2022 დიდი ტექნიკური დაპირებების წელია. შეუძლიათ თუ არა კომპანიებს მათი შესრულება? ამას რამოდენიმე თვეში გავიგებთ
CES ელექტრონული ტექნოლოგიების ცნობილი და ფართო ღონისძიება ლას-ვეგასში, ყოველი კვარტალის ბოლოს Intel, Meta, Tesla და Amazon სწორედ აქ იწონებენ თავს გაზრდილი მოგებითა და სამომავლო სიახლეების დაანონსებით
„ბევრი თვალსაზრისით, 2022 და 2023 წელი იქნება ნახტომი კოსმოსში. მართალია, დიდ ტექნოლოგიურ განვითარებას („მეტავერსი“, ავტონომიურ ავტომობილებს და სხვა) დათქმულზე ცოტა მეტი დრო დასჭირდება, მათ გარშემო აგორებული აჟიოტაჟიც ჩაცხრება, თუმცა ნახტომი გარდაუალია“ გვითხრა კაროლინა მილანესიმ, კვლევითი ფირმის Creative Strategies-ის ტექნოლოგიების ანალიტიკოსმა
კომპანიები ფრთხილად უნდა იყვნენ, რომ არ გასცენ ზედმეტი დაპირებები და საბოლოოდ არ ჩაისვარონ, ჩვენი ლოიალური დამოკიდებულება სამუდამო და გარანტირებული არ არის, აქვე აღსანიშნავია, რომ ჭკვიანი სახლის, ჭკვიანი ავტომობილისა და ჭკვიანი ასისტენტის ტექნოლოგიები, ჯანმრთელობის მონიტორინგი, თან სატარებელი მოწყობილობები და ვირტუალური რეალობა, ყველაფერი დამოკიდებულია ჩვენს პერსონალურ მონაცემებზე, ისე როგორც არასოდეს. ჩვენ საკმარისად უნდა ვენდოთ კომპანიებს, რომ გავუზიაროთ ეს მონაცემები
რას ველოდებით 2022 წლისთვის?!
რბოლა "მეტავერსში"
Facebook-ის მშობელმა კომპანია Meta-მ შესაძლოა ყველაზე მეტი ხმაური შექმნა მეტავერსიაში - თეორიულ საერთო სივრცეში გადასვლით, სადაც ადამიანებს შეუძლიათ ვირტუალურ რეალობაში დროის გატარება, მაგრამ სხვა ტექნიკური გიგანტები შორს არ ჩამორჩებიან.
2022 წელი იქნება „რბოლა მეტავერსში“, რადგან დიდი ტექნოლოგიური კომპანიები იბრძვიან ამ განვითარებადი ბაზრისთვის. Google-მა, Microsoft-მა და Apple-მა შესაძლოა წარმოადგინონ საკუთარი სათვალეები და ოპერაციული სისტემები მეტავერსისთვის, როგორიცაა მათი ეკვივალენტები კომპიუტერებისთვის და სმარტფონებისთვის.
გიგანტებიც მარტონი არ არიან: ბოლო წლებში, CES-ის საგამოფენო დარბაზი და სათამაშო მოედანი გახდა სტარტაპებისთვის, რომლებიც აშენებენ გაფართოებულ და ვირტუალური რეალობის ყურსასმენებს, სათვალეებს და ოთახებსაც კი, პლანეტის ყველაზე ტქნოლოგიურ და ციფრულ ადამიანებს სურთ თავისი კვალი დატოვონ მეტავერსში, რასაც პანდემიაც უწყობს ხელს, უბიძგებს რა კომპანიებს იაქტიურონ ვირტუალური რეალობის შექმნის, ტრენინგებისა და შეხვედრების კუთხით.
ჭკვიანი სახლი ბევრად უფრო აზრიანი იქნება
თუ შეხვალთ დიდი ზომის საცალო ვაჭრობის ან ტექნიკის მაღაზიაში, ალბათ დიდი დრო არ დაგჭირდებათ, რომ იპოვოთ ჭკვიანი სახლის კარგი პროდუქტები, როგორიცაა დაკავშირებული ნათურები და თერმოსტატები. თუმცა, დიდი დრო სჭირდება ისეთი ნივთების პოვნას, რომლებიც მუშაობს იმ პროდუქტებთან, რომლებიც უკვე გაქვთ — მაგრამ ეს შეიძლება დიდხანს არ იყოს ასე.
