მიმდინარე წლის ციფრულმა ტრანსფორმაციამ საზოგადოების დღის წესრიგი რადიკალურად შეცვალა. 2020 წლიდან კოვიდ პანდემიამ ტექნოლოგიებზე დაფუძნებული ბიზნესების არსებობა წინა პლანზე წამოსწია. შესაბამისად დღეს ბიზნეს სექტორის დიდი ნაწილი სწორედ ტექნოლოგიების გამოყენებით მუშაობს.
დროის ცვლილების პარალელურად იცვლება შრომის ბაზარიც. მეტიც, თანამედროვე ციფრული მსოფლიო უკვე თავად გვკარნახობს მომავლის პროფესიებს და ცვლის რეალობას.
მსოფლიო ეკონომიკური ფორუმის მიერ წარმოდგენილი სამუშაო ბაზრის ანგარიშის მიხედვით, 2023-2025 წლებისთვის, დასაქმებულთა 70%-ს ამჟამინდელი სამუშაო უნარების განახლება და შეცვლა დასჭირდება, რაც ციფრული ტექნოლოგიების ზემოქმედების შედეგია.
შრომის საერთაშორისო ორგანიზაციის (ILO)-ს გასული წლის მონაცემებით, 2020 წლის პირველ კვარტალში, წინა წლის მეოთხე კვარტალთან შედარებით, მსოფლიო მასშტაბით სამუშაო საათები 4.5%-ით შემცირდა, რაც დაახლოებით, 130 მილიონ სამუშაო ადგილს უტოლდება.
თანამშრომლების გათავისუფლების ტენდენციები შეინიშნება ძირითადად ისეთ სექტორებში როგორიც არის კვებისა და მომსახურების სექტორი. თუმცა სამსახურის დისტანციურ რეჟიმზე გადასვლამ სხვა სპეციალობებს დაუთმო ასპარეზი. მაგალითად, პროგრამის დეველოპერები, მარკეტინგის სპეციალისტები, პროექტის მენეჯერები, ტრენერ-კონსულტანტები და სხვა.
დღეს ჩვენს ბლოგში წარმოგიდგენთ ტოპ 5 ყველაზე მოთხოვნად და მაღალანაზღაურებად მომავლის პროფესიებს.
1. პროგრამული უზრუნველყოფა - რაც მეტად ვითარდება ტექნოლოგიები, ნებისმიერ სფეროში მომუშავე კომპანიას მით უფრო მეტად სჭირდება მცოდნე და გამოცდილი პროგრამისტები.
2. გრაფიკა და დიზაინი - კომპანიის ვიზუალური იმიჯი, კრეატიული ხედვა და შემოქმედებითი უნარები არის ბრენდის ვიზუალური გამოხატულება, რასაც მომხმარებელი ხედავს და აღიქვამს. შესაბამისად, ვიზუალიზაციაზე ზრუნვა ბრენდის მუდმივი საჭიროებაა.
3. ციფრული მარკეტინგი - ციფრული მარკეტინგი მოიცავს ყველა გზას, რომელიც ელექტრონული მოწყობილობის ან ინტერნეტის გამოყენებით მომხმარებლამდე შეიძლება მივიდეს. კონკურენტისგან გამორჩეული სოციალური მედია სტრატეგია სასიცოცხლოდ მნიშვნელოვანია ნებისმიერი ბიზნესისა და ბრენდის ცნობადობისთვის. შესაბამისად, ციფრული მარკეტინგის სპეციალისტებზე მოთხოვნა სულ უფრო და უფრო იზრდება.
4. 3D გრაფიკა - ვირტუალური რეალობა, სამგანზომილებიანი მოდელირება, თანამედროვე ხედვა და ანიმაციები - ყოველივე ჩამოთვლილი მხოლოდ მცირე ნაწილია იმ ვირტუალური სამყაროდან, რომელსაც 3D გრაფიკა მოიცავს. ვირტუალურ რეალობას უკვე იყენებენ როგორც გასართობი, ასევე საგანმანათლებლო, მარკეტინგული თუ თერაპიული მიზნებისთვის, ასე რომ დღეს 3D გრაფიკა ერთ-ერთი მოთხოვნადი მომავლის პროფესიაა.
5. ქსელები და კიბერ უსაფრთხოება - ციფრულ სამყაროში კონფიდენციალური მონაცემებისა და ინფორმაციის დაცვა კომპანიის ფუნქციონირებისთვის სასიცოცხლოდ მნიშვნელოვანია. ამიტომ ქსელში არსებული უსაფრთხოების რისკების შეფასებას და უზრუნველყოფას ნებისმიერი ბიზნეს სექტორი საჭიროებს. დღეს, ქსელის ტექნოლოგიების ინჟინრებზე მოთხოვნა ქართულ თუ უცხოურ ბაზარზე ყოველწლიურად იზრდება.
რატომ არის მომავლის პროფესიები მოთხოვნადი და მაღალანაზღაურებადი? იმიტომ, რომ თითოეული პროფესია ახალ, ციფრულ და ტექნოლოგიურ პროგრესს ემსახურება, რომელიც აქტუალობას არც 2021 წლის შემდეგ დაკარგავს.
ქართულ ბაზარზე ციფრული პროფესიების კვალიფიციური სპეციალისტების რიცხვი ჯერ კიდევ დაბალია. შესაბამისად, თუ გინდა, რომ დაეუფლო მომავლის პროფესიებს და ციფრულ სამყაროში დაიმკვიდრო ადგილი, ახლა სწორედ შესაფერისი დროა.