თანამედროვე დასაქმების ბაზარზე ყოველდღიურად იზრდება არა მხოლოდ დამსაქმებლების, არამედ იმ ადამიანების რაოდენობაც, რომლებიც სამსახურს ეძებენ. სამსახურის მაძიებელთა სიაში სხვადასხვა ასაკის, ინტერების მქონე ადამიანები ერთიანდებიან, მაგრამ ამ ბლოგში ძირითადი აქცენტი gen z- ის წარმომადგენლებზე იქნება. თაობის, რომლის წარმომადგენლებიც თამამად იკავებენ სხვადასხვა პოზიციებსა და უერთდებიან წარმატებული მენეჯერების სიას.
მათი მიდგომები დასაქმებისადმი განსხვავებულია - მათ სხვა ღირებულებები, პრიორიტეტები, მოლოდინები აქვთ, რაც არსებითად ცვლის რეკრუტინგის პროცესსა და ადამიანური რესურსების მართვის სტრატეგიებს.
როგორც დასაწყისში აღვნიშნეთ, ეს ბლოგი მიმოიხილავს რა კრიტერიუმებით არჩევს Gen Z დამსაქმებელს, რომელ ფაქტორებს ანიჭებს უპირატესობასა და როგორ უნდა მოერგონ კომპანიებმა ამ ცვლილებებს, რათა წარმატებით მოიზიდონ და შეინარჩუნონ ახალი თაობის ტალანტები.
ღირებულებების შესაბამისობა და სოციალური პასუხისმგებლობა.
Gen Z-ის წარმომადგენლები სამსახურის არჩევისას განსაკუთრებულ ყურადღებას აქცევენ თუ რა პროდუქტს ან სერვისს სთავაზობს დამსაქმებელი ორგანიზაცია საზოგადოებას. ისინი აანალიზებენ, რამდენად სურთ იყვნენ ამ ბრენდის ნაწილი და მოდის თუ არა ორგანიზაციის ღირებულებები მათ ღირებულებებთან შესაბამისობაში.
მაგალითისთვის, მარკეტინგის სპეციალისტი შესაძლოა არჩევდეს ისეთ კომპანიას, რომელიც არა მხოლოდ გაყიდვებზე, არამედ მომხმარებლისთვის მაღალი ხარისხის პროდუქტის მიწოდებაზეცაა ორიენტირებული. ასეთი არჩევანი მათ საშუალებას აძლევს პროფესიულად იდენტიფიცირდნენ იმ ორგანიზაციასთან, რომლის სახელითაც ბაზარზე პოზიციონირება მათ სირცხვილს კი არა, პირიქით, სიამაყეს შესძენს.
კარიერული განვითარება და უწყვეტი სწავლების შესაძლებლობა ორგანიზაციაში
თუ თანამედროვე დასაქმების ბაზარს დავაკვირდებით, შევამჩნევთ, რომ ადამიანები პოზიციის შენარჩუნებაზე კი არა, უწყვეტ პროფესიულ ზრდასა და განვითარებაზე არიან ორიენტირებულები, რაც ზრდის მათ კონკურენტუნარიანობას შრომით ბაზარზე.
Gen z - ის წარმომადგენგენლების მთავარი ფოკუსიც ეს არის - ეძებენ ისეთ ორგანიზაციებს, სადაც საკუთარ მცირე გამოცდილებას, მაგრამ უსაზღვრო პოტენციალს მხარს დაუჭერენ და მისცემენ პროფესიული და კარიერული განვითარების შესაძლებლობას სხვადასხვა ტრენინგების, პროგრამების საფუძველზე. ტალანტში ჩადებული ინვესტიცია არასოდეს იკარგება, პირიქით, ეს ნაბიჯი ხელს უწყობს ტალანტის განვითარებასა და უმაღლებს მოტივაციას მიღებული ცოდნა პრაქტიკაში გამოიყენოს ორგანიზაციის მიზნების მხარდასაჭერად.
მოქნილობა და ცხოვრების ბალანსი (Work-Life Balance)
Gen Z-ისთვის მოქნილობა მხოლოდ დისტანციურ ან ჰიბრიდულ მუშაობას არ გულისხმობს - მათთვის მნიშვნელოვანია, რომ სამუშაო გრაფიკი აეწყოს პირადი ცხოვრების, ჰობებისა და ფსიქიკური ჯანმრთელობის გათვალისწინებით.
Gen Z ირჩევს ორგანიზაციებს, სადაც შედეგებზე არიან ორიენტირებულები და არა მხოლოდ სამუშაო საათებზე. მათთვის მნიშვნელოვანია, რომ პროფესიულ პასუხისმგებლობებთან ერთად, შეინარჩუნონ ცხოვრების სხვა მნიშვნელოვანი სფეროებიც.
კვლევების მიხედვით, Gen Z-ის წარმომადგენლების 75%-ზე მეტი, მოქნილ სამუშაო საათებს ერთ-ერთ ყველაზე მნიშვნელოვან კრიტერიუმად ასახელებს სამსახურის ძიებისას.
ეს ყველაფერი ნათლად აჩვენებს, რომ gen z ახალ სტანდარტებს აყალიბებს დამსაქმებელთან ურთიერთობისას - მათთვის მნიშვნელოვანი არ არის მხოლოდ კონკურენტული ანაზღაურება. კომპანიის ღირებულებები, პროფესიული განვითარების შესაძლებლობა და მოქნილობა ის კრიტერიუმებია, რითაც ისინი დამსაქმებელს ირჩევენ.
იმისათვის, რომ კომპანიებმა წარმატებით მოიზიდონ და შეინარჩუნონ ახალი თაობის ტალანტები, აუცილებელია, რომ შექმნან განვითარების ხელშემწყობი გარემო, ენდონ მათ შესაძლებლობებსა და გამოავლინონ მოქნილობა.
დაგვიკავშირდი:
- ქ. თბილისი // ალ. ყაზბეგის გამზ. N34/34ბ // ☎️ +995 (32) 215-55-51
- ქ. თელავი // ი. ჭავჭავაძის მოედანი N4 // ☎️ +995 577 538 549
გამოგვყევი სოციალურ ქსელებში, გამოიწერე გვერდი:
Facebook // Instagram // Linkedin // behance // TikTok // YouTube