Big Tech-ის ზოგიერთი უმსხვილესი სახელი, მათ შორის Apple, Amazon, Google და Samsung, გაერთიანდნენ, რათა განავითარონ ჭკვიანი სახლის ახალი სტანდარტი სახელწოდებით Matter. მიზანი: უზრუნველვყოთ, რომ მომავალში თქვენ მიერ შეძენილმა სახლის გაჯეტებმა კარგად იმუშაონ ერთმანეთთან, მიუხედავად იმისა, ვინ შექმნა ისინი ან რომელი ვირტუალური ასისტენტი გსურთ გამოიყენოთ მათთან ურთიერთობისას.
„დღეს, როდესაც უყურებთ ჭკვიან სახლთან დაკავშირებულ მოწყობილობას, უნდა დააკვირდეთ, რომელი ეკოსისტემით მუშაობს იგი“, - თქვა ერიკ ქეიმ, Google-ის ინჟინერიის ვიცე-პრეზიდენტმა. „Matter-ის აზრით ის არის, რომ ასეთ საკითხებზე ფიქრი აღარ მოგვიწიოს“.
ელექტრო მანქანები მეინსტრიმისკენ მიისწრაფვიან
თუ თქვენ ცხოვრობთ იქ, სადაც არის ინფრასტრუქტურა, რომელიც მხარს უჭერს ელექტრომობილების დამუხტვას, სადაც გამოყოფილია "ბას ლაინები" სადაც მოწესრიგებულია ქუჩები, გიხაროდენ! ცნობილი ბრენდები Ford, General Motors, Mercedes-Benz და Volkswagen, ელექტრომობილებს უფრო ხელმისაწვდომს გახდის უფრო მეტი ადამიანისთვის უკვე 2023 წლამდე. ბაზრის ლიდერი Tesla აგრძელებს გაფართოებას, თუმცა აქვს პრობლემები მიწოდების ჯაჭვში და სწორედ ამიტომ, მას სიახლეების კუთხით დაეწევიან სტარტაპები Lucid და Rivian
მალე საშუალება გექნებათ აირჩიოთ ელექტრო მანქანებიდან ტრადიციული სედანის მიღმა; Volkswagen გააფართოვებს მისი ოჯახის ზომის ID.4-ს ხელმისაწვდომობას, და Ford წარმოადგენს ელექტრო F-150 სატვირთო მანქანას. Tesla-ს Cybertruck გამოვა ბაზარზე 2023-მდე. როგორიც არ უნდა იყოს თქვენი ტრანსპორტის საჭიროება, 2022 წელს შეუძლია მოგიტანოთ თქვენთვის შესაფერისი ელექტრო მანქანა — ასევე უკეთესი ბატარეები და დამუხტვის პარამეტრები
განთავისუფლდი ბანალური საგანმანათლებლო სისტემისგან, დაიწყე პროგრამირების შესწავლა სრულიად ახალი მეთოდებით და გახდი წარმატებული !
კრიპტო ბაზარს გადაფარავს NFT
2022 წლის 7 თებერვალს, ონლაინ აუქციონზე, ლეგენდარული მუსიკოსის, ჯონ ლენონის კუთვნილი შავი კეპი გაიყიდება, რომლითაც ის მაყურებელმა პირველად ფილმში Help! იხილა. ამავე აუქციონზე შეძლებთ შეიძინოთ The Beatles-ის წევრის, პოლ მაკარტნის მიერ ხელით დაწერილი ნოტები სიმღერისთვის Hey Jude. BBC-ის თანახმად, ნოტების საწყისი ღირებულება $30 000-ია, თუმცა მოსალოდნელია შეთავაზებების გაორმაგება. ლეგენდარული მუსიკოსების ნივთებს ჯონ ლენონის უფროსი ვაჟი, ჯულიენი ყიდის. თუმცა, მათი ახალი მეპატრონე საკუთრებას ვერც ფიზიკურად იხილავს და ვერც ხელით შეეხება, რადგან ის აუქციონზე NFT-ის სახით გამოვა. თითოეულ NFT-ის აუდიო-ვიზუალური სახე ექნება, ჯულიან ლენონის თხრობით, ნივთის გამოსახულებასთან ერთად.
