პანდემიამ, რომელმაც მსოფლიო სწრაფად მოიცვა 2020 წელს, გამოიწვია სამუშაო ადგილის გადმოტანა კომფორტის ზონასთან ახლოს. მსოფლიოს ყველა ინდუსტრიაში, კომპანიების მიერ, იმაზე მეტი ადამიანი არის დისტანციურად დასაქმებული ვიდრე ოდესმე.
სახლიდან მუშაობა 2020 და 2021 წელს მსოფლიო სამუშაო ძალის 62% -ზე მეტისთვის გახდა ყოველდღიურობა და დამსაქმებლებმა ახლა უნდა იფიქრონ იმაზე, თუ როგორ გადაანაწილებენ თავის თანამშრომლების სამუშაო რეჟიმს 2021 წლის შემდეგ
დისტანციურად მუშაობა აჩენს ახალი ქცევისა თუ უნარების განვითარების აუცილებლობას, რადგან დისტანციურად მუშაობა მოითხოვს უფრო მეტად საკუთარი გადაწყვეტილებებით ქმედებას, საკუთარი სამუშო დღის შექმნასა და მართვას, უფრო მეტ დაფიქრებას და უფრო მეტ თავისუფლებას გადაწყვეტილების მიღების პროცესში. როგორც მაკენზის 2020 წლის მაისის კვლევა ადასტურებს, ახალ რეალობაში დასაქმებულებს სჭირდებათ იყვნენ ენტრეპრენერები; ადამიანებს აუცილებლად დასჭირდებათ თვითორგანიზებულობა, ანალიტიკური აზროვნება, პრობლემის გაანალიზება, საჭირო და დამატებითი ინფორმაციის დამოუკიდებლად მოძიება და დამოუკიდებლად ქმედებაც.
გარტნერის კვლევის მიხედვით, კომპანიების უმეტესობა (გამოკითხული 12.000 ადამიანიდან 87%) ამბობს, რომ ვაქცინაციის დასრულების შემდეგ, მაინც ჰიბრიდული მოდელის შენარჩუნებას მოითხოვენ, რაც ნიშნავს, რომ ოფისში მხოლოდ საჭიროების შემთხვევაში მივლენ (მაგ. კვირაში ერთხელ), მაკენზიც კი ამბობს რომ ოფისი ვეღარ იქნება ისეთი როგორც პანდემიამდე, ადრე თუ სამუშაო ადგილი იყო, ახლა ოფისი შეხვედრების ადგილად იქცევა. ამ ახალ პრაქტიკას კი ნამდვილად შეინარჩუნებენ, გააძლიერებენ (შესაბამისად, მენეჯერის როლი გახდება შეხვედრების ორგანიზატორის მსგავსი), რადგან ფაქტია, რომ ციფრებით დასტურდება სახლიდან მუშაობისას მაღალი პროდუქტიულობა, ამ პროდუქტიულობას არავინ დაკარგავს და მივიღებთ ასეთ რეალობას, რომელშიც სახლში ვიმუშავებთ, სამსახურში რამდენიმე საათით გავივლით, კოლეგების ნახვით ვისიამოვნებთ, რაც შეამცირებს ზუმ-შეხვედრებს და მის თანმდევ ხარვეზებს
დისტანციურად ან ჰიბრიდული მეთოდის შეთავაზებით მეტ თანამშრომელს შეინარჩუნებთ/მოიზიდავთ
ჰიბრიდული მეთოდის სარგებელი მარტივია - სამგზავრო დრო და ხარჯები ნაკლებია, საოპერაციო ხარჯები დაბალია და პროდუქტიულობა იზრდება - თანამშრომლებისთვის უმეტესად დისტანციურად მუშაობის უფლების მიცემას კარგი შედეგები მოაქვს, მათ შორის ყველაზე მნიშვნელოვანი გახლავთ ჯანსაღი კონკურენცია და მრავალფეროვანი გარემო.
იმის გამო, რომ ახლა თანამშრომლებს აქვთ შესაძლებლობა დისტანციურად იმუშაონ მსოფლიოს სხვადასხვა ქვეყნის კომპანიებში, ისინი აღარ არიან იძულებულნი სამსახური საკუთარ სახლებთან ახლოს მოძებნონ. ეს ნიშნავს მრავალ შესაძლებლობას ნიჭიერი პირებისათვის, ამიტომ კომპანიები უნდა დარწმუნდნენ იმაში, რომ ისინი ინარჩუნებენ დამსაქმებლის ძლიერ ბრენდს, რათა შეძლონ კონკურენციის გაწევა საუკეთესო გამოცდილების მქონე პროფესიონალების დასაქირავებლად.
პოსტ-პანდემიურ პერიოდში თანამშრომლების წახალისების ერთ – ერთი საუკეთესო გზა ორგანიზაციაში დასარჩენად და იმისთვის, რომ პერსპექტიული თანამშრომლებისთვის კომპანია მიმზიდველი გახდეს, არის ჰიბრიდული მუშაობის შეთავაზება, როგორც თანამშრომელთა პაკეტის ერთ – ერთი უპირატესობა. უფრო და უფრო მეტი ადამიანი ეძებს მოქნილ სამუშაო გრაფიკს, ორგანიზაციები, რომლებიც თავიანთ თანამშრომლებს არ შესთავაზებენ დისტანციურად მუშაობის შესაძლებლობას, დაკარგავენ საუკეთესო კადრების აყვანის შესაძლებლობას.
