სურვილები და მიზნები წარმატებისთვის 2021 წელს
27.03.2021
მოტივაცია
დაფიქრებულხართ, რა არის სურვილი?
სურვილი ჩვენი ოცნება და მოლოდინია; „იმედი“, რომ რაღაც, რაც ჩვენ გვინდა, ოდესმე მოხდება. სურვილი არის ის, რისი შესრულებაც შესაძლებელია შემთხვევით, თავდაუზოგავი შრომის და მოპოვების გარეშე.
რა არის მიზანი?
ეს არის ოცნება, რომლის მისაღწევადაც ჩვენ გვაქვს შემუშავებული სამოქმედო გეგმა და ნაბიჯ-ნაბიჯ, მიზანმიმართულად ვასრულებთ მას. მიზანი პიროვნების ამბიციის გამოხატულებაა. მიზანი არის ის, რისი მიღწევაც შესაძლებელია მხოლოდ თავდაუზოგავი შრომით.
მიზნის მისაღწევად ჩვენ ვმოქმედებთ, სურვილზე კი უბრალოდ ვოცნებობთ. მიზანი მოითხოვს ქმედებას, სურვილის შესრულება კი შესაძლებელია თითის გაუნძრევლად, მაშინაც კი როცა გძინავთ. ბავშვობაში ხშირად მიოცნებია, რომ ჩიტივით ცაში მეფრინა. ფანჯრის რაფაზე ჩამომჯდარი სულ მაღლა ვიყურებოდი და ვოცნებობდი, მაგრამ არასოდეს მიცდია გავფრენილიყავი. იმიტომ, რომ ვიცოდი, ოცნება სიზმარია, ქმედება კი მიზნის შესრულების საშუალება და ის აუცილებლად მიღწევადი უნდა იყოს.
მიზნის მიღწევა კონკრეტულ ვადაშია გაწერილი, სურვილი კი უბრალოდ სურვილია, ყოველგვარი დროითი ჩარჩოს გარეშე. ხშირად ადამიანები ერთი სურვილით სულდგმულობენ, ისე რომ ვერასოდეს ისრულებენ მას. გიოცნებიათ ლატარეაში ფულის მოგებასა და გამდიდრებაზე? რა თქმა უნდა კი. თუმცა ეს ვერასოდეს იქცევა თქვენს მიზნად. ამ სურვილს დროში ვერ გაწერთ და შესაბამისად, ვერც თქვენს ცხოვრებას დაგეგმავთ იმის იმედად, რომ ხვალიდან ან ზეგიდან მონაგები თანხით უზრუნველად იცხოვრებთ.
მიზნები პირდაპირ განაპირობებენ ჩვენი ცხოვრების ხარისხსა და მომავალს, სწორი მიზნების დასახვით ჩვენ ვქმნით „ბედნიერ“ მომავალს, არასწორი მიზნების დასახვით კი მხოლოდ დროს და რესურსებს ვფლანგავთ
რას გულისხმობს სწორი მიზანი:
სწორ მიზანს რამდენიმე განმარტება აქვს, ეს შეიძლება იყოს ოჯახზე ზრუნვა, სხვების დახმარება, კეთილი საქმეების კეთება და ა.შ. თუმცა, საკუთარ თავს ალბათ განათლებასა და განვითარებაზე მეტად კეთილ საქმეს ვერ გაუკეთებთ, ყველაზე სწორი მიზანი ყოველთვის სწავლა და განვითარებაა.
21- საუკუნე, კოლოსალური ტექნოლოგიური განვითარებითა და ცხოვრების განსაკუთრებით სწრაფი ტემპებით ხასიათდება, ახალი, მანამდე არასტანდარტული პროფესიების გაჩენამ განაპირობა, ცხოვრებისა და კარიერის შესაქმნელად მიდგომების შეცვლა, ახლა წარმატების მიღწევა ძირითადად ხომ მონდომებაზე, პრაქტიკასა და სწორად შერჩეულ თანამედროვე პროფესიებზეა დამყარებული.
