ენები, როგორიცაა Python, C და JavaScript ყველა რეიტინგის ლიდერებად იქცნენ უკანასკნელ წლებში, თუმცა საინტერესოა, რომლისკენ უფრო მიისწრაფვოდნენ ადამიანები 2021 წელს?
პროგრამული ენები ყოველწლიურად ვითარდება და იხვეწება, მათ საზოგადოების პროგრესული ნაწილი უფრო მრავალფეროვან პროექტებში მოიხმარს, იქნება ეს ვებ-საიტების, აპლიკაციებისა თუ მანქანური სწავლების განვითარება
ყველას სმენია Python, C, JavaScript, C ++, Java და სხვა პროგრამული ენის შესახებ, ისინი პოპულარული ენების რეიტინგის სათავეში დგანან და დამაჯერებლად დომინირებენ
TIOBE-ის მსგავსი ორგანიზაციების დაწესებულ რეიტინგებში ასახულია სხვადასხვა ენის პოპულარობა, ორგანიზაციები ახორციელებენ ენის მოხმარების, ახალი კურსების და მოქმედი ინჟინრების რაოდენობის მონიტორინგს
"პოპულარობის გაზომვის სხვადასხვა მეთოდი არსებობს, მაგალითად, ენები, რომლებიც გამოიყენება სახელმწიფო პროგრამებისთვის, ენები რომელიც მუშაობს ყოველდღიურად მოხმარებად მოწყობილობებში, ენები, რომლებზეც ყველაზე მეტი პროგრამა და კოდია დაწერილი, ყველა ეს ენა მოთხოვნადი და საოცნებოდ კარგად ანაზღაურებადია" ამბობს ნიუ იორკის უნივერსიტეტის კომპიუტერული მეცნიერების განყოფილების ასოცირებული პროფესორი Benjamin Goldberg-ი.
TIOBE- ს სიის თანახმად, 2002 წლიდან C, Java, C ++ და Python ყველაზე პოპულარული ენებია. C #, Visual Basic და JavaScript ასევე იბრძოდნენ პირველი ადგილისთვის 2002 წლამდეც
1. C: ცნობილია, რომ C და Java უკვე დიდი ხანია TIOBE რეიტინგის სათავეში არიან . 1972 წელს Dennis Ritchie-სა და Ken Thompson-ის მიერ შექმნილი "B" - ს მემკვიდრე ენა სწრაფად გახდა ყველაზე ფართოდ გამოყენებადი მსოფლიოს მასშტაბით
”მე ვწერ უამრავ C კოდს, განსაკუთრებით მაშინ, როცა ვასწავლი პრაქტიკულ კურსებს, როგორიცაა ოპერაციული სისტემები ან კომპიუტერული სისტემების ორგანიზაცია. C განსაკუთრებით გავრცელებულია და გამოიყენება კომპიუტერული პროგრამებისათვის, მოწყობილობების აბსოლუტურ უმრავლესობაში. კომპიუტერულ მეცნიერებათა კურსებზე, სადაც ასწავლიან თუ როგორ მუშაობს კომპიუტერი "შიგნიდან", C არის არჩევანის ენა ",
"სისტემური პროგრამული უზრუნველყოფა, რომელიც ძირითადად დაწერილია C– ზე, მოიცავს უმეტეს ოპერაციულ სისტემებს (Windows, Linux, ზოგი iOS და Linux ბირთვს, რომელსაც იყენებენ Android მოწყობილობები) და სატელეკომუნიკაციო პროგრამებს უკაბელო (ფიჭური, Wi-Fi) და სადენიანი ქსელებისთვის (მარშრუტიზატორები, Ethernet კონტროლერები და ა.შ.). იგი ასევე გამოიყენება მიკროპროცესორებში, რომელიც ჩასმულია ყველაფერში, ტოსტერიდან დაწყებული, ტელევიზორებით და ავტომობილებით დამთავრებული. ”- თქვა Goldberg-მა.
2. Java: გასულ წელს გაირკვა, რომ მსოფლიოში 8 მილიონზე მეტი ჯავა დეველოპერია, რაც მას მესამე ადგილზე აყენებს Python– ის შემდეგ, 10,2 მილიონი დეველოპერით და მინიმუმ 11,7 მილიონი აქტიური JavaScript დეველოპერით.
”ჯავა ასევე მუშაობს დიდი რაოდენობით მოწყობილობებზე, რადგან Android პროგრამები და Android სისტემის დიდი ნაწილი ჯავაზეა დაწერილი”, - განმარტა Goldberg-მა.
3. Python: SlashData- ს თანახმად, Python-ი ყველაზე პოპულარულია მანქანათმცოდნეობის და IoT აპლიკაციებზე ორიენტირებული დეველოპერებისთვის. TIOBE- ის რეიტინგში ეს ენა მესამე ადგილზე გავიდა, მისმა აღმასრულებელმა დირექტორმა Paul Jansen-მა დაწერა, რომ Python-ი სავარაუდოდ იქნება 2021 წლის პროგრამირების ენა, მას შემდეგ რაც უზრუნველყოფს რეიტინგების ყველაზე მაღალ ზრდას.
”კოლეჯებისა და უნივერსიტეტების ფარგლებში, გაცნობითი გაკვეთილების სწავლების ყველაზე პოპულარული ენებია Java და Python. მათ შედარებით მარტივად ასწავლიან და სწავლობენ, განსაკუთრებით Python– ს და ახალბედა პროგრამისტებისთვის უფრო ნაკლებ სირთულეებს ქმნის ვიდრე, ვთქვათ, C ”, - განაცხადა Goldberg-მა.
