განათლების მიღების სურვილი ცივილიზაციის განვითარების საწინდარია! ადამიანისთვის სწორედ განათლების მიღებაა ცხოვრებაში საუკეთესო აქტივობა, მაგრამ, უნდა აღინიშნოს რომ განვითარებისთვის მხოლოდ განათლება საკმარისი როდია, სწავლის პარარელურად გარკვეულ ფინანსურ შემოსავალს ყველა ჩვენთაგანი საჭირებს
სტუდენტებისთვის საბედნიეროდ, არსებობს უამრავი ონლაინ სამუშაო როგორც ევროპის კონტინენტზე ასევე ამერიკაში და აზიაშიც კი, რომლის შესრულებაც თბილისიდან, გორიდან, თელავიდან და მოკლედ თქვენივე პატარა და მყუდრო სახლიდან გაუსვლელად შეგიძლიათ
ჩვენს დროში ადვილია ცოტაოდენი ფულის გამომუშავება ღამის პერანგშიც კი შესაძლებელია. რა თქმა უნდა, საჭირო არაა თქვენთვის იმის შეხსენება, რამდენად ამდიდრებს CV-ს ისეთი პროგრამული ენების ცოდნა როგორიც არის Python, ასევე სამუშაო გამოცდილება თუნდაც გრაფიკული და დიზაინის მიმართულებით. თქვენს არსენალში კონკრეტული უნარების ჰქონა აჩვენებს პოტენციურ დამსაქმებლებს, რომ ხართ მიზანსწრაფული, პრინციპული და ზოგადად მოწიფული, რასაც ყველა დამსაქმებელი აკვირდება
ჩვენ შევისწავლეთ 5-მდე კვლევა და შევკრიბეთ ტოპ ონლაინ სამუშაოების ნუსხა თქვენთვის
1. Copywriter (Freelance მწერალი)
გიყვართ წერა? იქნებ ჟურნალისტიკის სტუდენტი ხართ? სამუშაოები ამ მიმართულებით მარტივად შეგიძლიათ მოიძიოთ. სფერო გაძლევს დიდ მოქნილობას გრაფიკის თვალსაზრისით, შესაძლებლობები კი ამ სფეროში უზარმაზარია. თქვენ ასევე შეგიძლიათ დაწეროთ ბლოგები, ლოზუნგები, FB პოსტები მცირე ბიზნესისთვის, კომპანიები უხვად გადაიხდიან თავიანთი ვებ კონტენტის შინაარსის დასახვეწად
ანაზრაურება, როგორც წესი, ფიქსირდება პროექტის ზომით და იმით, თუ რამდენს დაწერთ!
ვებგვერდები, როგორიცაა Wispar, Copify, LinkedIn, და People Per Hour, შესანიშნავი რესურსია თქვენი, როგორც მწერლის თავგადასავლის დასაწყებად. აქ მთავარია არ იყოთ პასიური, არ ელოდოთ კლიენტებს, რომ მათ თავად გიპოვონ, პირიქით წაროაჩინეთ თქვენი თავი, ანახეთ ვინ არის აქ პროფესიონალი
გაავრცელეთ სიტყვა, ვებგვერდები, როგორიცაა LinkedIn, შესანიშნავია თვითრეკლამირებისთვის, იმის დასაფიქსირებლად, რომ თქვენ ღია ხართ ფრილანს სამსახურისთვის, არასოდეს არის გვიანი შექმნათ LinkedIn-ის პროფილი.
2. Dropshipping (გაყიდეთ ნივთები ონლაინ)
ალბათ ყველას გვაქვთ უამრავი წიგნი, ტანსაცმელი და ზოგადად ნივთები, რომლებსაც მტვერი ედება, რადგან მათ აღარ ვიყენებთ, არა? დროა ნაგავი გაცალოთ - გაყიდეთ ყველაფერი რასაც თქვენ აღარ იყენებთ სხვებს კი გამოადგებათ, ასევე იყიდეთ ყველაფერი რაც იაფია (მაგალითად შორტები ნოემბერში) და გადაყიდეთ როცა მოთხოვნა გაიზრდება
პლატფორმები, როგორებიცაა Depop, ASOS Marketplace და Preloved, შესანიშნავია მეორადი ტანსაცმლის გასაყიდად, თუ გსურთ გაყიდოთ კონკრეტული ნივთები - Ebay, Etsy ამისთვის შესანიშნავი არჩევანია, თუ გსურთ იყოთ კრეატიული Gumtree არის კიდევ ერთი კარგი ვარიანტი.
