ბავშვები აქტიურად მოიხმარენ ტექნოლოგიურ პროდუქტებს – უყურებენ ვიდეოებს YouTube-ზე, თამაშობენ და ყოველდღიურად სხვადასხვა საიტს სქროლავენ, მათ უშრეტი ინტერესი აქვთ ტექნოლოგიების მიმართ და ეს ძალიან საყურადღებოა, რადგან შეგვიძლია მათში ტექნიკური აზროვნების ჩამოყალიბებისთვის გამოვიყენოთ და ეს მნიშვნელოვანია როგორც მოზარდის განვითარებისა და თანამედროვე სამყაროში ადაპტირებისთვის, არამედ ქვეყნის ეკონომიკური და სოციალური ფონის გაუმჯობესებისთვისაც.
ჩვენს დროში, როდესაც დრო საოცრად დაჩქარებულია, ინტელექტუალური რესურსი ტექნოლოგიების კუთხით არის ნებისმიერი ქვეყნის მთავარი ძალა. განვითარებული ქვეყნები ხშირად საუბრობენ STEM განათლების აუცილებლობაზე და გვინდა ჩვენც გესაუბროთ. STEM – მეცნიერება, ტექნოლოგია, ინჟინერია, მათემატიკა ცალ-ცალკე ჩვენთანაც ისწავლება, თუმცა, მსოფლიოს მასშტაბით STEM განათლება სცდება აკადემიურ ჩარჩოებს, ინაცვლებს ბავშვების ყოველდღიურობაში, სახლსა თუ სკოლაში.
„სტემი“ მხოლოდ პლანშეტი არ გეგონოთ, აუცილებელია განვუვითაროთ ბავშვს რაოდენობრივი აზროვნება, შევაყვაროთ ციფრები, არ ვგულისხმობ არითმეტიკის დაზეპირებას, არამედ თამაშს. მაგალითად, ლეგოთი და სხვადასხვა კონსტრუქტორებით თამაში არის ძალიან სასარგებლო, რადგან სივრცით აზროვნებას უვითარებს ბავშვს. კარტის, დომინოს, ჭადრაკის თამაშისას შეგვიძლია ჩავრთოთ რიცხვები, ასევე, სამზარეულოში, სხვადასხვა კერძის მომზადებისას შეგვიძლია დახმარება ვთხოვოთ და ავუხსნათ, რომელი ინგრედიენტი რა რაოდენობით გვჭირდება, როგორ უნდა გავზომოთ, დავუშვათ, ფქვილი. ბევრი რესურსია ინტერნეტში იმისათვის, რომ პატარა სახალისო ექსპერიმენტები ვაკეთოთ სახლში, ბავშვებთან ერთად, ასევე, შეგვიძლია გამოვიწეროთ სხვადასხვა სახის რობოტის ნაკრები.
დაიწყეთ პროგრამირების შესწავლა
პროგრამა ავითარებს თითოეული მოზარდისთვის სასარგებლო უნივერსალურ უნარ-ჩვევებს, ბავშვებმა უნდა შექმნან საკუთარ პროექტები ჯგუფურად და ინდივიდუალურად. ერთობლივი მუშაობა ავითარებს თანამშრომლობას, მიზნების დასახვას და მიღწევას. რა პროფესიისაც არ უნდა გამოვიდეს თქვენი შვილი და რითიც არ უნდა იყოს დასაქმებული იგი მომავალში, მცირე კომპიუტერულ აკადემიაში მიღებული ცოდნა და უნარ-ჩვევები მათთვის სასარგებლო აღმოჩნდება.
ჩვენთან ბევრი მოდელია სხვადასხვა ასაკობრივი ჯგუფებისთვის, რომლის დახმარებითაც შეიძლება ბავშვმა დაიწყოს პროგრამირებასთან ურთიერთობა. ჩვენთან ბავშვი პროგრამირების ენებსაც სწავლობს და პროგრამულ აზროვნებასაც ივითარებს, ასევე, გვაქვს ლეგო, რომელიც ბავშვებს სივრცით აზროვნებას უვითარებს. ოღონდ არა ის, რომ კონკრეტული ინსტრუქციის მიხედვით ააწყონ ლეგო, არამედ სხვადასხვა ტიპის კონსტრუქცია თვითონ მოიფიქრონ. ინჟინერიის განვითარებისთვის შეგვიძლია, მაგალითად, ხის ჩხირებისგან ხიდის გაკეთება, რომელიც კონკრეტული წონის ტვირთს გაუძლებს. საერთო ჯამში, STEM განათლების მიცემა შეგვიძლია ყველაფრის მოდელირებით, რასაც გარშემო ვხედავთ, როგორც კონკრეტული ნაკრებებით, ასევე იმითაც, რასაც სახლში ვნახავთ.
განთავისუფლდი ბანალური საგანმანათლებლო სისტემისგან, დაიწყე პროგრამირების შესწავლა სრულიად ახალი მეთოდებით, მოერგე ბაზრის თანამედროვემოთხოვნებსდა გახდი წარმატებული!
დაახლოებით, 10-15 წლის წინ, არ არსებობდა ის ტექნოლოგიური პროდუქტები, რომლებსაც დღეს, ყოველდღიურად ვიყენებთ, რომელთა გარეშეც, შესაძლოა, არც ჩვენი ბიზნესი იყოს წარმატებული და არც ჩვენი ცხოვრება – მრავალფეროვანი. ტექნოლოგიები ძალიან სწრაფად ვითარდება და ჩვენ ზუსტად ვერ ვიტყვით, რამდენ ხანში ვიცხოვრებთ ახალ რეალობაში – სამყაროში, სადაც თვითმართვადი ტაქსებით გადაადგილება ნორმა იქნება, სოფლის მეურნეობის განვითარებაში რობოტები დაგვეხმარებიან,
წარსულის გამოცდილებას რომ გადავხედოთ, ინდუსტრიული რევოლუციის შედეგად, ადამიანის ფიზიკური შრომის ნაწილი ჩაანაცვლა მექანიზაციამ, სხვა უნარები კი უფრო მოთხოვნადი გახდა. ეს არის პარალელი იმ მდგომარეობასთან, რომლის წინაშეც თანამედროვე სამყარო დგას. კაცობრიობა მზად უნდა იყოს ახალი გამოწვევებისთვის – იმ უნარების ასათვისებლად, რომელიც სხვადასხვა ალგორითმებისა და მანქანების შექმნასა და მართვას უკავშირდება. ამისთვის უნდა ვიყოთ მზად და შესაბამისად, ამისთვის უნდა იყონ მზად ჩვენი შვილები.
დაეუფლე აქტუალურ პროფესიებს - შემოგვიერთდითსტეპერებისდიდოჯახში!
IT Academy StepლიდერიITსფეროში,ახლაუკვე100+ფილიალით!
+995 577 538 549ქ.თელავი,ნადიკვრის#23
+995 (32) 215-55-51ქ.თბილისი,ა.ყაზბეგის34/34ბ