"მონაცემთა მეცნიერება ამ ბოლო დროს ძალიან პოპულარული სასწავლო სფეროა და არსებობს უამრავი DS კლასი, რომლებიც იყენებენ Python პაკეტებს მანქანათმცოდნეობისთვის და მასთან დაკავშირებული სხვა თემებისთვის. ამ მიზეზის გამო, ბევრი ამჩნევს სტუდენტებს, რომელთაც სურთ Python ისწავლონ და უამრავ დამსაქმებელს, რომლებიც ეძებენ კურსდამთავრებულებს მონაცემთა მეცნიერების ცოდნით და პითონის გამოცდილებით. "
ისევე, როგორც ადამიანს, კომპიუტერსაც შეუძლია გაიგოს და გააცნობიეროს ის იდეები და ცნებები, რომლებსაც მასში ჩავბეჭდავთ სხვადასხვა პროგრამირების ენის საშუალებით. Python არის მაღალი დონის პროგრამირების ენა, რომელმაც ააშენა ისეთი ცნობილი კომპანიები და პროგრამები, როგორებიც არის Instagram, Netflix, Google, Nasa და სხვა.მას ასევე იყენებენ ვებ-საიტების, აპლიკაციებისა და მანქანური სწავლების განვითარებისთვის. არაერთმა კვლევამ აჩვენა, რომ Python არის ერთ-ერთი ყველაზე მარტივად დასწავლადი პროგრამირების ენა, რომელიც ძალიან ახლოს დგას ინგლისურ ენასთან. ამიტომ, თუ კი თქვენი შვილი ინგლისურთან მეგობრობს, მას არც Python-ის სწავლა გაუჭირდება, მარტივად გაიგებს და გაიაზრებს კოდის წერის კონცეფციას.
→ დარეგისტრირდი ახლავე!
4. C++: პოპულარობის კლების დინამიკა აქვს მას შემდეგ, რაც 2000-იანი წლების უმეტეს პერიოდში მესამე ადგილს მტკიცედ იკავებს, გვატყობინებს TIOBE-
5. C#: მას შემდეგ, რაც 2012 წელს ცოტათი გაუსწრო C ++ - ს, C # საბოლოოდ ჩაჯდა უფრო პოპულარული ენების უკან, ისეთების, როგორიცაა Python, Java და C.
SlashData– ს მონაცემების თანახმად, მსოფლიოში დაახლოებით 6,7 მილიონი C # დეველოპერია, რომლებიც ძირითადად თამაშებზე, AR და VR– ზე არიან კონცენტრირებულნი.
6. JavaScript: წელს 25 წელი შეუსრულდა JavaScript– ს და კვლავ რჩება ერთერთ ყველაზე პოპულარულ ენად, რომელიც ოდესმე შექმნილა.
”იმ თვალსაზრისით, თუ რომელი ენა გამოიყენება პროგრამებისთვის და ყველაზე მეტი მოწყობილობისთვის, რა თქმა უნდა ეს JavaScript-ია”, - განაცხადა Goldberg-მა.
"JavaScript-ი გამოიყენება ყველაზე მეტი პროგრამის დასაწერად, მნიშვნელოვან ვებ – გვერდებზე JavaScript-ზე დაწერილი მინიმუმ 1 პატარა სკრიფტი მაინც არის ჩასმული, რომელიც გამოიყენება ბრაუზერის მიერ (მათ შორის, ბრაუზერები, რომლებიც ჩაშენებულია მობილური აპლიკაციებით ტელეფონებზე და ტაბლეტებზე). "
7. PHP: ბოლო წლების განმავლობაში PHP– მ პოპულარობაში ვარდნა განიცადა, TIOBE– ს რეიტინგშიც და კურსებისადმი ინტერესის თვალსაზრისით, ისეთ საიტებზე, როგორიცაა Pluralsight. ის დასახელდა 2004 წლის ენად და ინტერესის პიკს 2010 წელს მიაღწია. მაგრამ დიდი გარკვევების შემდეგ, 2014 წელს, მისი პოზიცია გამყარდა თითქმის 6 მილიონი დეველოპერით.
8. R: მხოლოდ 2 წელიწადში R-მა შეძლო შვიდი ადგილით დაწინაურება TIOBE- ის რეიტინგში. პოპულარობის ზრდა ნაწილობრივ განპირობებულია მონაცემების ინჟინრების მიერ მისი გამოყენებით, რომლებიც ფართო პოპულარობით სარგებლობენ, რადგან ყველა ბიზნესი ცდილობს გამოიყენოს თავისი მონაცემები ბიზნესის დაზვერვისა და ანალიტიკისთვის.
”უნივერსიტეტები და კვლევითი ინსტიტუტები მოიცავენ Python და R ენებს თავიანთი სტატისტიკური ანალიზისთვის. უამრავი სტატისტიკური მონაცემების მოპოვებაა საჭირო COVID-19 ვირუსის ვაქცინის მოსაპოვებლად. შედეგად, სტატისტიკური პროგრამირების ენები, რომელთა სწავლა და გამოყენება მარტივია, ახლა პოპულარული ხდება”- ივლისში წერდა Jansen-ი.
ჩვენთან სტეპ აკადემიაში თქვენ გაქვთ შესაძლებლობა შეისწავლოთ პროგრამირება, მიიღოთ ხარისხიანი ცოდნა და უზარმაზარი გამოცდილება!
შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
