როგორც იცით, თვის დასაწყისში ილონ მასკმა ჯერ Twitter-ის 9.2% შეიძინა, ერთი კვირის შემდეგ კი კომპანიის სრულად შესყიდვის სურვილიც გამოთქვა და თან თითო აქციის 54%-ით უფრო ძვირად შეძენის პირობით, ანუ მასკი Twitter-ის სრულად შესასყიდად 44 მილიარდს გადაიხდიდა. შეთავაზების გაკეთების შემდეგ 2 კვირა გავიდა, მედიაში ვრცელდებოდა ინფორმაცია, რომ ტვიტერის დირექტორთა საბჭო კომპანიის გაყიდვის წინააღმდეგი იყო, თუმცა ეს სიმართლე არ აღმოჩნდა.
Twtiter-ის ბორდი ილონ მასკის შეთავაზებას დაეთანხმა. ეს იმას ნიშნავს, რომ მსოფლიოს ყველაზე მდიდარი ადამიანს Twitter-ის 44 მილიარდ დოლარად შეძენის საშუალება ექნება, ამ შემთხვევაში გამოვა რომ მასკი ტვიტერის ერთ აქციას 54.20 დოლარად იყიდის.
"სიტყვის თავისუფლება დემოკრატიისათვის ყველაზე მნიშვნელოვანია და ტვიტერი არის ჩვენი ციფრული ქალაქის მოედანი, სადაც უამრავი რამ განიხილება. მე მსურს რომ ვაქციო Twitter უკეთეს ადგილად, ამისათვის დაემატება ახალი ფუნქციები, კოდი იქნება open-source რათა გაიზარდოს ნდობა, ჩვენ შევეცდებით სპამ ბოტების გაქრობას." — განაცხადა მასკმა.
Twitter-ის CEO-მ პარაგ აგრავალმა ასევე აღნიშნა, რომ ეს გადაწყვეტილება კომპანიას წაადგება.
"Twitter-ს აქვს წონა, რომელიც მთელ მსოფლიოზე აღდენს გავლენას. მე ძალიან ამაყი ვარ ჩვენი გუნდით და ვფიქრობ რომ მუშაობა ამაზე მნიშვნელოვანი არასდროს ყოფილა" — ამბობს პარაგ აგრავალი
მასკმა გადახდის გეგმაც წარადგინა, რომლის მიხედვითაც 25.5 მილიარდი კრედიტების სახით გაიცემა, 21 მილიარდი კი პირატი კაპიტალიდან.
როგორც ჩანს, ტრანზაქცია ტვიტერის აღმასრულებელმა საბჭომ ანონიმურად დაადასტურა. შეთანხმება სავარაუდოდ წელსვე დაიხურება, თუმცა ამას Twitter-ის ყველა აქციონერი უნდა დაეთანხმოს, ასევე საჭიროა მარეგულირებელი ორგანოების თანხმობაც და სხვა წვრილმანი ბიუროკრატიული საკითხების მოგვარებაც.