რა არის ციფრული ნაკვალევი?

რა არის ციფრული ნაკვალევი?

ყოველთვის, როდესაც ონლაინ სივრცეში რამეს აკეთებ, იქნება ეს ვებ-საიტზე შესვლა, რაიმეს შეძენა, საძიებო სისტემის გამოყენება, სოციალურ ქსელში დაპოსტვა, ონლაინ თამაშების პლატფორმაზე საუბარი თუ სხვა, შენ ციფრულ კვალს ტოვებ. ინტერნეტი საჯარო სივრცეა, რაც ნიშნავს, რომ ის, რასაც შენი შვილი ონლაინ აკეთებს, ნებისმიერ ადამიანს შეუძლია ნახოს, მისი გაქრობა კი ძალიან ძნელია.  

ახალგაზრდების დიდი ნაწილი ონლაინ სამყაროს აღიქვამს, როგორც მათი ოფლაინ სამყაროს ბუნებრივ გაგრძელებას, რის გამოც ისინი არ ერიდებიან თავიანთი თავის გამოხატვასა და ონლაინ სივრცეში სხვადასხვა სახის პოსტების გამოქვეყნებას. ამ ყველაფერმა შესაძლოა გავლენა იქონიოს მათ კონფიდენციალურობასა და რეპუტაციაზე რეალურ ცხოვრებაში. შეახსენეთ თქვენს შვილს, რომ ნებისმიერი რამ, რასაც ონლაინ აზიარებს, შეიძლება გავრცელდეს, დაკოპირდეს ან შენახულ იქნეს სხვა პირის მიერ - როგორც კი პოსტი გაზიარდება, მისი უკან დაბრუნება შეუძლებელია.

უნდა ვინერვიულო?

Microsoft-ის კვლევამ აჩვენა, რომ ევროპის რეკრუტერების თითქმის ნახევარი ეძებს ინფორმაციას კანდიდატების შესახებ მათ სოციალურ ქსელებში. ამიტომ მნიშვნელოვანია უზრუნველყოთ ბავშვების ცნობიერება, რომ მათ ციფრულ ნაკვალევს შესაძლოა ჰქონდეს გრძელვადიანი გავლენა.

ასევე შესაძლებელია, რომ თქვენმა შვილმა ციფრული ნაკვალევი თავის სასარგებლოდ გამოიყენოს. მას შეუძლია გააზიაროს ინფორმაცია კლუბების, მოხალისეობის ან კლასგარეშე აქტივობების შესახებ, რომლებშიც იგი ჩართულია. ამით შესაძლოა მისი მომავალი დამქირავებლები და უნივერსიტეტის ადმინისტრაცია დაინტერესდეს.

რა შემიძლია გავაკეთო ჩემი შვილის დასახმარებლად?

თქვენი შვილის დასახმარებლად, შეგიძლიათ მიიღოთ ისეთი ზომები, რომლებიც დაიცავს მის პირად უსაფრთხოებას და მინიმუმამდე დაიყვანს მისი შერცხვენის ან რეპუტაციის დაზარალების რისკს:

• ასწავლეთ მას, რომ შეამოწმოს მისი კონფიდენციალურობის პარამეტრები სოციალურ ქსელებსა და ბლოგებზე. მის მიერ გაზიარებული ინფორმაცია მხოლოდ მისი მეგობრებისთვის უნდა იყოს ხელმისაწვდომი.
• შეახსენეთ, რომ ინტერნეტი არის საჯარო სივრცე, სადაც ნებისმიერ ადამიანს შეუძლია ნახოს მისი პოსტები. თქვენ შესაძლოა ეს დეტალი კარგად გაქვთ გონებაში გამჯდარი, მაგრამ თინეიჯერებს ცხელ გულზე ავიწყდებათ ხოლმე. მათ შეუძლიათ გამოიყენონ „ბილბორდის წესი“ - თუკი მათ არ სურთ, რომ კონკრეტული ფოტო, კომენტარი ან პოსტი ბილბორდზე ყველას დასანახად გამოქვეყნდეს, მაშინ იგი არ უნდა დაპოსტონ.
• Google-ში მათი სახელის ძებნა აქციეთ თქვენი რუტინის რეგულარულ ნაწილად. უმჯობესია თუ ამას ბავშვთან ერთად გააკეთებთ, რომ მასაც ჩამოუყალიბდეს ეს ჩვევა.
• ესაუბრეთ მათ ინტიმური ფოტოების გაზიარების შედეგების შესახებ („სექსტინგი“) - ამის შესახებ დეტალური ინფორმაცია შეგიძლიათ იხილოთ ჩვენს გვერდზე.
• კარგი იქნება, თუ ეტყვით, რომ გსურთ მათი სოციალური ქსელის პროფილის შემოწმება და სთხოვეთ ამის ერთად გაკეთება.

დარეგისტრირდი ახლავე

დაეუფლე აქტუალურ პროფესიებს - შემოგვიერთდით სტეპერების დიდ ოჯახში! 

IT Academy Step ლიდერი IT სფეროში , ახლა უკვე 100+ ფილიალით!

+995 577 538 549 ქ.თელავი, ნადიკვრის #23

+995 (32) 215-55-51 ქ.თბილისი, ა.ყაზბეგის 34/34 ბ