესაძლებელია, რომ სხვებს პრობლემები შეუქმნათ.
ადამიანები, რომელიც საქმეს დათქმულ ვადაში ასრულებს კოლეგებისთვის, კლიენტებისთვის და სტეიკჰოლდერებისთვის სანდო თანამშრომლები არიან. ხოლო, როდესაც ახალი შესაძლებლობები გამოჩნდება, მას სწორედ ისეთ ადამიანს ჩააბარებენ, რომელსაც საქმის ყველაზე ეფექტურად შესრულება შეეძლება.
3. ანალიტიკურად აზროვნების უნარი:
ანალიტიკური აზროვნების უნარი აუცილებელია ნებისმიერი ტექ პოზიციისთვის. ტექ პროფესიონალებს მუდმივად უწევთ პრობლემების გადასაჭრელად ახალი და კრეატიული გზების პოვნა.
კრიტიკულად მოაზროვნე ადამიანებს მოქნილობაც ახასიათებთ. ამ დროს პროფესიონალები უკვე არსებულ პრაქტიკებს ეჭვქვეშ აყენებენ და ალტერნატიულ გზებს ეძებენ, იყენებენ ახალ მეთოდებსა და ტექნოლოგიებს. ამიტომაც, ასეთი ტექ პროფესიონალებს ორგანიზაციაში ინოვაციების შემოტანა შეუძლიათ.
4. კოლაბორაციის უნარი:
კოლაბორაციის უნარი მნიშვნელოვანია ყველა ინდუსტრიაში, რადგან ის გამოწვევებისა და პრობლემების მოგვარებაში დაგეხმარებათ.
კოლაბორაციისას, არა მარტო საკუთარი იდეების გაჟღერებას ცდილობთ, არამედ ღია ხართ სხვა ადამიანების მიმართ. ხოლო, ყველაზე კარგი იდეები სწორედაც რომ თავისუფალ დისკუსიებში ჩნდება. ძლიერი კოლაბორაციის უნარი უბარიერო დიალოგის შექმნის საშუალებას იძლევა.
5. თანაგრძნობის უნარი:
ახალი პროდუქტის შექმნის მთავარი მიზანი უკვე არსებული პრობლემების მოგვარებაა. თუმცა, ეს უკანასკნელი თანაგრძნობის უნარის გარეშე შეუძლებელია.
ყველაზე ცუდი პროდუქტი ის არის, რომელიც დიზაინერებმა და ინჟინრებმა მომხმარებლის ყოველდღიური საჭიროებების გაგების და მათზე მორგების გარეშე შექმნეს.
მნიშვნელოვანია, რომ შეგეძლოს შენი მომხმარებლის პრობლემის მოსმენა და თანაგრძნობა, რათა პროდუქტი მათ საჭიროებებს სრულიად შეესაბამებოდეს.
ყველა ადამიანი ინდივიდუალურია, ამიტომაც, მოქნილი უნარები ყველას სხვადასხვა დოზით გვაქვს განვითარებული. მაგრამ, არ დაგავიწყეთ, რომ ყველა უნარის შესწავლა არის შესაძლებელი.
იმისათვის, რომ საჭირო რბილი უნარები განავითაროთ, აუცილებელია, რომ დააკვირდეთ თქვენს თავს. შეგიძლიათ მოითხოვოთ უკუკავშირი თქვენი დამსაქმებლისგან ან მენტორისგან, ან ჰკითხოთ მეგობრებსა და ოჯახის წევრებს.
ისეთი უნარების, როგორებიცაა კომუნიკაცია და ლიდერობა, განსავითარებლად შეგიძლიათ რომ ონლაინ კურსები გაიაროთ. ზოგიერთი პლატფორმა, მაგალითად LinkedIn-ი და Udemy-ი მსგავს კურსებს ყველას სთავაზობს. ამასთან ერთად, შეიძლება თქვენს კომპანიასაც ჰქონდეს რელევანტური კლასები.
ასევე, არ მოგერიდოთ ახალი უნარების თქვენს კოლეგებთან და ახლობლებთან გამოცდა. შეგიძლიათ, რომ რბილი უნარების დასახვეწად თქვენი ჰობი გამოიყენოთ. მაგალითად, თუ სპორტის გიყვართ, სპორტის მოყვარულ კოლეგებთან ერთად შეგიძლიათ დაესწროთ თამაშს, ან შექმნათ თქვენი გუნდი. ეს ნეთვორქინგის უნარის განვითარებაში დაგეხმარებათ, რაც ხელს შეუწყობს გუნდურობის და კომუნიკაციის გაძლიერებას.