3. გრაფიკული დიზაინერი
თუ თქვენ კარგად გამოგდით დიზაინის შექმნა, შეგიძლიათ თავისუფალ დროს, თქვენი უნარების გამოყენებით საკმაოდ კარგი ფული გამოიმუშაოთ
სტუდენტებს მარტივად შეუძლიათ გახდნენ დიზაინერები, საბედნიეროდ პროფესიონალებისთვის არსებობს უამრავი ონლაინ სამუშაო როგორც ევროპის კონტინენტზე ასევე ამერიკაში
შეამოწმეთ ვაკანსიებისთვის, Indeed, Wispar და People Per Hour ეს ძალიან მნიშვნელოვანია იმისათვის, რომ თქვენი სახელი გაჟღერდეს სხვადასხვა პლატფორმაზე.
გრაფიკული დიზაინის კურსის განმავლობაში შეისწავლი Adobe Photoshop-სა და Illustrator-ს ნულიდან. გაიგებ, როგორ უნდა იმუშაო ტიპოგრაფიასთან, ფორმებთან, ფერებთან, კომპოზიციასთან. გაეცნობი დიზაინის შექმნის გზებს, ფონტების შერჩევას, ფერების შეთავსებას, საბეჭდი ფაილების გამზადებას და ბრიფზე მუშაობას. კურსის დასრულების შემდეგ შეძლებ, რომ შექმნა დასამახსოვრებელი პორტფოლიო, იმუშაო საერთაშორისო კომპანიაში გრაფიკული დიზაინერის პოზიციაზე.
4. ონლაინ მასწავლებელი
იცოდით, რომ დიდ ბრიტანეთში, თქვენ რეალურად არ გჭირდებათ რაიმე კონკრეტული კვალიფიკაცია, იმისათვის რომ გახდეთ ონლაინ მასწავლებელი.
თუმცა, თქვენ უნდა იყოთ თქვენი საგნის მცოდნე, გქონდეთ გამორჩეული სწავლების სტილი და რეპეტიტორობისთვის უნდა შეგეძლოთ ნავიგაცია ონლაინ პლატფორმებს შორის.
თქვენს CV-ში რეპეტიტორობა მიმზიდველად გამოიყურება, ამასთანავე შეგიძლიათ ამ საქმეში კარგი ანაზღაურებაც მიიღოთ, საუბარია საათში მინიმუმ 25 ფუნტზე ან მეტზე
თქვენთვის, როგორც ტუტორისთვის, ონლაინ სამუშაო საათები შეიძლება იყოს საკმაოდ მოქნილი, რაც ასევე მისაღებია სტუდენტებისთვის, თქვენ თავად შეგიძლიათ აირჩიოთ რა საათებში იმუშავებთ.
მშობლები ხშირად ითხოვენ DBS (Disclosure and Barring Service) შემოწმებას, ამისათვის შეგიძლიათ მიმართოთ ერთ-ერთ სამთავრობო ვებგვერდს, რაც დაახლოებით 23 ფუნტი დაგიჯდებათ.
დამატებითი ინფორმაციისთვის ეწვიეთ ვებგვერდებს, როგორიცაა MyTutor და TutorDirect, ეს არის შესაძლებლობა, რომლის ხელიდან გაშვება არ შეიძლება!
თქვენ შეგიძლიათ ასწავლოთ კონკრეტული საგანი ან უბრალოდ ისწავლოთ და შემდეგ სხვას ასწავლოთ პროგრამირება, ინტერნეტში არსებობს უამრავი ონლაინ სწავლების უფასო პლატფორმა, სადაც მზა ფუნქციონალის გამოყენებით გაიმარტივებთ სწავლების პროცესს.