ეცადეთ აირჩიოთ მოთხოვნადი და საუკეთესოდ ანაზღაურებადი მიმართულებები, დრო დააბანდეთ ისეთი უნარების განვითარებაში, როგორიცაა: Front-End ვებ-პროგრამირება, ციფრული მარკეტინგი და დიზაინი, 3D გრაფიკა და დიზაინი, 2D გრაფიკა და UI/UX დიზაინი, ინტერიერის დიზაინი, IT Support
სწორად შერჩეული სამიზნით, შეძლებთ გაიუმჯობესოთ ცხოვრებას იმაზე სწრაფად, ვიდრე ეს ახლა წარმოგიდგენიათ
სურვილი უფასოა, მიზანს კი ფასი აქვს. ჩვენ შეგვიძლია ვიოცნებოთ უფასოდ, მიზნები კი კონკრეტული საფასურის გარეშე არ სრულდება. თუ ჩვენ ვოცნებობთ, ვიყოთ „უფრო მდიდარი, უფრო წარმატებული, უფრო ჭკვიანი“, ამისათვის ოცნება უნდა ვაქციოთ მიზნად და შესაბამისი საფასური გავიღოთ. ეს შესაძლოა იყოს ფული, რომელსაც დავხარჯავთ სწავლისა და განვითარებისთვის; დრო, რომელსაც მოვაკლებთ სხვა საქმეს და ჩვენს თავს და მივუძღვნით წარმატების მიღწევას; ენერგია, რომელსაც დავხარჯავთ დასახული მიზნების მისაღწევად. დრო, ძალისხმევა და ფული – ეს არის საფასური, რომელსაც ჩვენ ვიღებთ მიზნის მიღწევის სანაცვლოდ.
მიზანს მოაქვს რეალური რაოდენობრივი და ხარისხობრივი შედეგი. სურვილს კი მხოლოდ ემოციური კმაყოფილება. გინდა ცხოვრების ხარისხის, სამუშაო გარემოს, ფინანსური მდგომარეობის შეცვლა? ეს შესაძლებელია მხოლოდ მიზნის დასახვით და მიღწევით. ოღონდ ერთი პირობით. მიზანი ყოველთვის ციფრებში უნდა იყოს გამოსახული. ვიყოთ „უფრო მდიდარი, უფრო წარმატებული, უფრო ჭკვიანი“ – ეს ოცნებაა, რომლის მიღწევის წარმოდგენით ჩვენ მივიღებთ მხოლოდ ზემოთხსენებულ ემოციურ კმაყოფილებას, რადგანაც არ ვიცით რამდენია ეს „უფრო“. ვიყოთ „1 მილიარდი დოლარის მფლობელი“, „დავწინაურდეთ კომპანიის პრეზიდენტის თანამდებობაზე“, „წავიკითხოთ 100 ახალი წიგნი“ – აი ეს არის მიზანი, რადგანაც მას მერე რაც ჩვენს მიზანს მივაღწევთ, ზუსტად გვეცოდინება რა მივიღეთ და რის ფასად.
შეისწავლე ჩვენს დროსთან და არსებულ რეალობასთან თანხვედრაში მყოფი პროფესიები, რომ დააფუძნო დიდებული სტარტაპ კომპანია და დაამტკიცო რომ შეუძლებელი არაფერია!
სურვილი ავარჯიშებს ჩვენს წარმოსახვას, მიზანი კი გვავარჯიშებს ჩვენ. მიზნის მისაღწევად გაწეული შრომა ხვეწავს ჩვენს შესაძლებლობებს და უნარებს. სურვილი შთაგვაგონებს, მიზანი კი სამუდამოდ ცვლის ჩვენს ცხოვრებას. ხანდახან მხოლოდ ერთი ნაბიჯია ჩვენი ოცნების მიზნად ქცევამდე. შეიძლება ამ ერთი ნაბიჯის გადადგმას წლები მოვანდომოთ, მაგრამ როგორც იტყვიან „ჩიტი ბდღვნად ღირს“ – ამან შესაძლოა ჩვენი ცხოვრება სამუდამოდ შეცვალოს.
შემოგვიერთდით სტეპერების დიდ ოჯახში!
IT Academy Step ლიდერი IT სფეროში , ახლა უკვე 100+ ფილიალით!
