ალბათ, მსოფლიოში არ მოიძებნება ადამიანი, რომელსაც კოსმოსში მოგზაურობაზე არ უოცნებია.
განსაკუთრებით მათ კი, ვისაც პანდემიისგან გამოწვეული შეზღუდვები მობეზრდა და პოსტ პანდემიურ სამოგზაურო გეგმებს აწყობს, ახლა უკვე, აქვთ შანსი სამოგზაურო ადგილების სიაში კიდევ ერთი ადგილი - კოსმოსი დაამატონ.
დიახ, არ მოგესმათ, კოსმოსი.
აშშ-ს კალიფორნიის შტატში დაფუძნებულმა კომპანია ,,Orbital Assembly Corporation’’-ი კოსმოსში მომავლის სასტუმროს, სახელწოდებით ,,Voyager Station’’ ანუ ,,მოგზაურ სადგურს’’ განათავსებს.
ჯერ კიდევ 2019 წელს, კალიფორნიაში, ამერიკულმა კომპანია ,,Gateway Foundation’’-მა გამოაქვეყნა ინფორმაცია საკრუიზო გემის ტიპის სასტუმროს მშენებლობაზე, რომელიც ერთ დღესაც, დედამიწის ატმოსფეროზე გაცილებით მაღლა იფრენდა.
ამ სასტუმროს გერმანელი და შემდგომში ამერიკელი კოსმოსური ინჟინერისა და არქიტექტორის, ვორნერ ფონ ბრაუნის პატივსაცემად მისი სახელი დაარქვეს.
ნაცისტურ გერმანიაში, ბრაუნი სარაკეტო ტექნოლოგიის განვითარების საქმეში წამყვანი ფიგურა იყო. 1960-იან წლებში, ბრაუნი მუშაობდა ,,ნასაში’’. იგი იყო კოსმოსური რაკეტა ,,Apollo Saturn V’’-ის მთავარი არქიტექტორი.
მოგვიანებით, მომავლის კოსმოსური სასტუმროს სახელი შეიცვალა და მას უკვე ,,მოგზაური სადგური’’ უწოდეს. სასტუმროს მშენებლობას სამშენებლო კომპანია ,,Orbital Assembly Corporation’’ -ი 2025 წლიდან დაიწყებს, 2027 წლიდან კი ის უკვე გაიხსნება და პირველ სტუმრებს უმასპინძლებს.
მომავლის კოსმოსური სასტუმრო საკუთარი ღერძის გარშემო იტრიალებს. ამ ხერხით, კოსმოსური მექანიზმი წარმოქმნის ხელოვნულ გრავიტაციას, რომელიც დაახლოებით მთვარის ზედაპირზე არსებული გრავიტაციის მსგავსი იქნება.
,,მოგზაური სადგურის’’ მრგვალი ზედაპირის გარშემო 24 მოდული განლაგდება, რომელთა სიგრძე 20 მეტრი, ხოლო სიგანზე 12 მეტრს მიაღწევს. მოდული არის სივრცე, რომელშიც სტუმრები მოეწყობიან. მოდულებში განთავსდება კინო თეატრები, ბარ-რესტორნები, ფიტნეს დარბაზები და სხვა სარეკრეაციო და მოსასვენებელი სივრცეები.
სადგურზე 400 ადამიანზე გათვლილ მდიდრულ ნომრებს ექნება ფანჯრები, საიდანაც დედამიწისა და კოსმოსი ულამაზესი, თვალწარმტაცი ხედი გაიშლება.
,,ჩვენ გვინდა საზოგადოებას ვაცნობოთ, რომ კოსმოსური ტურიზმის ოქროს ხანა ახლოვდება. ის მოდის, ის ძალიან სწრაფად მოდის’’ - განაცხადა ,,Gateway Foundation’’-ი პრეზიდენტმა ჯონ ბლინკომ.
სასტუმროსთვის დაგეგმილი ორბიტა 97 გრადუსია, სიმაღლე კი 500-550 კილომეტრი. მეცნიერების განცხადებით, ეს არის მზის სინქრონული პოლარული ორბიტა, რომელიც ამცირებს თერმულ სტრესს და უწყვეტი მზის ენერგიის გენერაციას უწყობს ხელს.
აღსანიშნავია, რომ აქ ორბიტას დეგრადაციისა და კოსმოსური ნარჩენების რისკი ძალიან დაბალია.
,,მოგზაური სადგური’’ არა მხოლოდ ტურისტული, არამედ მოსამზადებელი ცენტრის ფუნქციასაც შეასრულებს. სასტუმროს მოდულების დაქირავებას ან შეძენას სხვადასხვა სამთავრობო სამსახური, კერძო კომპანია, ,,NASA’’ და ,,ESA’’-ც შეძლებენ და მას საკუთარი კოსმოსური მიზნების განხორციელებისთვის გამოიყენებენ.
ამჟამად, სამშენებლო კომპანია ,,Orbital Assembly Corporation’’-ი ,,მოგზაური სადგურის’’ მხოლოდ მცირე ზომის პროტოტიპის აგებაზე მუშაობს. სრულმასშტაბიანი მშენებლობა უკვე 2025 წლიდან დაიწყება. სადგურის მთლიანი ფორმა ბორბლის ფორმის მსგავსი იქნება, მისი მოდულები კი ლიფტების 4 სვეტით იქნება დაკავშირებული ერთმანეთთან. ლიფტების სვეტი შექმნის ცენტრალურ ბირთვს, რომელზეც ოპერაციული და კვლევითი სივრცე მოეწყობა.
ჯერ ჯერობით, მომავლის კოსმოსურ სასტუმროში გასამგზავრებელი ბილეთის ფასი 5 მილიონი დოლარია. დაიწყეთ ფულის შეგროვება.
დაეუფლე აქტუალურ პროფესიებს - მოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