5. სოციალური მედიის მარკეტინგი
ჩვენ ყველას გვიყვარს Facebook-ზე და Instagram-ზე შესვლა, რას იტყვით ამ აპლიკაციებში მუშაობაზე? ეს შესანიშნავი ონლაინ საქმეა, თუ თქვენ სწავლობთ მარკეტინგს ან კომუნიკაციებს და გაქვთ ნიჭი, შექმნათ მიმზიდველი პოსტები სოციალურ მედიაში, უამრავ პატარა კომპანიას შეიძლება სჭირდებოდეს ახალგაზრდა სოციალური მედია მენეჯერი
სფეროში მოვალეობებიც საკმაოდ მარტივია, თქვენ დაგევალებათ კომპანიის სოციალური მედიის პლატფორმების მართვა, გუნდთან ერთად ბრენდის სტრატეგიის განსაზღვრაში ჩართულობა, კონტენტკალენდრის მომზადება, ექაუნთ მენეჯერთან/კლიენტთან აქტივობების რეგულარული რეპორტინგი და ზოგ შემთხვევაში კომენტარებისა და ინბოქსის მოდერირებაც
სოც-ქსელები, როგორიცაა LinkedIn, და Facebook, შესანიშნავი რესურსია თქვენი, როგორც სოციალური მედიის მმართველის თავგადასავლის დასაწყებად.
6. შექმენი YOUTUBE არხი ან TikTok გვერდი
ეს შეიძლება თავიდან ცოტა რთულად მოგეჩვენოთ, მაგრამ საკუთარი ვიდეო კონტენტის შექმნა შეიძლება ძალიან სახალისო აღმოჩნდეს და ამასთანავე ამ პროცესში ფულის გამომუშავებაც შეძლოთ!
დაიწყეთ რაც შეიძლება მალე და გაერკვიეთ მათ სპეციფიკაში! თქვენ უნდა დაისახოთ რეალისტური მიზნები იმასთან დაკავშირებით, თუ რისი მიღწევა გსურთ და რაზე გაამახვილებთ ყურადღებას თქვენი არხის მეშვეობით.
შეარჩიეთ ვინ არის თქვენი სამიზნე აუდიტორია და რატომ უნდა უყურონ თქვენს კონტენტს, შემდეგ კი დაიწყეთ ვიდეოების გადაღბა.
თქვენ არ გჭირდებათ ძვირადღირებული კამერის ყიდვა, უკეთესი იქნება, თუ გადახედავთ „შავი პარასკევის“ გარიგებებს, რომლებიც ნოემბრის ბოლოს დაიდება.
რედაქტირების თვალსაზრისით, პროგრამული უზრუნველყოფა, როგორიცაა Adobe Premier Pro აღარ არის ერთადერთი პოპულარული არჩევანი, გადმოწერეთ CapCut – ის აუცილებლად გამოგადგებათ!
და ბოლოს
თქვენ როგორ სტუდენტმა ონლაინ დასაქმების პერსპექტივა რომ გაზარდოთ, სამუშაოს ძიების პროცესი კარგად უნდა იყოს გააზრებული, უნდა გესმოდეთ რომ წარმატებისთვის საჭიროა დრო და სტრატეგიული მიდგომა, გაგზავნამდე CV უნდა მოარგოთ თითოეულ ვანანსიას ინდივიდუალურად, გულითადად მოამზადეთ თქვენი სამოტივაციო წერილი და ეცადეთ გამოირჩეოდეთ სხვა აპლიკანტებისგან სწორი მიდგომით და თავდაჯერებულობით
დაგეგმე სწავლა სტეპში და აიღე საერთაშორისო სერტიფიკატები
IT Academy Step ლიდერი IT სფეროში, ახლა უკვე 100+ ფილიალით!
+995 577 538 549 ქ. თელავი, ი.ჭავჭავაძის მოედ. #4
+995 (32) 215-55-51 ქ.თბილისი, ყაზბეგის34/34ბ
გამოიწერეთ ჩვენი გვერდი სოციალურ ქსელებში