იყიდე რაც გინდა, გაიხარე, დატკბი და გადაყიდე, რა უნდა იყოს ამაზე სასიამოვნო? ზოგადად, როგორც მსოფლიოში, ისე საქართველოში NFT-ის ფულის შოვნის მარტივ და სწრაფ საშუალებად უყურებენ. უფრო ციფრული ხელოვნების მიმართულებით. ეს მოტივი ხშირად არ ამართლებს. ვიღაცამ შეიძლება მართლაც იშოვოს ცოტა ფული, მაგრამ გრძელვადიან პერსპექტივაში 100-დან ალბათ, 15 ადამიანი დარჩება მოგებული. ვიღაცებს, უბრალოდ, შერჩებათ ძვირად ნაყიდი NFT, რომელსაც აღარავინ იყიდის.
NFT-ს ბაზრის სტრუქტურა საკმაოდ გამარტივდება მათთვის, ვისაც NFT-ს შექმნა, მისი ყიდვა, ან გაყიდვა სურთ, სპეციალისტებს მარტივი რჩევა აქვთ. ამბობენ, რომ ამისთვის მხოლოდ Youtube-ზე შესვლა და შესაბამისი ვიდეოების ყურებაა საჭირო. მარტივად ახსნილი ინსტრუქცია NFT-ით ვაჭრობაში დაგეხმარებათ და ვინ იცის, იქნებ თქვენც შექმნათ, ან შეიძინოთ ისეთი ციფრული ნამუშევარი, რომელიც მომავალში თქვენდა გასაკვირად მილიონებად შეფასდება.
საინტერესო ფაქტია, რომ NFT-ს ბაზარზე $22,000 ღირს საქართველოს მეორე პრეზიდენტის, ედუარდ შევარდნაძის ცნობილი ფრაზა „ნუ ღრიალებ“.
ჩიპები კვლავ რთულად მოსაპოვებელი იქნება
ჩიპების ხანგრძლივმა დეფიციტმა შეცვალა ავტომწარმოებლების მიერ ახალი მანქანების გამოშვება, გაზარდა ტელევიზორების ფასები და თითქმის შეუძლებელი გახადა ისეთი მოთხოვნადი პროდუქტების ყიდვა, როგორიცაა Sony-ს PlayStation 5. და სამწუხაროდ, ყველა ნიშანი გვაფიქრებინებს, რომ ჯერ კიდევ არ დაგვიღწევია თავი აქედან.
მიზეზი, თუ რატომ არის ძნელი იმის პროგნოზირება, თუ როდის შემცირდება ჩიპების დეფიციტი, არის ის, რომ ჯერ კიდევ არის ბევრი რამ გარკვეველი. პირველ რიგში, პანდემიის დაწყებამ ხელი შეუწყო ჩიპების ინდუსტრიაში არეულობას, ამიტომ მოულოდნელმა ცვლილებებმა — მაგალითად, ახალი ვარიანტის გაჩენამ — შეიძლება ჩაშალოს აღდგენის გეგმები. და რადგან სხვადასხვა პროდუქტს სჭირდება სხვადასხვა სახის ჩიპები, ძნელი სათქმელია, რომელი კომპანიები დაიწყებენ პირველად დაბრუნებას.
ამავდროულად, Intel-მა, Samsung-მა და Taiwan Semiconductor Manufacturing Co.-მა გამოაცხადეს ჩიპების ქარხნების აშენების გეგმები შეერთებულ შტატებში და ისინი უნდა დაეხმარონ ამ კომპანიების დაცვას - პლუს მათზე დამოკიდებულ სხვა კომპანიებს - ჩიპების ხელმისაწვდომობის ველური პირობებისგან. პრობლემა ის არის, რომ ამ ტიპის დაწესებულებების ამოქმედებას წლები სჭირდება, ამიტომ ნაკლებად სავარაუდოა, რომ ისინი მალე შეძლებენ ამ სიტუაციის შემსუბუქებას.
