ოდესმე გიფიქრიათ, როდესაც ვებსაიტზე შედიხართ, რა არის თქვენი გზა ვებსაიტის ვებ სერვერამდე? ამ სტატიაში მოკლედ მოგიყვებით როგორ მუშაობს ეს ყველაფერი
DNS განმარტება არის Domain Name System / დომენის სახელების სისტემა
Domain Name System გვაძლევს საშუალებას გამოვიყენოთ დომენის სახელები ჩვენი ბრაუზერის საძიებო ველში (მაგ., example.com, youtube.com, medium.com), IP-ების ნაცვლად (მაგ., 162.159.152.4).
ინტერნეტი IP მისამართების საშუალებით მუშაობს - უნიკალური მისამართი, რომელიც ამოიცნობს მოწყობილობას ინტერნეტში ან ლოკალურ ქსელში. IP არის პროტოკოლი და მის უკან დგას სრული სახელი „ინტერნეტ პროტოკოლი“. „მისამართის“ ნაწილი აღნიშნავს უნიკალურ რიცხვს, როგორიცაა „101.187.226.184“.
ახალგაზრდები დაინტერესებული არიან ტექნოლოგიებით, მაგრამ არ იციან როგორ ან სად დაიწყონ სწავლა, ჩვენსკვალიფიციურ სპეციალისტებთან, საერთაშორისო აკადემიაში, მოზარდებს შეუძლიათ პროგრამირების შესწავლა!
ყველა საიტს ინტერნეტში აქვს IP მისამართი. როდესაც წერთ ვებსაიტს თქვენს ბრაუზერში, თქვენ დომენის სახელი შეგყავთ, მაგ., www.example.com. თუმცა ინტერნეტს დომენის სახელების არ გაეგება, ის IP მისამართებით მუშაობს. ადამიანებისთვის კი IP მისამარტების დამახსოვრება სხვადასხვა ვებსაიტისთვის ძალიან რთული იქნებოდა. სწორედ აქ ჩნდება DNS ჩვენს დასახმარებლად!
DNS-ის გზა
-
საბოლოო მომხმარებელს ბრაუზერში შეჰყავს www.example.com. მოთხოვნა, პირველ რიგში, იგზავნება სერვერთან სახელწოდებით DNS Resolver. DNS Resolver ჯერ ამოწმებს არის თუ არა წარმოდგენილი ვებსაიტი შესაბამისი IP მისამართით მის საკუთარ cache-ში. თუ არ არის, გადავდივართ მეორე ნაბიჯზე.
-
თუ DNS Resolver არ შეიცავს IP მისამართს example.com-ისთვის, მაშინ იგი მოთხოვნას DNS Root Server-თან აგზავნის. მსოფლიოს ირგვლივ 13 DNS Root Server არსებობს. როგორც წეღან ვახსენეთ, DNS Resolver სთხოვს DNS Root Server-ს: „სად შემიძლია ვიპოვო example.com?”. DNS Root Server არღვევს დომენს და ადგენს, რომ მოთხოვნა მთავრდება „.com“-ით, ეს არის უმაღლესი დონის დომენი. აქედან DNS Root Server პასუხობს „გადადით ამ IP-ზე, რომელიც შეესაბამება DNS TLD (უმაღლესი დონის დომენის) სერვერს .com-ისთვის“.
-
DNS Resolver იღებს ამ ინფორმაციას, აგზავნის მოთხოვნას DNS TLD Server-თან „.com“ ვებსაიტისთვის და ეკითხება: „სად შემიძლია ვიპოვო www.example.com?“ DNS TLD Server ამოწმებს ჩანაწერებს და ადასტურებს, რომ www.example.com იძებნება ამ IP-ზე და იგი შეესაბამება DNS Authoritative Name Server-ს (ავტორიტეტული სახელების სერვერი).
-
DNS Resolver ქმნის მოთხოვნას ამ IP მისამართით DNS Authoritative Name Server-თან example.com-ისთვის და საოცრება! DNS Authoritative Name Server-ს აქვს example.com-ის IP მისამართი, ამიტომ იგი პასუხობს DNS Resolver-ს, რომ „შენ შეგიძლია იპოვო www.example.com ამ IP მისამართზე 101.187.226.184“.
-
DNS Resolver-მა, როგორც იქნა, მიაგნო example.com-ის შესაბამის IP მისამართს, რომელიც 101.187.226.184-ია. იგი ინახავს მას თავის DNS Cache-ში იმისათვის, რომ როდესაც სხვასაც მოუნდება example.com-ზე შესვლა, იგივე მოთხოვნების დაგზავნა აღარ დასჭირდეს. ახლა კი, როდესაც მან შეინახა იგი თავის ლოკალურ ქეშში, DNS Resolver აგზავნის ამ IP-ის საბოლოო მომხმარებელთან (ბრაუზერთან).
-
ბრაუზერი იღებს example.com-ის IP-ის და აგზავნის მოთხოვნას 101.187.226.184 IP-ისთან, რომელიც www.example.com-ის ვებ სერვერს შეესაბამება.
-
Example.com-ის ვებ სერვერი პასუხობს ვებ გვერდით და იგი ბრაუზერში გამოისახება.
შეჯამება
ზოგადად, DNS ერთადერთი სისტემაა მთელ მსოფლიოში, რომელიც ინტერნეტის დათვალიერებაში გეხმარება. რაც უფრო მეტად ხდება ინტერნეტი საზოგადოების განუყოფელი ნაწილი, სულ უფრო მნიშვნელოვანია DNS სერვერების შენარჩუნება. მათ გარეშე ინტერნეტი არ იარსებებს. არ არის საჭირო IP მისამართების დამახსოვრება - DNS სერვერები უზრუნველყოფენ დომენის ან ქვედომენის სახელების IP მისამართებად გადაქცევის მშვენიერ საშუალებას. წარმოიდგინეთ, რა საშინელება იქნებოდა twitter-ის, facebook-ის, google-ის ან ნებისმიერი სხვა საიტის, რომელსაც ყოველდღიურად სტუმრობ, IP მისამართების დამახსოვრება რომ გიწევდეთ. ნამდვილად საშინელება იქნებოდა...
დაეუფლე აქტუალურ პროფესიებს - შემოგვიერთდით სტეპერების დიდ ოჯახში!
IT Academy Stepლიდერი IT სფეროში, ახლა უკვე 100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
გამოიწერეთ ჩვენი გვერდი სოციალურ ქსელებში
