პროფესიის შეცვლა, ადამიანიებისთვის დიდ საფიქრალს უკავშირდება. ჩვენ ვფიქრობთ რომ ცხოვრების ხარისხს რისკის ქვეშ ვაყენებენთ, ახალ საქმეში წაუმატებლობის შემთხვევაში, შესაძლოა, დავკარგოთ როგორც ახალი, ისე ძველი პროფესიაც და საქმის ანუ შემოსავლის გარეშე დავრჩეთ
ზოგს მომავალი აშინებს, თუმცა, ისიც იციან, რომ არსებული საქმე, რომელსაც კვირაში 60-80 საათს უთმობენ, სიამოვნებას აღარ ანიჭებთ ან უბრალოდ პერსპექტივას ვეღარ ხედავენ, ეს შეიძლება დაემართოს კონკრეტული მიმართულებით განათლების უმაღლესი ხარისხის მქონე პირსაც კი
ავსტრალიელმა მკვლევარებმა გადაწყვიტეს ადამიანებისათვის საფიქრალი შეემსუბუქებინათ. მათ დეკემბერიში Proceedings of the national academy of sciences-ში გამოქვეყნეს კვლევის შედეგები, სადაც 3500-ზე მეტი პროფესია იყო წარმოდგენილი. მკვლევარებმა დააჯგუფეს ისეთი პროფესიები, სადაც საქმის შესრულებისათვის მსგავსი პიროვნული თვისებებია საჭირო, რაც მათი კვლევის მონაწილეებისტვის გაამრატივებდა ახალი პროფესიის შერჩევის პროცესს
მაგალითად, კვლევის მიხედვით, არტ დილერები წარმატებულები იქნებიან საჯარო ჯანმრთელობისა და განათლების სფეროში, ფინანსური მენეჯერების შინაგანი სამყარო კი ციფრულ მარკეტინგთან და E-commerce-თან არის ყველაზე ახლოს.
აუცილებელია სწორად გამოვიყენოთ დაგროვებული ცოდა და გამოცდილება, მოვიძიოთ ტრენდული პროფესიები, რომელიც კარგად მოვა თანხვედრაში ჩვენს პიროვნულ მახასიათებლებთან და ე.წ. soft skill-ებთან, ხსენებული ფაქტორების თანხვედრას, მონდომებასა და შრომას შეუძლია წარმატებული კარიერის შექმნა!
უნარების მიხედვით სამსახურის მოძიების იდეის დასადასტურებლად, მკვლევარებმა კვლევა 236 წარმატებული პროგრამისტის “ტვიტების“ შესწავლით დაიწყეს. სპეციალურ პროგრამაში მათ ამ პროგრამისტების მიერ გამოქვეყნებული ასობით ტვიტი შეიტანეს. პროგრამა აანალიზებდა კვლევის მონაწილეების ღირებულებებს, საჭიროებებს და ყოფდა მათ 5 ძირითადი ნიშანთვისების მიხედვით:
- მოქნილობა,
- სინდისიერება,
- ექსტროვერსია,
- ნევროტულობა,
- გახსნილობა.
პირველადმა შედეგებმა მკვლევარების გაოცება გამოიწვია: ყველა პროგრამისტის პიროვნულ თვისებებზე მონაცემი ერთმანეთს ემთხვეოდა, რაც იმას ადასტურებდა, რომ მათ მსგავსი პიროვნული მახასიათებლები ჰქონდათ. ამის შემდეგ, კვლევის ორგანიზატორებმა იგივე კვლევა ჩოგბურთელებზე, არქიტექტორებსა და ანალიტიკოსებზე ჩაატარეს, შედეგი კი იგივე მიიღეს-მსგავსი თვისებების მქონე ადამიანები. ადამიანური ქცევის მკვლევარებმა სულ 128 000 Twitter ის პროფილი შეისწავლეს, სადაც ბიოგრაფიის ველში მითითებული იყო სამუშაო ადგილი, მონაცემების ავთენტურობას კი მკვლევარები აშშ-ს შრომის სტატიკის ბიუროში ამოწმებდნენ. მკვლევარების მიერ გამოქმვეყნებულ შედეგებში ნახსენებ თითოეულ პროფესიაზე Twitter-ის მინიმუმ 50 პროფაილია შესწავლილი.
მომავალში ეს კვლევა უფრო ზუსტი გახდება, რადგან მკვლევარებმა გადაწყვიტეს გაიხედონ Twitter-ს მიღმა და დაუშვან ფაქტი, რომ ის ადამიანები, რომლებიც twitter-ის პროფილების მიხედვით გაანალიზეს, სულაც არ არიან იმ პროფესიის წარმომადგენლები, რომელიც მათ შინაგან სამყაროს საუკეთესოდ ერგება. ისინი ამ ნაკლის გამოსწორებას იმ ადამიანთა კვლევით გეგმავენ, რომლებიც ამა თუ იმ პროფესიაში ყველაზე წარმატებულები არიან.
ეს კვლევა შესაძლოა, ძალიან გამოადგეთ 90-წლების თაობის წარმომადგენლებს, რადგან კარიერის ცვლილება ასეთი ადამიანებისთვის უფრო რთულია, კვლევა კი მათ არჩევნის გაკეთებას გაუმარტივებს და ახალი პროფესიის ეფექტურ ძიებაში დაეხმარება.
და ბოლოს
ნებისმიერ ასაკში, ნებისმიერი მდგომარეობაში შესაძლებელია ფუნდამენტური ცვლილებები და საკუთარი რეალობის ძირფესვიანად ამოტრიალება. ყველაზე თამამი სურვილების ახდენაზეც კი ღირს ფიქრი, თუ ეს სურვილები იმდენად მნიშვნელოვანია, რომ მათი გავლენისგან თავდაღწევას ვერ ვახერხებთ და ხშირად ჩვენი ემოციური გადატვირთვის მიზეზებიც კი ხდებიან. სურვილებისგან და ოცნებებისგან განთავისუფლება შენი თავის ერთგვარი გადატვირთვაა, თერაპია, რომლის შედეგადაც უამრავი ახალი ადგილი და უჯრა გაჩნდება ახალი სურვილებისთვის
ჩვენი ოცნებები სურვილებად და მიზნებად უნდა იქცნენ, ხოლო მიზნების მისაღწევად გზები თავადვე უნდა დავსახოთ და ამ პრინციპით გავაგრძელოთ ცხოვრება.
- გახდი ციფრული მარკეტინგის სპეციალისტი
- გახდი ვებ პროგრამისტი
- გახდი პროფესიონალი 3D დიზაინსა და მოდელირებაში
IT Academy STEP – მსოფლიო ბრენდი 98 ფილიალით!
გახდი კვალიფიციური სპეციალისტი და საკუთარი საქმის პროფესიონალი, შემოგვიერთდით სტეპერების დიდ ოჯახში
თბილისი,
საბურთალო, ალ.ყაზბეგის 34/34