ახალი გზები საკუთარი სხეულის მონაცემების გასაანალიზებლად
კლინიცისტები უკვე იწყებენ ინდივიდუალური ბიომეტრიული მონაცემების — ჩვენი სხეულის მონაცემების — გამოყენებას ჯანმრთელობის პრობლემების პრევენციის, დიაგნოსტიკისა და მკურნალობისთვის. მეტი ჯანმრთელობის საკონტროლო სატარებელი მოწყობილობებით, რომლებიც ზომავს ჩვენს გულისცემას, ფილტვებს, ძილს, ნაბიჯებს, კალორიებს და ოფლის გამოყოფასაც კი, ჩვენ დავიწყებთ იგივეს გაკეთებას სახლში. 2022 წელს შეგიძლიათ გამოიყენოთ ბეჭედი თქვენს თითზე, რათა ნახოთ, თუ როგორ მოქმედებს რეგულარული კარდიო ვარჯიში თქვენს ძილზე, ან სამაჯური თქვენი წნევის გასაკონტროლებლად. და, CES-ზე დაყრდნობით, დარწმუნებულნი ვართ, რომ ბევრ რამეს მოვისმენთ ამ უფრო გამჭრიახი მოწყობილობების შესახებ მომდევნო რამდენიმე დღის განმავლობაში.
ჩვენი ყოველდღიური ტენდენციების და ჩვევების შესახებ უფრო მეტი ინფორმაციის მიღება დაგვეხმარება ჯანმრთელობის შესახებ უკეთესი გადაწყვეტილებების მიღებაში და პრობლემების შემჩნევაში, სანამ ისინი მოგროვდება. მაგრამ ჯანმრთელობის საკონტროლო სატარებელი მოწყობილობები ასევე აწარმოებს უზარმაზარ პერსონალურ სამედიცინო მონაცემებს, რომლებიც არ არის დაცული სამედიცინო კონფიდენციალურობის შესახებ არსებული კანონებით, როგორიცაა HIPAA, ასე რომ, ძნელია ზუსტად ვიცოდეთ, სად აღმოჩნდება ეს მონაცემები. ასევე დაბრკოლებას წარმოადგენს ამ მონაცემების ჩვენს ჯანდაცვის პროვაიდერებთან გაზიარება ისე, რომ მათ ადვილად შეძლონ მათი გაანალიზება.
ინდოეთის ათვისების ტემპი გაიზრდება
Google ინდურ ტელეკომუნიკაციის კომპანიაში Airtel $1 მილიარდის ინვესტიციას ჩადებს. ეს იმ $10 მილიარდიანი საინვესტიციო გეგმის ნაწილია, რომლის განხორციელებასაც ტექნოლოგიური გიგანტი ინდოეთში მომდევნო რამდენიმე წლის განმავლობაში აპირებს. გუგლის განცხადებით, ისინი Airtel-ის შეთავაზებების გაფართოებაზე იმუშავებენ, რათა მან ანდროიდის მხარდაჭერის მქონე მოწყობილობების ფართო სპექტრი დაფაროს. ამის გარდა, Google და Airtel შეისწავლიან პარტნიორობების შესაძლებლობებს სმარტფონების მწარმოებლებთან, რათა უფრო ხელმისაწვდომი მობილურები შექმნან.
არაერთი გიგანტური კომპანია გეგმავს, რომ ითანამშრომლოს ინდოეთში ღრუბლოვანი ეკოსისტემის ფორმირებისა და ზრდის მიმართულებით. საინტერესო ფაქტია, რომ ინტერნეტის 600 მილიონზე მეტი მომხმარებლით ინდოეთი არის ერთ-ერთი სწრაფად მზარდი ბაზარი ამერიკული ტექნოლოგიური კომპანიებისთვის. აღსანიშნია, რომ Google-მა და Facebook-მა გასულ ათწლეულში არაერთი პროგრამა აწარმოეს ათობით მილიონი ინდოელისთვის ინტერნეტკავშირის უზრუნველსაყოფად.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