დისტანციურად შრომა განსაკუთრებით მნიშვნელოვანია მშობლებისთვის
დაახლოებით 23 მილიონ მშობელს მცირეწლოვანი შვილით აშშ-ს მასშტაბით არ ჰყავს ოჯახში დამხმარე აღმზრდელი, ევროპის მასშტაბით მოცემულობა მეტად დრამატულია, რადგან ისინი სახლიდან მუშაობენ, რაც იმას ნიშნავს, რომ მნიშვნელოვანია მხედველობაში მიიღონ მათი პირადი მდგომარეობა და შესთავაზონ მათ დისტანციური მუშაობა, როგორც თანამშრომელთა პაკეტის ნაწილი, რომ შეინარჩუნონ ისინი ორგანიზაციაში ან სტიმული მისცენ ახალი სამუშაოსთვის.
უფრო და უფრო მეტი კომპანია სთავაზობს მოქნილ საათებს მშობლებს, რომლებსაც პანდემია მეორე წელია აიძულებს, იზრუნონ ბავშვზე და ამავდროულად იმუშაონ სახლიდან. სინამდვილეში, Zainsits- ის კვლევის თანახმად, მუშაკთა 77% -მა აღნიშნა, რომ სრულად დისტანციური ან ჰიბრიდული სამუშაოების შეთავაზებები საინტერესოა მათთვის ვაკანსიების ძიებისას. უფრო მეტიც, საერთაშორისო სამუშაო ჯგუფის ანგარიშში აღმოჩნდა, რომ აშშ – სა და ევროპის მუშაკთა არანაკლებ 80% ამბობს, რომ უარს იტყვის სამსახურზე, თუ ის არ შესთავაზებს მათ ჰიბრიდულ მეთოდს.
თანამშრომელთა პაკეტი და მისი უპირატესობები
თანამშრომლების გაუმჯობესებული შენარჩუნების გარდა, დისტანციურ მუშაობას ორგანიზაციისთვის სხვა სარგებელიც აქვს, პროდუქტიულობის გაზრდა კი ერთ-ერთი ყველაზე ფასეულია. ბოლო ათწლეულის განმავლობაში უამრავი დისკუსია მიმდინარეობდა დისტანციური თანამშრომლების პროდუქტიულობის საკითხზე, მაგრამ ბოლოდროინდელმა კორონავირუსულმა პანდემიამ აჩვენა, რომ დასაქმებულების მხრიდან, რომლებიც გადადიან ტრადიციული საოფისე გარემოდან სახლში მუშაობაზე, პროდუქტიულობის შემცირება არ აღინიშნება.
სახლიდან მუშაობისას, ზოგჯერ რთულია სამუშაოზე კონცენტრირება და მისი შესრულება შვილებთან ერთად გიწევთ, რომლებიც თქვენს გარშემო ხტუნავენ. თუმცა აღარ გექნებათ სამსახურში ტრანსპორტით გადაადგილების სტრესი, ხარჯი და რაც მთავარია თავად განსაზღვრავთ სამუშაო დროს.
ადამიანების უმეტესობა განსაკუთრებით აფასებს სამუშაო ადგილს და სივრცეს, ზოგ ადამიანს სჭირდება მშვიდი, წყნარი გარემოს შექმნა, მაშინ როცა სხვები თავიანთ საქმეს ყველაზე კარგად აკეთებენ გვიან ღამით ან დივანზე წამოწოლის დროს, ახალგაზრდებს სულაც სკვერიდან, კაფიდან ან სანაყინიდან მოსწონოთ სამუშაოს შესრულება.
კომპანიები ცდილობენ მოერგონ ახალ რეალობას და განაგრძონ ფუნქციონირება თანამშრომლების დაკარგვის გარეშე ”ახალი მიდგომებით”, ამ უზარმაზარ სამუშაო ცვლას დადებითი და უარყოფითი მხარეებიც აქვს. ცვლილებები თანაბრად შეეხო ყველა ფენას, დაზარალდა ყველა სფერო, ერთადერთი ვინც პანდემიის დროს შეძლო წინსვლა და ფინანსურად განვითარება, იყვნენ დისტანციურად დასაქმებული ადამიანები - საჭირო უნარებით შეიარაღებული პროფესიონალები
დაეუფლე 2021 წელს მოთხოვნად და საუკეთესოდ ანაზღაურებად პროფესიებს, როგორიცაა: Front-End ვებ-პროგრამირება, ციფრული მარკეტინგი და დიზაინი, 3D გრაფიკა და დიზაინი, 2D გრაფიკა და UI/UX დიზაინი, ინტერიერის დიზაინი, IT Support
მოქნილი გრაფიკის შედგენა ამცირებს სამუშაო ადგილზე არყოფნის ფაქტს - თქვენს თანამშრომლება აღარ დასჭირდებათ დასვენების ერთი ან მეტი დღე პირად საკითხებზე ზრუნვისთვის.
გარდა ამისა, მინესოტას უნივერსიტეტის მიერ ჩატარებულმა კვლევებმა აჩვენა, რომ მოქნილი გრაფიკის მქონე თანამშრომლები უფრო ჯანმრთელები არიან, ვიდრე ისინი, ვინც განსაზღვრულ საათებში მუშაობენ. სახლიდან მუშაობა საშუალებას აძლევს დასაქმებულებს უკეთესად დაიძინონ, ბევრი ისეირნონ ფეხით, შეხვდნენ მეგობრებს ყოველდღიურად, რაც მათი კეთილდღეობისთვის აუცილებელია. უფრო მეტიც, როცა თანამშრომლები ავად ხდებიან, ისინი უფრო სწრაფად ახერხებენ გამოჯანმრთელებას, თუ მათ აქვთ მოქნილი განრიგი და დღის განმავლობაში ტრანსპორტში არ უწევთ საათების გატარება.
შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
+995 577 538 549 ქ.თელავი, ნადიკვრის #23
+995 (32) 215-55-51 ქ.თბილისი, ა.ყაზბეგის 34/34 ბ
https://www.facebook.com/itstep.ge
